ହାଇଦ୍ରାବାଦ: ବଲିଉଡ ହ୍ୟାଣ୍ଡସମ ହଙ୍କ୍ ଅଭିନେତା ହ୍ରିତିକ ରୋଶନଙ୍କ ଅନେକ ଫ୍ୟାନ୍ସ ଫୋଲର୍ସ ରହିଛନ୍ତି । ଅଭିନେତାଙ୍କ ଗୋଟିଏ ଝଲକ ଦେଖିବା ପାଇଁ ଫ୍ୟାନ୍ସ ପାଗଳ ହୋଇଥାନ୍ତି । ସୋସିଆଲ ମିଡିଆରେ ଫ୍ୟାନ୍ସଙ୍କ ପାଇଁ ହ୍ରିତିକ ନିଜ ଫଟୋ ସେୟାର କରିଥାଆନ୍ତି । ବର୍ତ୍ତମାନ ଅଭିନେତା ଲାଟେଷ୍ଟ ଫଟୋ ସେୟାର କରିଛନ୍ତି । ଯାହାକୁ ଦେଖି ଫ୍ୟାନ୍ସ ଦିୱାନା ହୋଇଛନ୍ତି । ତାଙ୍କ ଗାର୍ଲଫ୍ରେଣ୍ଡ ସବାଙ୍କ ସମେତ ଅନେକ ଫ୍ୟାନ୍ସ ଏହି ଫଟୋ ଉପରେ କମେଣ୍ଟ୍ ବର୍ଷା କରିଛନ୍ତି ।
ହ୍ରିତିକ ଇନଷ୍ଟାଗ୍ରାମରେ ଏକ ଫଟୋ ସେୟାର କରିଛନ୍ତି । ଯେଉଁଥିରେ ସେ ବିନା ସାର୍ଟରେ ତାଙ୍କ ଆବସ୍ ଦେଖାଉଥିବାର ନଜର ଆସିଛନ୍ତି । ଏହି ଫଟୋ ସେୟାର କରି ଅଭିନେତା କ୍ୟାପ୍ସନରେ ଲେଖିଛନ୍ତି, ଶେଷ ଲାଇନ ଦେଖିପାରିବିନି । ଏହି ଫଟୋ ସେୟାର ହେବା ମାତ୍ରେ ତାଙ୍କ ଗାର୍ଲଫ୍ରେଣ୍ଡ ସବା ଆଜାଦ ଏବଂ ଏକ୍ସ ଗାର୍ଲଫ୍ରେଣ୍ଡଙ୍କ ସମେତ ଅନେକ ଫ୍ୟାନ୍ସ ପ୍ରତିକ୍ରିୟା ଦେଇଛନ୍ତି । ସବା ଆଜାଦ ହାର୍ଟ ଇମୋଜି ସେୟାର କରିଛନ୍ତି । ଏଥିସହ ଅନେକ ତାରକା ପ୍ରୀତି ଜିଣ୍ଟା, ବିପାଶା ବାସୁ, ଅର୍ଜୁନ କପୁର, କାର୍ତ୍ତିକ ଆର୍ଯ୍ୟନ ମଧ୍ୟ ପ୍ରତିକ୍ରିୟା ଦେଇଛନ୍ତି ।
ସେହିପରି ଫ୍ୟାନ୍ସ ପ୍ରତିକ୍ରିୟାରେ ଲାଲ୍ ହାର୍ଟ ଇମୋଜି ସହ ଫାୟାର ଇମୋଜି ସହ ଅଭିନେତାଙ୍କ ପ୍ରଶଂସା କରିଛନ୍ତି । ଏହି ଫଟୋ ଉପରେ ପ୍ରତିକ୍ରିୟା ଦେଇ ଜଣେ ପ୍ରଶଂସକ ଲେଖିଛନ୍ତି ଯେ 'ତୁମେ ଏତେ ଭଲ କିପରି ହୋଇପାରିବ ? ପିଲାଦିନରୁ ତୁମେ ମୋର କ୍ରସ୍ ଥିଲ ଏବଂ ସର୍ବଦା ରହିବ । ଅନ୍ୟ ଜଣେ ଲେଖିଛନ୍ତି ଯେ 'ୱା ସାର୍, ଚମତ୍କାର ଶରୀର ଆପଣଙ୍କର ।
ସୂଚନା ଥାଉ କି, ହ୍ରିତିକ ବର୍ତ୍ତମାନ ସବା ଆଜାଦଙ୍କୁ ଡେଟ୍ କରୁଛନ୍ତି । କିଛି ଦିନ ପୂର୍ବରୁ ଅଭିନେତା ତାଙ୍କ ଗାର୍ଲଫ୍ରେଣ୍ଡ ସବା ଆଜାଦଙ୍କ ସହ ଡିନର ନାଇଟରେ ନଜର ଆସିଥିଲେ। ଏହି ସମୟ ମଧ୍ୟରେ ତାଙ୍କ ପୁଅମାନେ ମଧ୍ୟ ତାଙ୍କ ସହିତ ନଜର ଆସିଥିଲେ । ରେଷ୍ଟୁରାଣ୍ଟରୁ ବାହାରିବାବେଳେ ହ୍ରିତିକ ସବାଙ୍କ ହାତ ଧରିଥିବାର ଦେଖିବାକୁ ମିଳିଥିଲା । ଭିଡିଓ ଭାଇରାଲ ହେବା ପରେ ସେ ଟ୍ରୋଲ୍ର ଶିକାର ହୋଇଥିଲେ ।
ଏହା ମଧ୍ୟ ପଢନ୍ତୁ: Fighter: ମୋଶନ ପୋଷ୍ଟର ଆଉଟ୍, ପାଇଲଟ୍ ଭୂମିକାରେ ଅନୀଲ କପୁର, ଦୀପିକା ଓ ହ୍ରିତିକ
ୱାର୍କଫ୍ରଣ୍ଟ୍ କଥା କହିବାକୁ ଗଲେ, ହ୍ରିତିକ ବର୍ତ୍ତମାନ ଫିଲ୍ମ ଫାଇଟରରେ ନଜର ଆସିବେ । ସିଦ୍ଧାର୍ଥ ଆନନ୍ଦଙ୍କ ନିର୍ଦ୍ଦେଶିତ ଏହି ଫିଲ୍ମରେ ହ୍ରିତିକଙ୍କ ସହ ଦୀପିକା ପାଦୁକୋନ ଏବଂ ଅନୀଲ କପୁର ନଜର ଆସିବେ । ନିକଟରେ ତାରକାଙ୍କ ପ୍ରଥମ ଲୁକ୍ ରିଲିଜ ହୋଇଥିଲା । ଏହି ଫିଲ୍ମ 25 ଜାନୁଆରୀ 2024ରେ ବଡ଼ ପରଦାରେ ରିଲିଜ ହେବ । ଏଥିସହ ହ୍ରିତିକ ୱାର-2ରେ ମଧ୍ୟ ନଜର ଆସିବେ । ଏଥିରେ ସାଉଥ ସୁପରଷ୍ଟାର ଜୁନିଅର ଏନଟିଆର ଏବଂ କିଆରା ଆଡଭାନୀଙ୍କୁ ବି ଦେଖିବାକୁ ମିଳିବ।
