ହାଇଦ୍ରାବାଦ: ଷ୍ଟାର ଦମ୍ପତି ଅନୁଷ୍କା ଶର୍ମା ଏବଂ ବିରାଟ କୋହଲି ଆଜିକାଲି ବାରବାଡୋସ୍ (କେରେବିଆନ୍) ଟ୍ରିପ୍ ପାଇଁ ଚର୍ଚ୍ଚାରେ ଅଛନ୍ତି। ନିକଟରେ ବିରାଟ ଏକ କାଫେରୁ ତାରକା ପତ୍ନୀ ଅନୁଷ୍କା ଶର୍ମାଙ୍କ ସହ ଏକ ସୁନ୍ଦର ଫଟୋ ସେୟାର କରିଥିଲେ । ଏବେ ପୁଣି ଥରେ ବାରବାଡୋସରୁ ଷ୍ଟାର କପଲଙ୍କ ଆଉ ଏକ ସୁନ୍ଦର ଫଟୋ ସୋସିଆଲ ମିଡିଆରେ ଭାଇରାଲ ହେଉଛି ।
ଅନୁଷ୍କା ଏବଂ ବିରାଟଙ୍କ ଏହି ସୁନ୍ଦର ଫଟୋଟି ସେମାନଙ୍କ ମଧ୍ୟାହ୍ନ ଭୋଜନ ସମୟର ବୋଲି କୁହାଯାଉଛି । ଏହି ଫଟୋକୁ ତାଙ୍କର ଜଣେ ପ୍ରଶଂସକ ସେୟାର କରିଛନ୍ତି, ଯାହା ସୋସିଆଲ ମିଡିଆରେ ଭାଇରାଲ ହୋଇଛି । ଏହି ଫଟୋରେ ଅନୁଷ୍କା ଏବଂ ବିରାଟଙ୍କ ମୁହଁରେ ଏକ ସୁନ୍ଦର ସ୍ମାଇଲ ଦୃଶ୍ୟମାନ ହେଉଛି । ଅନୁଷ୍କା-ବିରାଟଙ୍କ ଏହି ଫଟୋ ସେମାନଙ୍କ ଲାଟେଷ୍ଟ ବାରବାଡୋସ୍ ଟ୍ରିପ୍ରୁ ଆସିଛି । ଏଥିରେ ଅନୁଷ୍କା ଶର୍ମା ଏକ ଢିଲା ସାର୍ଟ ଉପରେ ସର୍ଟ ପିନ୍ଧିଛନ୍ତି ଏବଂ ବିରାଟ କୋହଲି ପ୍ରିଣ୍ଚେଡ୍ ସର୍ଟ ଉପରେ କଳା ଟି-ସାର୍ଟ ପିନ୍ଧିଥିବାର ନଜର ଆସିଛନ୍ତି। ଅନୁଷ୍କା-ବିରାଟଙ୍କ ଏହି ଫଟୋରେ ସେମାନଙ୍କ ପ୍ରଶଂସକଙ୍କଠାରୁ ଅନେକ ପ୍ରତିକ୍ରିୟା ଆସୁଛି।
ଜଣେ ପ୍ରଶଂସକ ଲେଖିଛନ୍ତି, 'କିଙ୍ଗ ଏବଂ କୁଇନ୍'। ଅନ୍ୟ ଜଣେ ପ୍ରଶଂସକ ଲେଖିଛନ୍ତି, 'କଳ୍ପନା ଏବଂ ଚମତ୍କାର' । ଉଲ୍ଲେଖନୀୟ ଯେ, ପୂର୍ବରୁ ବିରାଟ ନିଜେ ଏହି ଟ୍ରିପ୍ରୁ ଅନୁଷ୍କାଙ୍କ ସହିତ ଫଟୋ ସେୟାର କରିଥିଲେ, ଯେଉଁଥିରେ ପ୍ରଶଂସକମାନେ ବହୁତ ଭଲପାଇବା ଦେଇଥିଲେ । ତେବେ ଅନୁଷ୍କା ଶର୍ମା ଏବଂ ବିରାଟ କୋହଲି ପ୍ରତ୍ୟେକ ଛୁଟି ଖୁବ୍ ସୁନ୍ଦର ଭାବେ ଏନ୍ଜୟ କରନ୍ତି ଏବଂ ତାଙ୍କର ଫଟୋ ସେୟାର କରନ୍ତି ।
ଏହା ମଧ୍ୟ ପଢନ୍ତୁ: ଅନୁଷ୍କା ଶର୍ମାଙ୍କ ଏଥିନିକ୍ ଲୁକ୍ରେ ଫ୍ୟାନ୍ସ ଫିଦା, ଭିଡିଓ ଭାଇରାଲ
ସୂଚନାଯୋଗ୍ୟ ଯେ, ଗତ କିଛି ଦିନ ତଳେ ମୁମ୍ବାଇ ବିମାନବନ୍ଦରରେ ଅଭିନେତ୍ରୀ ଦେଶୀ ଲୁକ୍ରେ ନଜର ଆସିଥିଲେ । ଅନୁଷ୍କା ଶର୍ମା ବିମାନବନ୍ଦର ଲୁକ୍ ସୋସିଆଲ ମିଡିଆରେ ବହୁତ ଭାଇରାଲ ହୋଇଥିଲା । ପ୍ରଥମ ଥର ପାଇଁ ଅନୁଷ୍କାଙ୍କୁ ଏଥିନିକ୍ ଏୟାରପୋର୍ଟ ଲୁକ୍ରେ ଦେଖିବାକୁ ମିଳିଥିଲା । ସୋସିଆଲ ମିଡିଆରେ ଭିଡିଓ ଭାଇରାଲ ହେବା ଦେଖି ଅନୁଷ୍କାଙ୍କ ପ୍ରଶଂସକମାନେ ମଧ୍ୟ ଆଶ୍ଚର୍ଯ୍ୟ ହୋଇଯାଇଥିଲେ । ଅଭିନେତ୍ରୀଙ୍କ ପ୍ରଶଂସକମାନେ ମଧ୍ୟ ତାଙ୍କ ସିମ୍ପଲ ଲୁକ୍କୁ ଖୁବ୍ ପ୍ରଶଂସା କରିଥିଲେ । ହେଲେ ସେହି ସମୟରେ ଅନୁଷ୍କାଙ୍କୁ ବିମାନବନ୍ଦରରେ ଏକାକୀ ଦେଖିବାକୁ ମିଳିଥିଲା ।
ବଲିଉଡ ଅଭିନେତ୍ରୀ ଅନୁଷ୍କାଙ୍କ କାମ ବିଷୟରେ କହିବାକୁ ଗଲେ, ସେ ତାଙ୍କ ପରବର୍ତ୍ତୀ ପ୍ରୋଜେକ୍ଟରେ ଭାରତୀୟ ମହିଳା କ୍ରିକେଟ ଟିମର ଷ୍ଟାର ବୋଲର ଝୁଲଣ ଗୋସ୍ୱାମୀଙ୍କ ବାୟୋପିକ୍ ‘ଚକଦେ ଏକ୍ସପ୍ରେସ’ରେ ନଜର ଆସିବେ । ଏବେ ଅନେକ ଦିନର ବ୍ୟବଧାନ ପରେ ସ୍କ୍ରିନ୍କୁ ପୁଣି କମ୍ବ୍ୟାକ୍ କରିବେ ଅଭିନେତ୍ରୀ । ଫିଲ୍ମରେ ଅନୁଷ୍କା ମହିଳା କ୍ରିକେଟର ଝୁଲଣଙ୍କ ଭୂମିକାରେ ନଜର ଆସିବେ । ରିପୋର୍ଟ ଅନୁସାରେ ଏହି ଫିଲ୍ମର ନାଁ ‘ଚକଦେ ଏକ୍ସପ୍ରେସ’ ରଖାଯିବ । ତେବେ ବିବାହ ପରଠୁ ପରଦାରୁ ଏକ ପ୍ରକାର ଦୂରେଇ ଯାଇଥିଲେ ଅନୁଷ୍କା ଶର୍ମା । ଫିଲ୍ମ ଜିରୋରେ ଅନୁଷ୍କାଙ୍କୁ ଶେଷ ଥର ପାଇଁ ଦେଖାଯାଇଥିଲା ।
