ହାଇଦ୍ରାବାଦ: ଟିଭି 'କୁଇନ' ଏକତା କପୁର ତାଙ୍କର ନୂଆ ଚଳଚ୍ଚିତ୍ର 'ଥ୍ୟାଙ୍କ ୟୁ ଫର୍ କମିଂ'ର ଘୋଷଣା କରିଛନ୍ତି । ଏକତା ଏକ ପୋଷ୍ଟର ସେୟାର କରି ଫିଲ୍ମର ଘୋଷଣା କରିଛନ୍ତି । ଏହି ପୋଷ୍ଟରରେ ଅଭିନେତ୍ରୀ ଟି-ସାର୍ଟ ବାହାର କରୁଥିବାର ନଜର ଆସିଛନ୍ତି । ଏହି ଅଭିନେତ୍ରୀ କିଏ, ଏହା ପ୍ରକାଶ କରାଯାଇ ନାହିଁ। ସୋସିଆଲ ମିଡିଆରେ ନିର୍ମାତା ଏହି ଫିଲ୍ମର ପୋଷ୍ଟର ସେୟାର କରି ଷ୍ଟାରକାଷ୍ଟଙ୍କ ନାଁ ମଧ୍ୟ ପ୍ରକାଶ କରିଛନ୍ତି । ଏହି ପୋଷ୍ଟର ରିଲିଜ ହେବା ମାତ୍ରେ ବେଶ ଭାଇରାଲ ହେବାରେ ଲାଗିଛି।
ଏହା ମଧ୍ୟ ପଢନ୍ତୁ: ଦମଦାର ଟିଜର ରିଲିଜ, IAS ହେବାର ସ୍ବପ୍ନକୁ ଉତ୍ସାହିତ କରିବ ଫିଲ୍ମ
ଏକତା ନିଜ ଇନ୍ଷ୍ଟାଗ୍ରାମରେ ଫିଲ୍ମର ପୋଷ୍ଟର ରିଲିଜ କରି ଆଗାମୀ ଫିଲ୍ମର ଘୋଷଣା କରିଛନ୍ତି । ଏଥିସହ ଫିଲ୍ମର ଷ୍ଟାରକାଷ୍ଟ ନାଁ ମଧ୍ୟ ଉଲ୍ଲେଖ କରିଛନ୍ତି । 'ଥ୍ୟାଙ୍କ୍ ୟୁ ଫର୍ କମିଂ' ଚଳଚ୍ଚିତ୍ରରେ ଭୂମି ପେଡ୍ନେକର, ଶେହନାଜ୍ ଗିଲ୍, ଡଲି ସିଂ, କୁଶା କପିଲା, ଶିବାନୀ ବେଦୀ ଏବଂ ଅନ୍ୟ କଳାକାରମାନେ ନଜର ଆସିବେ ବୋଲି ପ୍ରକାଶ କରାଯାଇଛି । ଏହି ଚଳଚ୍ଚିତ୍ରରେ କରନ କୁନ୍ଦ୍ରାଙ୍କୁ ମଧ୍ୟ ଦେଖିବାକୁ ମିଳିବ । ଏହି ଚଳଚ୍ଚିତ୍ରର ନିର୍ମାତା ହେଉଛନ୍ତି ଏକତା କପୁର ଏବଂ ସୋନମ କପୁରଙ୍କ ଭଉଣୀ ରିୟା କପୁର ଏବଂ ତାଙ୍କ ସ୍ୱାମୀ କରଣ ବାଲୁନି । ଏହି ଚଳଚ୍ଚିତ୍ରଟି ଅଭିନେତା ଅନିଲ କପୁରଙ୍କ ପ୍ରଡକ୍ସନ୍ ହାଉସ୍ ଅନିଲ କପୁର ଫିଲ୍ମ ଆଣ୍ଡ କମ୍ୟୁନିକେସନ୍ ନେଟୱାର୍କ ଦ୍ୱାରା ନିର୍ମିତ ହେଉଛି । କୁହାଯାଉଛି ଯେ କରଣ ବାଲୁନି ଏହି ଚଳଚ୍ଚିତ୍ର ସହ ତାଙ୍କ ଚଳଚ୍ଚିତ୍ର ନିର୍ଦ୍ଦେଶନା ଡେବ୍ୟୁ କରିବାକୁ ଯାଉଛନ୍ତି ।
ସୋସିଆଲ ମିଡିଆରେ ଏହି ପୋଷ୍ଟର ରିଲିଜ ହେବା ପରେ ଫ୍ୟାନ୍ସ ଏହାକୁ ବେଶ ଲାଇକ୍ କରିବା ସହ ରେଡ୍ ହାର୍ଟ ଇମୋଜି ଦେଇଛନ୍ତିି। ତେବେ ପୋଷ୍ଟରରେ ଦେଖାଯାଇଥିବା ଅଭିନେତ୍ରୀ କିଏ ଫ୍ୟାନ୍ସ ତାହା ଜାଣିବାକୁ ବେଶ ଉତ୍ସାହିତ ଅଛନ୍ତି । ସେ ଶେହ୍ନାଜ୍ ଗିଲ ନା ଭୂମି ପେଡ୍ନେକର। ତେବେ ଏହାକୁ ଅଭିନେତ୍ରୀ ଭୂମି ଏବଂ ଶେହନାଜ ମଧ୍ୟ ଲାଇକ୍ କରିବା ସହ ପ୍ରତିକ୍ରିୟାରେ ଫିଲ୍ମକୁ ନେଇ ବେଶ ଉତ୍ସାହିତ ଥିବା କହିଛନ୍ତି । ଫ୍ୟାନ୍ସ ଫିଲ୍ମକୁ ନେଇ ଉତ୍ସାହିତ ଥିବା ବେଳେ ଫିଲ୍ମ ପାଇଁ ଶୁଭେଚ୍ଛା ମଧ୍ୟ ଜଣାଇଛନ୍ତି । ସେପଟେ ଅନେକ ଫ୍ୟାନ୍ସ ପୋଷ୍ଟରକୁ ନେଇ ଟ୍ରୋଲ୍ ମଧ୍ୟ କରିଛନ୍ତି । ଫଟୋ ଉପରେ ଅଶ୍ଳୀଳ ମନ୍ତବ୍ୟ ମଧ୍ୟ ଦେଉଛନ୍ତି । ତେବେ ଏବେ ସମସ୍ତେ ଫିଲ୍ମର ଅଧିକ ବିବରଣୀ ପାଇଁ ଅପେକ୍ଷା କରିଛନ୍ତି ।
