ମୁମ୍ବାଇ: ସନ୍ନି ଦେଓଲ ଏବଂ ଅମୀଷା ପଟେଲଙ୍କ ଆଗାମୀ ଚଳଚ୍ଚିତ୍ର 'ଗଦର-୨' ଦିନକ ପରେ ରିଲିଜ ହେବ । ଚଳଚ୍ଚିତ୍ରର ପ୍ରମୋସନ ପାଇଁ ତାରା ସିଂ ତାଙ୍କ ସକିନାଙ୍କ ସହ ବିଭିନ୍ନ ରାଜ୍ୟ ପରିଦର୍ଶନ କରୁଛନ୍ତି । ସେପଟେ ଫିଲ୍ମର ଆଡଭାନ୍ସ ବୁକିଂ ମଧ୍ୟ ରେକର୍ଡ ସୃଷ୍ଟି କରିଛି । ଏହାରି ମଧ୍ୟରେ ବର୍ତ୍ତମାନ ଅଭିନେତା ବବି ଦେଓଲ ତାଙ୍କ ବଡ଼ ଭାଇ ସନ୍ନି ଦେଓଲଙ୍କ ସହ ଏକ ଫଟୋ ସେୟାର କରିଛନ୍ତି । ତାଙ୍କୁ ଆଗାମୀ ଚଳଚ୍ଚିତ୍ର ପାଇଁ ଶୁଭେଚ୍ଛା ଜଣାଇଛନ୍ତି ।
ସ୍ୱାଧୀନତା ଦିବସ ଅବସରରେ ସନ୍ନି ଦେଓଲଙ୍କ ଆଗାମୀ ଚଳଚ୍ଚିତ୍ର ରିଲିଜ କରିବ । ତେବେ ରିଲିଜ ପୂର୍ବରୁ ଫିଲ୍ମ ପାଇଁ ସନ୍ନିଙ୍କୁ ଶୁଭକାମନା ଜଣାଇଛନ୍ତି ବବି । ବବି ନିଜ ଇନଷ୍ଟାଗ୍ରାମରେ ଉଭୟଙ୍କ ଏକ ସୁନ୍ଦର ଫଟୋ ସେୟାର କରିଛନ୍ତି । ଫଟୋରେ, ଉଭୟ ଭାଇ ଖୁସିରେ ପରସ୍ପରକୁ ହଗ୍(କରମର୍ଦ୍ଧନ) କରୁଥିବା ନଜର ଆସିଛନ୍ତି । ଏହି ଫଟୋ ସେୟାର କରି ବବି କ୍ୟାପସନରେ ଲେଖିଛନ୍ତି, ଲଭ୍ ୟୁ ଭାଇ । ଗଦର-୨ ପାଇଁ ଶୁଭେଚ୍ଛା । ଫଟୋରେ, ସନ୍ନି ଦେଓଲ୍ ଏକ ହ୍ବାଇଟ ସାର୍ଟରେ ନଜର ଆସିଥିବା ବେଳେ ବବି ଦେଓଲ୍ ଏକ ବ୍ଲାକ ଆଉଟଫିଟରେ ଖୁବ ସୁନ୍ଦର ଦେଖାଯାଉଛନ୍ତି । ଏହି ଫଟୋ ସେୟାର ହେବା ମାତ୍ରେ ଫ୍ୟାନ୍ସ ଏହାକୁ ଲାଇକ କରିବା ସହ ପ୍ରତିକ୍ରିୟା ଦେଇଛନ୍ତି ।
ଜଣେ ପ୍ରଶଂସକ ପ୍ରତିକ୍ରିୟା ଦେଇ ଲେଖିଛନ୍ତି, 'ବ୍ଲକବଷ୍ଟର ଓପନିଂ'। ଅନ୍ୟ ଜଣେ ପ୍ରଶଂସକ ଲସାଲ ହାର୍ଟ ଇମୋଜି ସହିତ ଲେଖିଛନ୍ତି, 'ଦୁଇ ଭାଇଙ୍କ ମଧ୍ୟରେ ନିବିଡ ସମ୍ପର୍କ'। ଆଉ ଜଣେ ଲେଖିଛନ୍ତି, 'ସୁପର ଯୋଡି ଭୟା ଜୀ'। ଏଥିସହ ଅନେକ ପ୍ରଶଂସକମାନେ ଲାଲ୍ ହାର୍ଟ ଇମୋଜି ଦେଇଛନ୍ତି । ସେପଟେ ବବି ଦେଓଲଙ୍କ ପୋଷ୍ଟକୁ ସନ୍ନି ଦେଓଲ ତାଙ୍କ ଅଫିସିଆଲ ଇନଷ୍ଟାଗ୍ରାମ ଷ୍ଟୋରୀରେ ଲାଲ ହାର୍ଟ ଇମୋଜି ସହ ସେୟାର କରିଛନ୍ତି ।
ଏହା ମଧ୍ୟ ପଢନ୍ତୁ: ରେକର୍ଡ ଭାଙ୍ଗିଲା ସନ୍ନି ଦେଓଲଙ୍କ Gadar 2, ଗୋଟିଏ ଦିନରେ 76 ହଜାର ଟିକେଟ୍ ବିକ୍ରି
ଅନିଲ ଶର୍ମାଙ୍କ ନିର୍ଦ୍ଦେଶିତ ‘ଗଦର-୨’ ହେଉଛି ଏକ ଆକ୍ସନ୍ ଭିତ୍ତିକ ଚଳଚ୍ଚିତ୍ର । ଏହି ଫିଲ୍ମ ଅଗଷ୍ଟ 11ରେ ଦେଶ ତଥା ବିଶ୍ବର ପ୍ରେକ୍ଷାଳୟରେ ମୁକ୍ତିଲାଭ କରିବ । ତେବେ ଆଡଭାନ୍ସ ବୁକିଂ ଦେଖିବାକୁ ଗଲେ ଫିଲ୍ମ ଗୋଟିଏ ଦିନରେ 76 ହଜାର ଟିକେଟ ବିକ୍ରି କରିସାରିଛି । ତେବେ ଗଦର ସହ ଅକ୍ଷୟ କୁମାରଙ୍କ ବହୁ ପ୍ରତୀକ୍ଷିତ ଚଳଚ୍ଚିତ୍ର OMG 2 ମଧ୍ୟ ଏହି ଦିନ ମୁକ୍ତିଲାଭ କରୁଛି । ଉଭୟ ଫିଲ୍ମ ମଧ୍ୟରେ କଡା ଟକ୍କର ଦେଖିବାକୁ ମିଳିବ । ଗଦର 2ରେ ସନ୍ନି ଦେଓଲ ଏବଂ ଅମୀଷା ପଟେଲଙ୍କ ବ୍ୟତୀତ ଗୌରବ ଚୋପ୍ରା, ଉତ୍କର୍ଷ ଶର୍ମା ଏବଂ ଲଭ୍ ସିହ୍ନା ନଜର ଆସିବେ ।
