ମୁମ୍ବାଇ: ବଲିଉଡର ଜଣାଶୁଣା ଅଭିନେତ୍ରୀ ଗୌହର ଖାନ (Gauahar Khan) ଖୁବ୍ ଶୀଘ୍ର ମାଆ ହେବାକୁ ଯାଉଛନ୍ତି । ଏହି ଖୁସି ଖବର ବିଷୟରେ ଘୋଷଣା କରି ଗୌହର ତାଙ୍କ ଇନଷ୍ଟାଗ୍ରାମରେ ଏକ ଆନିମେଟେଡ୍ ଭିଡିଓ ସେୟାର କରିଛନ୍ତି । ଭିଡିଓରେ ଗୌହର ଏବଂ ତାଙ୍କ ସ୍ୱାମୀ ଜୈଦ ଦରବାର (Zaid Darbar) କାର୍ଟୁନ୍ ରୂପରେ ନଜର ଆସିଛନ୍ତି । ପ୍ରଶଂସକମାନେ ମଧ୍ୟ ଅଭିନେତ୍ରୀଙ୍କ ଗର୍ଭବତୀ ଘୋଷଣା କରିବାର ଏହି ଅନ୍ଦାଜକୁ ପସନ୍ଦ କରୁଛନ୍ତି ଏବଂ କମେଣ୍ଟରେ ତାଙ୍କୁ ଅଭିନନ୍ଦନ ଜଣାଇଛନ୍ତି ।
- " class="align-text-top noRightClick twitterSection" data="
">
ଏହି ଭିଡିଓକୁ ସେୟାର କରି ଗୌହର ଖାନ ଲେଖିଛନ୍ତି, 'ବିସ୍ମିଲ୍ଲା ହିର ରହମାନ ନିର ରହୀମ। ଆପଣ ସମସ୍ତଙ୍କ ପ୍ରାର୍ଥନା ଏବଂ ଭଲପାଇବା ଆବଶ୍ୟକ । ମା ଶା ଆଲ୍ହା । ଏହି ଭିଡିଓରେ ଦେଖାଯାଇଛି ଯେ, ଗୌହର ସ୍ବାମୀ ଜୈଦଙ୍କ ସହ ବାଇକରେ ଯାଉଛନ୍ତି। ଭିଡିଓରେ ଲେଖାଯାଇଛି, ଏକ୍ ସେ ବନେ ଦୋ, ଜବ ଜୈଦ ସେ ମିଲି ଗୌହର । ଏହା ପରେ ବାଇକରେ ଏକ କ୍ୟାରିୟର ଯୋଡି ହେଉଛି, ଯେଉଁଥିରେ କିଛି ଖେଳନା ରଖାଯାଇଛି । ଏହା ପରେ ଲେଖାଯାଉଛି, ଆମେ ଖୁବ ଶୀଘ୍ର 3 ହେବାକୁ ଯାଉଛୁ।'
ଗୌହର ଏହି ଭିଡିଓ ସେୟାର କରିବା ଦିନଠାରୁ ପ୍ରଶଂସକ ଏବଂ ବନ୍ଧୁମାନେ ତାଙ୍କୁ ଅଭିନନ୍ଦନ ଜଣାଇଛନ୍ତି । ଗୌହର ଏବଂ ଜୈଦଙ୍କ ପ୍ରେମ କାହାଣୀ ବିଷୟରେ କହିବା, ଏହା ଅତ୍ୟନ୍ତ ହୃଦୟସ୍ପର୍ଶୀ । ଲକଡାଉନ୍ ସମୟରେ ଗ୍ରୋସରୀ ସପିଂ ସମୟରେ ଦୁହେଁ ଏକ ଦୋକାନରେ ସାକ୍ଷାତ ହୋଇଥିଲେ । ଯଦିଓ ଗୌହର ଦୋକାନରେ ଜୈଦଙ୍କୁ ଦେଖି ନଥିଲେ । ଏହା ପରେ ଜୈଦ ଇନଷ୍ଟାଗ୍ରାମରେ ଗୌହରଙ୍କୁ ମେସେଜ୍ କରିଥିଲେ ଏବଂ ଦୁହେଁ କଥାବାର୍ତ୍ତା ଆରମ୍ଭ କରିଥିଲେ । ଧୀରେ ଧୀରେ ବନ୍ଧୁତା ଆରମ୍ଭ ହୋଇ ପ୍ରେମରେ ପରିଣତ ହେଲା । ଗୌହରଙ୍କୁ ୩୯ବର୍ଷ ବୟସ ହୋଇଥିବା ବେଳେ ସେ ୨୦୨୦ରେ ଜୈଦ ଦରବାରଙ୍କୁ ବିବାହ କରିଥିଲେ । ବିବାହର ଦୁଇ ବର୍ଷ ପରେ ବର୍ତ୍ତମାନ ଦୁହେଁ ଖୁବ ଶୀଘ୍ର ସେମାନଙ୍କର ପ୍ରଥମ ସନ୍ତାନକୁ ଏହି ଦୁନିଆରେ ସ୍ୱାଗତ କରିବାକୁ ଯାଉଛନ୍ତି ।
ଗୌହର ଖାନଙ୍କ କାମ ବିଷୟରେ ସେ ଛୋଟ ପରଦାରୁ ବଡ ପରଦାରେ ନିଜର ଅଭିନୟ ଦକ୍ଷତା ପ୍ରଦର୍ଶନ କରିଛନ୍ତି । ଏହା ବ୍ୟତୀତ ସେ OTT ରେ ଅନେକ ସୋ’ରେ ମଧ୍ୟ ଅଭିନୟ କରିଛନ୍ତି । ଗୌହରଙ୍କ ଗୀତ 'ଛୋକରା ଜୱା ରେ' ଏବଂ 'ଝଲା-ଭଲ୍ଲା' 'ଇଶ୍କଜାଦେ' ସୁପରହିଟ୍ ହୋଇଥିଲା । ଏଥି ସହିତ ସେ ନିକଟରେ ନେହା କକ୍କରଙ୍କ ଗୀତ 'ବାରିଶ ମେଁ ତୁମ୍'ରେ ସ୍ୱାମୀ ଜୈଦଙ୍କ ସହ ନଜର ଆସିଥିଲେ ।
