ହାଇଦ୍ରାବାଦ: ସେପ୍ଟେମ୍ବର 28ରେ ସିନେମା ହଲରେ 3ଟି ଫିଲ୍ମ 'ଫୁକରେ-3','ଦି ଭ୍ୟାକ୍ସିନ୍ ୱାର' ଏବଂ 'ଚନ୍ଦ୍ରମୁଖୀ ୨' ମୁକ୍ତିଲାଭ କରିଥିଲା । ଯେଉଁଥିରେ ଫିଲ୍ମ ଫୁକରେ 3 ବକ୍ସ ଅଫିସରେ ଧମାଲ ମଚାଉଛି । ଦି ଭ୍ୟାକ୍ସିନ୍ ୱାର ଏବଂ ଚନ୍ଦ୍ରମୁଖୀ ୨ ଅପେକ୍ଷା ଫୁକରେର ବକ୍ସ ଅଫିସ କଲେକ୍ସନ ଭଲ ରହିଛି । କିନ୍ତୁ ଦି ଭ୍ୟାକ୍ସିନ୍ ୱାର ଏବଂ ଚନ୍ଦ୍ରମୁଖୀ ୨ ବକ୍ସ ଅଫିସରେ ଆଖିଦୃଶିଆ ପ୍ରଦର୍ଶନ କରିପାରିନାହାନ୍ତି । ଫୁକରେ 3 ପ୍ରଥମ 3 ଦିନରେ ବକ୍ସ ଅଫିସରେ ଭଲ ପ୍ରଦର୍ଶନ କରିଥିଲା ଏବଂ ସାରା ଭାରତରେ ପ୍ରାୟ 27.91 କୋଟି ଟଙ୍କା ଆୟ କରିଥିଲା ।
ଫୁକରରେ ଚତୁର୍ଥ ଦିନର କଲେକ୍ସନ ବିଷୟରେ କହିବାକୁ ଗଲେ ମିଡିଆ ରିପୋର୍ଟ ଆନୁଯାୟୀ, ଫୁକରେ ଚତୁର୍ଥ ଦିନରେ 14 କୋଟି ଟଙ୍କା କଲେକ୍ସନ କରିଛି । ଯାହା ଦ୍ବାରା ଫିଲ୍ମର ମୋଟ କଲେକ୍ସନ 42.30 କୋଟିରେ ପହଞ୍ଚିଛି । ସେପଟେ ଫୁକରେ 3ର ନିର୍ଦ୍ଦେଶନା ଦେଇଛନ୍ତି । ମୃଗଦୀପ ସିଂ ଲାମ୍ବା ଏବଂ ଫରହାନ୍ ଅଖତର ଏବଂ ରିତେଶ ସିଦ୍ଧୱାନୀଙ୍କ ଦ୍ୱାରା ନିର୍ମିତ ହୋଇଛି ଏହି ଫିଲ୍ମ । ଏହି ଫିଲ୍ମରେ ପୁଲକିତ ସମ୍ରାଟ, ରିଚା ଚଡ୍ଡା, ପଙ୍କଜ ତ୍ରିପାଠୀ, ବରୁଣ ଶର୍ମା, ମଞ୍ଜୋତ୍ ସିଂ ଅଭିନୟ କରିଛନ୍ତି ।
ଅନ୍ୟପଟେ ବିବେକ ଅଗ୍ନିହୋତ୍ରୀଙ୍କ ଦି ଭ୍ୟାକ୍ସିନ୍ ୱାର ବକ୍ସ ଅଫିସରେ ଖାସ କମାଲ କରିପାରୁ ନାହିଁ । ଫିଲ୍ମର ତିନି ଦିନିଆ 3.25 କୋଟି ଟଙ୍କା କଲେକ୍ସନ କରିଛି । ଗଣମାଧ୍ୟମ ରିପୋର୍ଟ ଅନୁଯାୟୀ, ' ଦି ଭ୍ୟାକ୍ସିନ୍ ୱାର' ଚତୁର୍ଥ ଦିନରେ 1.06 କୋଟି ଟଙ୍କା କଲେକ୍ସନ କରିଛି । ଏହାର ମୋଟ ବକ୍ସ ଅଫିସ୍ କଲେକ୍ସନ 4.85 କୋଟି ଟଙ୍କାକୁ ପହଞ୍ଚିଛି ।
ଫୁକରେ ଏବଂ ଦି ଭ୍ୟାକ୍ସିନ୍ ୱାର ସହ ପରଦାରେ ରିଲିଜ ହୋଇଥିଲା କଙ୍ଗନା ରାଣାୱତଙ୍କ ଷ୍ଟାରର୍ ଚନ୍ଦ୍ରମୁଖୀ ୨ । ଯାହାର 3 ଦିନ ମଧ୍ୟରେ ମୋଟ 17.46 କୋଟି ଟଙ୍କା କଲେକ୍ସନ କରିଛି । ମିଡିଆ ରିପୋର୍ଟ ଅନୁଯାୟୀ, ଚନ୍ଦ୍ରମୁଖୀ ୨ ଚତୁର୍ଥ ଦିନରେ 5.02 କୋଟି ଟଙ୍କା ରୋଜଗାର କରିପାରେ । ଏହା ସହିତ ଫିଲ୍ମର ଚାରି ଦିନର ମୋଟ ସଂଗ୍ରହ 22.66 କୋଟିରେ ପହଞ୍ଚିବ । ଚନ୍ଦ୍ରମୁଖୀ ୨ ଫିଲ୍ମର ମୁଖ୍ୟ ଭୂମିକାରେ କଙ୍ଗନା ରାଣାୱତ, ରାଘବେନ୍ଦ୍ର ଲରେନ୍ସ, ବାଡିବେଲୁ, ଲକ୍ଷ୍ମୀ ମେନନ୍, ମହିମା ନାମ୍ବିଆର ଏବଂ ରାଧିକା ପ୍ରମୁଖ ଭୂମିକାରେ ଅଭିନୟ କରିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
