ହାଇଦ୍ରାବାଦ: ଫ୍ୟାନ୍ସଙ୍କ ଅପେକ୍ଷାର ହେବ ଅନ୍ତ । ଆସନ୍ତାକାଲି ରିଲିଜ ହେବ ଫାଇଟର ଫିଲ୍ମର ଟ୍ରେଲର । ଫିଲ୍ମ ରିଲିଜକୁ ଆଉ ମାତ୍ର କିଛି ଦିନ ବାକି ଥିବା ବେଳେ ନିର୍ମାତା ଫ୍ୟାନ୍ସଙ୍କ ଉତ୍ସାହକୁ ଦ୍ବିଗୁଣିତ କରିବା ପାଇଁ କାଲି ଟ୍ରେଲର ରିଲିଜ କରିବାକୁ ଯାଉଛନ୍ତି । ଆଜି ନିର୍ମାତା ଫିଲ୍ମର ଏକ ନୂଆ ପୋଷ୍ଟ ରିଲିଜ କରି ଏହି ଘୋଷଣା କରିଛନ୍ତି । ଏଥିସହ କେଉଁ ସମୟରେ ଟ୍ରେଲର ଆସିବ ତାହା ମଧ୍ୟ ପ୍ରକାଶ କରିଛନ୍ତି ।
ହ୍ରିତିକ ରୋଶନ ନିଜ ଇନଷ୍ଟାଗ୍ରାମରେ ଫାଇଟର ଫିଲ୍ମର ନୂଆ ପୋଷ୍ଟର ସେୟାର କରିଛନ୍ତି । ଏହି ପୋଷ୍ଟରରେ ହ୍ରିତିକ ରୋଶନ, ଦୀପିକା ପାଦୁକୋନ ଏବଂ ଅନୀଲ କପୁରଙ୍କୁ ପାଇଟଲ ଲୁକରେ ଦେଖିବାକୁ ମିଳିଛି । ଏହା ସେୟାର କରି ସେ ଲେଖିଛନ୍ତି, ଫାଇଟ ଟ୍ରେଲର ଆସନ୍ତାକାଲି ମଧ୍ୟାହ୍ନ ୧୨ଟା ସମୟରେ ରିଲିଜ ହେବ । ୨୫ ଜାନୁଆରୀକୁ ବିଶ୍ବରେ ଫିଲ୍ମ ରିଲିଜ ହେବ । ଏହାକୁ IMAX ରେ 3D ସ୍କ୍ରିନରେ ଦେଖିପାରିବେ । ଏହାକୁ ଫ୍ୟାନ୍ସ ଲାଇକ କରିବା ସହ ଫିଲ୍ମ ଟ୍ରେଲରକୁ ନେଇ ଉତ୍ସାହିତ ଥିବା କହିଛନ୍ତି ।
ନିକଟରେ ଫିଲ୍ମର ଥିମ ଗୀତ 'ହିର ଆସମାନି' ଗୀତ ରିଲିଜ ହୋଇଥିଲା । ଯାହା ଦର୍ଶକ ବେଶ ପସନ୍ଦ କରିଛନ୍ତି । ଦେଶଭକ୍ତି ଉତ୍ସାହରେ ପରିପୂର୍ଣ୍ଣ ଏହି ଗୀତ ଆମ ଦେଶର ସୁରକ୍ଷା ସହ ଜଡିତ ଯୁଦ୍ଧ ବିମାନ ପାଇଲଟଙ୍କ ପାଇଁ ଉତ୍ସର୍ଗୀକୃତ ହୋଇଛି । ଏହି ଗୀତରେ ସମସ୍ତ ବାୟୁସେନା ପାଇଲଟଙ୍କ ମିଶନ ପ୍ରତି ଆଗ୍ରହ ସ୍ପଷ୍ଟ ଭାବେ ଦର୍ଶାଯାଇଛି । ସିଦ୍ଧାର୍ଥ ଆନନ୍ଦଙ୍କ ନିର୍ଦ୍ଦେଶନାରେ ନିର୍ମିତ ଏହି ଏରିୟଲ ଆକ୍ସନ ଫିଲ୍ମର କାହାଣଈ ଭାରତୀୟ ବାୟୁସେନା ଯୁଦ୍ଧ ବିମାନ ପାଇଲଟଙ୍କ ଉପରେ ଆଧାରିତ । ଭିଆକମ୍ 18 ଷ୍ଟୁଡିଓ ଏବଂ ମାର୍ଫ୍ଲିକ୍ସ ପିକ୍ଚର୍ସ ଦ୍ୱାରା ଏହି ଚଳଚ୍ଚିତ୍ରଟି ପ୍ରସ୍ତୁତ କରାଯାଇଛି ।
ଏହା ମଧ୍ୟ ପଢନ୍ତୁ: ଫାଇଟର ଗୀତରେ ଦୀପିକା-ରଣବୀରଙ୍କ ସାମ୍ନାରେ ନାଚିଲେ ପାପାରାଜି
ଏହି ଫିଲ୍ମରେ ଦୀପିକା ପାଦୁକୋନ, ହ୍ରିତିକ ରୋଶନ, ସୁନୀଲ ଗ୍ରୋଭର ଏବଂ ଅନୀଲ କପୁର, ଅକ୍ଷୟ ଅବରୋଏ ନଜର ଆସିବେ । ତେବେ ଦୀପିକା, ଅନୀଲଙ୍କ ସହ ପ୍ରଥମ ଥର ପାଇଁ ସ୍କ୍ରିନ ସେୟାର କରିବେ ହ୍ରିତିକ । ତେବେ ଏହି ଫିଲ୍ମରେ ହ୍ରିତିକଙ୍କୁ ଶ୍ୟାମଶେର ପଠାନିଆ ଭୂମିକାରେ ଦେଖିବାକୁ ମିଳିଥିବା ବେଳେ ଦୀପିକା ମୀନାଲ ରାଠୋର ଭୂମିକାରେ ନଜର ଆସିବେ । ସେହିପରି ଅନୀଲ କପୁର ଜଣେ କମାଣ୍ଡିଂ ଅଫିସର ଗ୍ରୁପ କ୍ୟାପଟେନ ରାକେଶ ଜୟ ସିଂ ଙ୍କ ଭୂମିକାରେ ନଜର ଆସିବେ ।
