ହାଇଦ୍ରାବାଦ: ବଲିଉଡର ସବୁଠାରୁ ଚର୍ଚ୍ଚିତ ତଥା ସୁନ୍ଦର ଦମ୍ପତି ଆଲିଆ ଭଟ୍ଟ ଏବଂ ରଣବୀର କପୁରଙ୍କ ବିବାହକୁ ନେଇ ଜୋର ଧରିଛି ଚର୍ଚ୍ଚା। ଗଣମାଧ୍ୟମ ରିପୋର୍ଟ ଅନୁଯାୟୀ, ଦମ୍ପତିଙ୍କ ବିବାହ ଉତ୍ସବ ଚାରି ଦିନ ଅର୍ଥାତ୍ ଏପ୍ରିଲ 13 ରୁ 17 ପର୍ଯ୍ୟନ୍ତ ମୁମ୍ବାଇରେ ଚାଲିବ ଏବଂ 17 ତାରିଖ ଦିନ ଏହି ଦମ୍ପତି ଚିରଦିନ ପାଇଁ ବିବାହ ବନ୍ଧନରେ ବାନ୍ଧି ହେବେ। ଏହି ସମୟରେ ମୁମ୍ବାଇରେ ଆୟୋଜିତ ହେବାକୁ ଥିବା ଦମ୍ପତିଙ୍କ ଓ୍ବେଡିଂ ରିସେପ୍ସନର ଅତିଥି ତାଲିକା ମଧ୍ୟ ସାମ୍ନାକୁ ଆସିଛି ।
ଆଲିଆ-ରଣବୀରଙ୍କ ଓ୍ବେଡିଂ ରିସେପ୍ସନର ଅତିଥି ତାଲିକାରେ ଦୁଇ ଜଣ ବଲିଉଡ ସୁପରଷ୍ଟାରଙ୍କ ନାଁ ସର୍ବପ୍ରଥମେ ରହିଛି । ଗଣମାଧ୍ୟମ ରିପୋର୍ଟ ଅନୁଯାୟୀ, ବଲିଉଡର 'ବାଦଶାହ' ଶାହାରୁଖ ଖାନ ଏବଂ 'ପଦ୍ମାବତୀ' ଦୀପିକା ପାଦୁକୋନଙ୍କ ନାଁ ସାମ୍ନାକୁ ଆସିଛି। ତେବେ ଚର୍ଚ୍ଚା ଏଥିପାଇଁ ମଧ୍ୟ ହେଉଛି କି, ରଣବୀରଙ୍କ ବିବାହ ରିସେପ୍ସନରେ ତାଙ୍କ ଏକ୍ସ ଗର୍ଲଫ୍ରେଣ୍ଡ ଦୀପିକା ପାଦୁକୋନ ଯୋଗ ଦେବେ ।
ଏହା ମଧ୍ୟ କୁହାଯାଉଛି ଯେ ବିବାହ ପରେ ଆଲିଆ ଭଟ୍ଟ ଏବଂ ରଣବୀର ସିଂ ସ୍ୱିଜରଲ୍ୟାଣ୍ଡ ଯିବେ । କାରଣ ଆଲିଆଙ୍କୁ ରଣବୀର ସିଂଙ୍କ ସହ ଫିଲ୍ମ 'ରକି ଔର ରାନୀ କି ପ୍ରେମ କାହାଣୀ' ସଂପୂର୍ଣ୍ଣ କରିବାକୁ ପଡିବ, ଯାହାର ନିର୍ଦ୍ଦେଶନା ଦେଉଛନ୍ତି କରଣ ଜୋହର । ଯଥାସମ୍ଭବ ରଣବୀର କପୁର ମଧ୍ୟ ଆଲିଆଙ୍କ ସହ ଏକାଠି ରହିପାରନ୍ତି। ବୋଧହୁଏ ହନିମୁନ ପାଇଁ Alpsର ଉପତ୍ୟକା (ସ୍ୱିଜରଲ୍ୟାଣ୍ଡ ଏବଂ ଫ୍ରାନ୍ସ) ଯିବେ ଏହି ନବଦମ୍ପତି ।
କହିବାକୁ ଗଲେ ସ୍ୱିଜରଲ୍ୟାଣ୍ଡରେ ମେ-ଜୁନ୍ ମାସରେ ଶୁଟିଂ ଆରମ୍ଭ କରିବେ କରଣ ଜୋହର । ବିବାହ ପରେ ଏହା ଆଲିଆଙ୍କ ପ୍ରଥମ ସୁଟିଂ ହେବ । ଅନ୍ୟପକ୍ଷରେ ରଣବୀର କପୁର ଲଭ୍ ରଂଜନଙ୍କ ଲଭ୍ ଷ୍ଟୋରୀ ଫିଲ୍ମ ଏବଂ ସନ୍ଦୀପ ରେଡ୍ଡୀ ଭଙ୍ଗାଙ୍କ ଫିଲ୍ମ 'Animal'ରେ ନଜର ଆସିବେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
