ହାଇଦ୍ରାବାଦ: ଭୋଜପୁରୀ ଫିଲ୍ମ ଇଣ୍ଡଷ୍ଟ୍ରିକୁ ବଡ ଝଟକା । ଭୋଜପୁରୀ ଅଭିନେତ୍ରୀ ଆକାଂକ୍ଷା ଦୁବେଙ୍କ ଝୁଲନ୍ତା ମୃତଦେହ ଉଦ୍ଧାର ହୋଇଛି । ଆଜି ଉତ୍ତରପ୍ରଦେଶର ବାରଣାସୀର ଏକ ହୋଟେଲ ରୁମରୁ ଅଭିନେତ୍ରୀଙ୍କ ଝୁଲନ୍ତା ଅବସ୍ଥାରେ ମୃତଦେହ ଉଦ୍ଧାର କରାଯାଇଛି । ମୃତ୍ୟୁବେଳକୁ ତାଙ୍କୁ 25ବର୍ଷ ବୟସ ହୋଇଥିଲା । ମୃତ୍ୟୁର କାରଣ ଅସ୍ପଷ୍ଟ ଥିବା ବେଳେ ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଜାରି ରଖିଛି । ଅଭିନେତ୍ରୀଙ୍କ ମୃତ୍ୟୁ ଖବର ଶୁଣି ଫିଲ୍ମ ଇଣ୍ଡଷ୍ଟ୍ରିରେ ଶୋକର ଲହରୀ ଖେଳିଯାଇଛି ।
- " class="align-text-top noRightClick twitterSection" data="
">
ଆକାଂକ୍ଷା ଦୁବେ ନିଜ ଆଗାମୀ ପ୍ରୋଜେକ୍ଟର ସୁଟିଂ ପାଇଁ ବାରଣାସୀରେ ଥିଲେ । ସେ ସୁଟିଂ ସାରି ଅଭିନେତ୍ରୀ ସାରନାଥ ଅଞ୍ଚଳରେ ଥିବା ହୋଟେଲ ରୁମକୁ ଯାଇଥିଲେ । ପରେ ସେହି ହୋଟେଲରୁ ଝୁଲନ୍ତା ଅବସ୍ଥାରେ ଅଭିନେତ୍ରୀଙ୍କ ମୃତଦେହ ଉଦ୍ଧାର କରାଯାଇଛି । ତେବେ ଘଟଣା ବିଷୟରେ ଜାଣି ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ଉଦ୍ଧାର କରିବା ସହ ତାଙ୍କ ପରିବାର ଲୋକଙ୍କୁ ଅବଗତ କରାଇଛି ।
- " class="align-text-top noRightClick twitterSection" data="
">
ଅଭିନେତ୍ରୀଙ୍କ ମୃତ୍ୟୁ ଖବର ଶୁଣି ଫିଲ୍ମ ଇଣ୍ଡଷ୍ଟ୍ରିରେ ଶୋକର ଲହରୀ ଖେଳିଯାଇଥିବା ବେଳେ ତାଙ୍କ ଫ୍ୟାନ୍ସ ମଧ୍ୟ ଘଟଣାକୁ ସହଜରେ ସ୍ବୀକାର କରିପାରୁନାହାନ୍ତି । ସୋସିଆଲ ମିଡିଆରେ ଅଭିନେତ୍ରୀଙ୍କ ମୃତ୍ୟୁ ଖବର ଶୁଣି ଅନେକ ତାରକା ଓ ଫ୍ୟାନ୍ସ ପ୍ରତିକ୍ରିୟା ଦେଇଥିବା ଦେଖିବାକୁ ମିଳିଛି ।
ଆତ୍ମହତ୍ୟାର କିଛି ଘଣ୍ଟା ପୂର୍ବରୁ ଅଭିନେତ୍ରୀ ଆକାଂକ୍ଷା ନିଜେ ଏକ ଭିଡିଓ ସୋସିଆଲ ମିଡିଆରେ ସେୟାର କରିଥିଲେ। ଏହି ଭିଡିଓରେ ସେ ଭୋଜପୁରୀ ଗୀତ ହିଲୋର ମେରେ ବେଲି ଡ୍ୟାନ୍ସ କରିଥିବାର ନଜର ଆସିଥିଲେ । ନୀଳ ଜିନ୍ସ ସହିତ କଳା ଟପ୍ ପିନ୍ଧି ଏକ ଦର୍ପଣ ସାମ୍ନାରେ ନାଚୁଥିବା ଦେଖିବାକୁ ମିଳିଥିଲା । ଆକଂକ୍ଷା ଭୋଜପୁରୀ ଚଳଚ୍ଚିତ୍ର ଇଣ୍ଡଷ୍ଟ୍ରିର ଜଣେ ଟପ୍ ମଡେଲ୍ ଏବଂ ଅଭିନେତ୍ରୀ ଥିଲେ ଏବଂ ସମର ସିଂ, ଖେସରୀ ଲାଲ୍ ଯାଦବ, ପୱନ ସିଂ ଏବଂ ପ୍ରଦୀପ ପାଣ୍ଡେଙ୍କ ସହ ଅନେକ ତାରକାଙ୍କ ସହ ସେ ଅଭିନୟ କରିଥିଲେ ।
ସୂଚନା ଥାଉ କି, ଆକାଂକ୍ଷା 21 ଅକ୍ଟୋବର 1997ରେ ଉତ୍ତରପ୍ରଦେଶର ମିର୍ଜାପୁରରେ ଜନ୍ମଗ୍ରହଣ କରିଥିଲେ । ସେ ଛୋଟବେଳୁ ନାଚିବା ଏବଂ ଅଭିନୟ କରିବାକୁ ଭଲ ପାଉଥିଲେ ଏବଂ ତେଣୁ ସେ ଟିକଟକ ଏବଂ ଇନଷ୍ଟାଗ୍ରାମରେ ନିଜର ଡ୍ୟାନ୍ସ ଏବଂ ଅଭିନୟ ଭିଡିଓ ସେୟାର କରି ନିଜର ଅଭିନୟ ଜୀବନ ଆରମ୍ଭ କରିଥିଲେ । ରାକେଶ ମିଶ୍ରଙ୍କ ମ୍ୟୁଜିକ୍ ଭିଡିଓ 'ତୁ ଜୱାନ୍ ହମ୍ ଲାଇକା'ରୁ କ୍ୟାରିଅର୍ ଆରମ୍ଭ କରିଥିଲେ ଅଭିନେତ୍ରୀ । ଶନିବାର ରାତିରେ ମଧ୍ୟ ସେ ନିଜ ଇନଷ୍ଟାଗ୍ରାମ ଆକାଉଣ୍ଟରେ ଏକ ଭିଡିଓ ସେୟାର କରିଥିବା ଦେଖିବାକୁ ମିଳିଥିଲା ।
ପ୍ରାୟ ଏକ ମାସ ପୂର୍ବେ ଭାଲେଣ୍ଟାଇନ୍ସ ଡେ’ରେ ତାଙ୍କ ସମ୍ପର୍କ ଇନଷ୍ଟାଗ୍ରାମ ଅଫିସିଆଲ୍ କରିବାକୁ ସୋସିଆଲ ମିଡିଆକୁ ନେଇ ଅଭିନେତ୍ରୀ ହେଡଲାଇନରେ ଥିଲେ । ସେ ସହ-ଷ୍ଟାର ସମର ସିଂଙ୍କ ସହ ଏକ ଫଟୋ ସେୟାର କରିଥିଲେ । ସେ ଲେଖିଥିଲେ, 'ଭାଲେଣ୍ଟାଇନ୍ସ ଡେ'ର ଶୁଭେଚ୍ଛା । ତେବେ କେଉଁ କାରଣରୁ ଓ କାହିଁକି ଅଭିନେତ୍ରୀ ଆକାଂକ୍ଷା ଏଭଳି ଚରମ ନିଷ୍ପତ୍ତି ନେଲେ ତାହାର କାରଣ ଅସ୍ପଷ୍ଟ ଥିବା ବେଳେ ପୋଲିସ ଘଟଣାସ୍ଥଳରେ ପହଞ୍ଚି ଅଧିକ ତଦନ୍ତ ଜାରି ରଖିଥିବା ସୂଚନା ମିଳିଛି ।
