ହାଇଦ୍ରାବାଦ: କଙ୍ଗନା ରଣାୱତଙ୍କ ଚଳଚ୍ଚିତ୍ର ଚନ୍ଦ୍ରମୁଖୀ ୨ ପ୍ରେକ୍ଷାଳୟରେ ରିଲିଜ୍ ହୋଇଛି । ଏହା ସହିତ ଆଉ ଦୁଇଟି ଚଳଚ୍ଚିତ୍ର ଫୁକରେ 3 ଏବଂ ଦି ଭ୍ୟାକ୍ସିନ୍ ଓ୍ୱାର ମଧ୍ୟ ପ୍ରେକ୍ଷାଳୟରେ ପହଞ୍ଚି ସାରିଛି । ଇଦ୍ ଏବଂ ଗଣପତି ବିସର୍ଜନ ଅବସରରେ 28 ସେପ୍ଟେମ୍ବରରେ ଏକକାଳୀନ ତିନୋଟି ଚଳଚ୍ଚିତ୍ର ମୁକ୍ତିଲାଭ କରିଛି । ଚଳଚ୍ଚିତ୍ର ଗୁଡ଼ିକ ଛୁଟିଦିନରେ କିଛି ଲାଭ ଉଠାଇ ପାରିବେ ।
- " class="align-text-top noRightClick twitterSection" data="">
ମିଳିଥିବା ରିପୋର୍ଟ ଅନୁସାରେ, ସବୁଠୁ ଅଧିକା କଲେକ୍ସନ ‘ଫୁକରେ 3’ କରିଛି । ଏହା ପରେ, ଏହା କଙ୍ଗନା ରଣାୱତଙ୍କ ‘ଚନ୍ଦ୍ରମୁଖୀ’ ଏବଂ ଶେଷରେ ‘ଦି ଭ୍ୟାକ୍ସିନ୍ ଓ୍ୱାର’କୁ ସ୍ଥାନ ମିଳିଛି । କଙ୍ଗନା ରଣାୱତଙ୍କ ଫିଲ୍ମ ବକ୍ସ ଅଫିସରେ ଭଲ ଆରମ୍ଭ କରିଛି ।
ଚନ୍ଦ୍ରମୁଖୀ 2ର କଲେକ୍ସନ
ଚନ୍ଦ୍ରମୁଖୀରେ କଙ୍ଗନା ରଣାୱତଙ୍କ ସହ ମୁଖ୍ୟ ଭୂମିକାରେ ରାଘବ ଲରେନ୍ସଙ୍କୁ ଅଭିନୟ କରିଛନ୍ତି । ଗୁରୁବାର ଦିନ ମୁକ୍ତିଲାଭ କରିଥିବା ଏହି ଚଳଚ୍ଚିତ୍ରରେ 7 କୋଟିରୁ ଅଧିକ ଟଙ୍କା କଲେକ୍ସନ କରାଯାଇଛି । ସାକନିଲ୍କ ରିପୋର୍ଟ ଅନୁଯାୟୀ, ଚନ୍ଦ୍ରମୁଖୀ ଓପନିଂ ଡେ’ରେ ଘରୋଇ ବକ୍ସ ଅଫିସରେ 7.5 କୋଟି ଟଙ୍କା କଲେକ୍ସନ କରିଛି । ଏହି ଚଳଚ୍ଚିତ୍ରଟି ହିନ୍ଦୀ ଏବଂ ଦକ୍ଷିଣରେ ମଧ୍ୟ ଭଲ ପ୍ରତିକ୍ରିୟା ପାଇଛି । ପୋର୍ଟାଲ ଅନୁଯାୟୀ ତାମିଲରେ 51.90% ରହିଛି । ଏଥି ସହିତ, ତେଲୁଗୁ ଭାଷାରେ 42.65% ଏବଂ ହିନ୍ଦୀରେ 12.77% ରହିଛି । ଏହା କୌଣସି ବି ଚଳଚ୍ଚିତ୍ର ପାଇଁ ଭଲ ଆରମ୍ଭ ବୋଲି ଇଶାରା ଦେଉଛି ।
ପଛରେ ରହିଗଲା 'ଦ ଭାକ୍ସିନ ୱାର୍'
ଫୁକରେ 3ର ଓପନିଂ କଲେକ୍ସନ୍ ବିଷୟରେ କହିବାକୁ ଗଲେ ଫିଲ୍ମ ପ୍ରଥମ ଦିନରେ 8.50 କୋଟି ଟଙ୍କା କଲେକ୍ସନ କରିଛି। ଏଥି ସହିତ, 'ଦ ଭାକ୍ସିନ ୱାର୍' ଅବସ୍ଥା ଟିକେ ଖରାପ ରହିଛି । ଫିଲ୍ମ ପ୍ରଥମ ଦିନରୁ ହିଁ ଲଢେଇରେ ହାରିଥିବା ଜଣାପଡିଛି । ‘ଦ ଭାକ୍ସିନ ୱାର୍' ଉଦଘାଟନୀ ଦିନରେ ମାତ୍ର 1.30 କୋଟି ଟଙ୍କା ବ୍ୟବସାୟ କରିଥିଲା ।
ଏହା ମଧ୍ୟ ପଢନ୍ତୁ: Chandramukhi-2: ଦମଦାର ଟ୍ରେଲର ରିଲିଜ, ରାଘବ ଲରେନ୍ସଙ୍କ ସହ ନଜର ଆସିବେ କଙ୍ଗନା
ଚନ୍ଦ୍ରମୁଖୀ ୨ ହେଉଛି ରଜନୀକାନ୍ତଙ୍କ ଫିଲ୍ମର ସିକ୍ୱେଲ
ଚନ୍ଦ୍ରମୁଖୀ 2 ବିଷୟରେ କହିବାକୁ ଗଲେ, ଏହା ହେଉଛି ବ୍ଲକବଷ୍ଟର ତାମିଲ ହରର୍ କମେଡି ଚଳଚ୍ଚିତ୍ର ଚନ୍ଦ୍ରମୁଖୀର ସିକ୍ୱେଲ । ମୂଳ ଚଳଚ୍ଚିତ୍ରରେ ରଜନୀକାନ୍ତ ଏବଂ ଜ୍ୟୋତିକା ମୁଖ୍ୟ ଭୂମିକାରେ ଅଭିନୟ କରିଥିଲେ । ଫିଲ୍ମଟି ସେପ୍ଟେମ୍ବର 15ରେ ରିଲିଜ୍ ହେବାର ଥିଲା । କିନ୍ତୁ ବୈଷୟିକ ଅସୁବିଧା ହେତୁ ଏହାକୁ ସେପ୍ଟେମ୍ବର 28କୁ ଘୁଞ୍ଚାଇ ଦିଆଯାଇଥିଲା । ଏମ୍.ଏମ୍ କୀରାବାନୀ ଏହି ଚଳଚ୍ଚିତ୍ର ପାଇଁ ସଂଗୀତ ରଚନା କରିଛନ୍ତି ।
