ହାଇଦ୍ରାବାଦ: ମାଲାୟାଲମ୍ ଫିଲ୍ମ ଇଣ୍ଡଷ୍ଟ୍ରିର ଜଣାଶୁଣା କଳାକାର ଫହାଦ ଫାସିଲଙ୍କ ତାଙ୍କର 40 ତମ ଜନ୍ମଦିନ ପାଳନ କରିଛନ୍ତି । ଫହାଦ 'ପୁଷ୍ପା: ଦ ରାଇଜ୍' ଚଳଚ୍ଚିତ୍ରରୁ ସ୍ୱୀକୃତି ପାଇଥିଲେ । ଜନ୍ମଦିନ ଅବସରରେ ଫହାଦ୍ ପତ୍ନୀ ନଜରିଆ ନାଜିମଙ୍କ ସହ କେକ୍ କାଟି ସେଲିବ୍ରେସନ୍ କରିଛନ୍ତି । ଜନ୍ମଦିନ ଉତ୍ସବର କିଛି ଫଟୋ ଫହାଦ୍ ସୋସିଆଲ ମିଡିଆରେ ପ୍ରଶଂସକଙ୍କ ସହ ସେୟାର କରିଛନ୍ତି ।
ଫହାଦ ତାଙ୍କ ସୋସିଆଲ ମିଡିଆ ଆକାଉଣ୍ଟ ଇନଷ୍ଟାଗ୍ରାମରେ ସେୟାର କରିଥିବା ଫଟୋରେ ସେ ଏକ ସିମ୍ପଲ ଲୁକରେ ନଜର ଆସିଛନ୍ତି ଏବଂ ତାଙ୍କ ପତ୍ନୀ ନଜରିଆ ମଧ୍ୟ ସାଙ୍ଗରେ ଠିଆ ହୋଇଛନ୍ତି । ନଜରିଆ ଏକ ଡେନିମ୍ ଏବଂ କଳା ସାର୍ଟ ପିନ୍ଧିଛନ୍ତି ଏବଂ ସେ ବହୁତ ସୁନ୍ଦର ଦେଖାଯାଉଛନ୍ତି । ନଜରିଆ ନାଜିମ ନିଜେ ଜଣେ ମାଲାୟାଲମ ଅଭିନେତ୍ରୀ ତଥା ନିର୍ମାତା ।
- " class="align-text-top noRightClick twitterSection" data="
">
ଉଲ୍ଲେଖନୀୟ ଯେ, କେରଳର ଆଲାପ୍ପୁଷ୍ପାରେ ଜନ୍ମିତ ଫହାଦ୍ ଫାସିଲଙ୍କୁ 'ପୁଷ୍ପା: ଦି ରାଇଜ୍' ଚଳଚ୍ଚିତ୍ରରେ ଆଇପିଏସ୍ ଅଧିକାରୀ ଭନୱର ସିଂ ଶେଖୱତଙ୍କ ଚରିତ୍ର ପାଇଁ ଏକ ସ୍ବତନ୍ତ୍ର ପରିଚୟ ମିଳିଥିଲା । ଫହାଦ୍ ତାଙ୍କ ପିତାଙ୍କ ଦ୍ୱାରା ନିର୍ଦ୍ଦେଶିତ ଚଳଚ୍ଚିତ୍ର 'କାୟଥମ୍ ଦୁରଥ' (2002) ରୁ ଫିଲ୍ମ କ୍ୟାରିଅର ଆରମ୍ଭ କରିଥିଲେ । ଫହାଦଙ୍କ ପ୍ରଥମ ଚଳଚ୍ଚିତ୍ର ବକ୍ସ ଅଫିସରେ ଏତେ ବଡ ଫ୍ଲପ୍ ହୋଇଥିଲା ଯେ ସେ ଅଭିନୟ ଛାଡି ଆମେରିକା ଚାଲିଯାଇଥିଲେ ।
ସେଠାରେ ସେ ପାଠ ପଢା ଆରମ୍ଭ କରିଥିଲେ ଏବଂ ଚଳଚ୍ଚିତ୍ର ବି ଦେଖୁଥିଲେ । ଦିନେ ସେ ସ୍ୱର୍ଗତ ବଲିଉଡ ଅଭିନେତା ଇରଫାନ ଖାନଙ୍କ ଫିଲ୍ମ 'ୟୁଁ ହୋତୋ ତୋ କ୍ୟା ହୋତା' ଦେଖିଥିଲେ । ଏବଂ ଇରଫାନଙ୍କ ଅଭିନୟରେ ସେ ଏତେ ପ୍ରଭାବିତ ହୋଇଥିଲେ ଯେ ସେ ଇରଫାନ ଖାନଙ୍କ ସମସ୍ତ ଫିଲ୍ମ ଖୋଜି ଖୋଜି ସେଗୁଡ଼ିକୁ ଦେଖିବା ଆରମ୍ଭ କରିଥିଲେ ।
ଏହା ପରେ ଫହାଦ୍ ଆମେରିକାରେ ନିଜ ଜିନିଷ ବାନ୍ଧି ଘରକୁ ଫେରିଆସିଲେ । ଏହାପରେ ପୁଣି ଫିଲ୍ମ କରିବା ଆରମ୍ଭ କଲେ । ଫହାଦ୍ ବର୍ତ୍ତମାନ ପର୍ଯ୍ୟନ୍ତ ତାଙ୍କ କ୍ୟାରିଅରରେ ପ୍ରାୟ 50ଟି ଚଳଚ୍ଚିତ୍ରରେ ଅଭିନୟ କରିଛନ୍ତି । 2018 ମସିହାରେ, ଅଭିନେତା ଶ୍ରେଷ୍ଠ ସହାୟକ ଅଭିନେତା ବର୍ଗରେ ଜାତୀୟ ପୁରସ୍କାର ହାସଲ କରିଥିଲେ ।
