ହାଇଦ୍ରାବାଦ: ବଲିଉଡର ଲିଟିଲ୍ ସୁପରହିରୋ ଟାଇଗର ଶ୍ରଫ୍ ପୁଣି ଥରେ ନିଜର ରିଲେସନସିପ୍କୁ ନେଇ ଚର୍ଚ୍ଚାରେ । ନିକଟରେ ଟାଇଗର ଶ୍ରଫ ଏବଂ ଦିଶା ପଟାନୀଙ୍କ ବ୍ରେକଅପ୍ ଖବର ବି-ଟାଉନରେ ହଇଚଇ ସୃଷ୍ଟି କରିଥିଲା । ବର୍ତ୍ତମାନ ଶୁଣିବାକୁ ମିଳୁଛି, ଅକାଂକ୍ଷା ଶର୍ମାଙ୍କୁ ଡେଟ କରୁଛନ୍ତି ଟାଇଗର । ତେବେ ଅକାଂକ୍ଷା ଶର୍ମା କିଏ ଏବଂ କ'ଣ ରହିଛି ଏହି ଚର୍ଚ୍ଚିତ କପଲଙ୍କ ସମ୍ପୂର୍ଣ୍ଣ କାହାଣୀ ଆସନ୍ତୁ ଜାଣିବା ?
ଗତ ବର୍ଷ, ଯଦି ଆପଣ ମ୍ୟୁଜିକ୍ ଭିଡିଓ 'Casanova' ଶୁଣିଥିବେ, ତାହାଲେ ଏହି ମିଷ୍ଟ୍ରି ଗର୍ଲଙ୍କୁ ଚିହ୍ନିବାରେ କୌଣସି ଅସୁବିଧା ହେବ ନାହିଁ । କାରଣ ଟାଇଗରଙ୍କ ନାମ ଏବେ ଏହି ଅଭିନେତ୍ରୀଙ୍କ ସହ ଯୋଡା ଯାଉଛି, ସେ ଆଉ କେହି ନୁହଁନ୍ତି ବରଂ 'Casanova' ଗୀତରେ ଟାଇଗରଙ୍କ ନଜର ଆସିଥିବା ଅକାଂକ୍ଷା । ଏହା ବ୍ୟତୀତ ଟାଇଗର ଏବଂ ଆକାଂକ୍ଷାଙ୍କୁ 'I am a Disco Dancer 2.0' ଗୀତରେ ମଧ୍ୟ ଏକାଠି ଦେଖିବାକୁ ମିଳିଥିଲା ।
ଆକାଂକ୍ଷା ଶର୍ମା ଜଣେ ମଡେଲ ଭାବରେ ତାଙ୍କ କ୍ୟାରିଅର୍ ଆରମ୍ଭ କରିଥିଲେ । ଏହାସହିତ ଅନେକ ବିଜ୍ଞାପନରେ ଅଭିନୟ କରିସାରିଛନ୍ତି, ଯେଉଁଥିରେ ସେ ଦକ୍ଷିଣ ସୁପରଷ୍ଟାର ମହେଶ ବାବୁଙ୍କ ସମେତ କୀର୍ତ୍ତି ଏବଂ ବଲିଉଡ ଅଭିନେତା ବରୁଣ ଧାୱନଙ୍କ ସହ ନଜର ଆସିଥିଲେ । ଆକାଂକ୍ଷା ଦକ୍ଷିଣ ଚଳଚ୍ଚିତ୍ର Trivikramaରେ (2020) ଡେବ୍ୟୁ କରିଥିଲେ ।
ନିକଟରେ ଟାଇଗର ଶ୍ରଫ ଏବଂ ଅକାଂକ୍ଷା ଶର୍ମାଙ୍କୁ ଶ୍ରଫ୍ ଜୁନିଅରଙ୍କ ବାର୍ଥ ଡେ' ପାର୍ଟିରେ ଦେଖିବାକୁ ମିଳିଥିଲା । ଯାହାର ଏକ ଭିଡିଓ ମଧ୍ୟ ସେ ସେୟାର କରିଥିଲେ । ଗଣମାଧ୍ୟମ ରିପୋର୍ଟ ଅନୁଯାୟୀ, ଟାଇଗର ଏବଂ ଦିଶା ସେମାନଙ୍କର 6ବର୍ଷର ପୁରୁଣା ସମ୍ପର୍କକୁ ଦ-ଏଣ୍ଡ କରିଛନ୍ତି । ସେପଟେ କିନ୍ତୁ ଆକାଂକ୍ଷା ଶର୍ମାଙ୍କ ସହ ଡେଟିଂ ଖବରକୁ ମିଥ୍ୟା ବୋଲି କହିଛନ୍ତି ଟାଇଗର ।
