ହାଇଦ୍ରାବାଦ: ବଲିଉଡର ଅନେକ ତାରକା ଏବେ ଟଲିଉଡ ମୁହାଁ ହେଉଥିବା ନଜର ଆସିଛି । ନିକଟରେ ବଲିଉଡ ଅଭିନେତ୍ରୀ ଜାନହ୍ୱୀ କପୁର ଜୁନିଅର ଏନଟିଆରଙ୍କ ଅଭିନୀତ ଫିଲ୍ମ NTR 30 ପାଇଁ ନଜର ଆସିବାକୁ ଯାଉଥିବା ବେଳେ ଏବେ କାଶ୍ମୀର ଫାଇଲ୍ସ ଅଭିନେତା ଅନୁପମ ଖେର ମଧ୍ୟ ସାଉଥ ଫିଲ୍ମରେ ନଜର ଆସିବାକୁ ଯାଉଛନ୍ତି । ଏନେଇ ସେ ସୋସିଆଲ ମିଡିଆରେ ଫିଲ୍ମ ପୋଷ୍ଟର ସହ ରିଲିଜ ତାରିଖ ଘୋଷଣା କରିଛନ୍ତି । ସୋସିଆଲ ମିଡିଆରେ ଏହି ପୋଷ୍ଟ୍କୁ ଫ୍ୟାନ୍ସ ଲାଇକ୍ କରିବା ସହ ଫିଲ୍ମ ପାଇଁ ଅଭିନନ୍ଦନ ଜଣାଇଛନ୍ତି ।
- " class="align-text-top noRightClick twitterSection" data="
">
ଟଲିଉଡର ଆକ୍ସନ୍ ତଥା କମେଡି ଅଭିନେତା ରବି ତେଜାଙ୍କ ଆଗାମୀ ଫିଲ୍ମ 'ଟାଇଗର ନାଗେଶ୍ୱର ରାଓ'ରେ ନଜର ଆସିବେ ବଲିଉଡ ଅଭିନେତା ଅନୁପମ ଖେର । ଯାହାର ରିଲିଜ ତାରିଖ ଘୋଷଣା ସହ ଫିଲ୍ମ ପୋଷ୍ଟର ସେୟାର କରିଛନ୍ତି ଅଭିନେତା । ଏହି ଫିଲ୍ମରେ ଟଲିଉଡର 'ମାସ ମହାରାଜା' ରବି ତେଜା ମୁଖ୍ୟ ଭୂମିକାରେ ନଜର ଆସିବେ । ଏହି ପୋଷ୍ଟ ଦେଖି ଫ୍ୟାନ୍ସ ଲାଇକ କରିବା ସହ ଫିଲ୍ମ ପାଇଁ ଅଭିନନ୍ଦନ ଜଣାଇଛନ୍ତି ଏବଂ ଫିଲ୍ମକୁ ଉତ୍ସାହର ସହ ଅପେକ୍ଷା କରି ରହିଛନ୍ତି ।
- " class="align-text-top noRightClick twitterSection" data="
">
ଅନୁପମ ନିଜ ଇନଷ୍ଟଗ୍ରାମରେ ଏକ ପୋଷ୍ଟର ସେୟାର କରି ଲେଖିିଛନ୍ତି, "ମୋ ତେଲୁଗୁ ଫିଲ୍ମ 'ଟାଇଗର ନାଗେଶ୍ୱର ରାଓ' । ପ୍ରିୟ ରବି ତେଜାଙ୍କ ସହ ବକ୍ସ ଅଫିସରେ ଧମାଲ କରିବାକୁ ପ୍ରସ୍ତୁତ ।" ଚଳିତ ବର୍ଷ ଅକ୍ଟୋବର 20ରେ ସାରା ବିଶ୍ବର ସିନେମା ହଲରେ ରିଲିଜ ହେବ । ଏହାସହ ସେ ଅଗ୍ନି ଇମୋଜି ମଧ୍ୟ ସେୟାର କରିଥିଲେ । ଭାମସି ଏହି ଫିଲ୍ମର ନିର୍ଦ୍ଦେଶନା ଦେଇଥିବା ବେଳେ ବିବାଦୀୟ ଚଳଚ୍ଚିତ୍ର 'କାଶ୍ମୀର ଫାଇଲ'ର ନିର୍ମାତା ଅଭିଷେକ ଅଗ୍ରୱାଲ ଏହି ଫିଲ୍ମକୁ ନିର୍ମାଣ କରୁଛନ୍ତି । ଚଳିତ ବର୍ଷ ଅକ୍ଟୋବର 20ରେ ତାମିଲ, ତେଲୁଗୁ, କନ୍ନଡ, ମାଲାୟାଲମ୍ ଏବଂ ହିନ୍ଦୀ ଭାଷାରେ ଏହି ଫିଲ୍ମ ରିଲିଜ ହେବାକୁ ଯାଉଛି ।
1987 ମସିହାରେ ଅନୁପମ ଖେରଙ୍କୁ ତେଲୁଗୁ ଫିଲ୍ମ ତିରୁର୍ମୁତୁଲୁରେ ଡନ୍ ଭୂମିକାରେ ଦେଖିବାକୁ ମିଳିଥିଲା । ତାଙ୍କୁ ଶେଷ ଥର ପାଇଁ ତେଲୁଗୁ ଫିଲ୍ମ କାର୍ତ୍ତିକେୟ-୨ରେ ମଧ୍ୟ ଦେଖିବାକୁ ମିଳିଥିଲା । ତେବେ ବର୍ତ୍ତମାନ ଅନୁପମ ଖେରଙ୍କ ଆଗାମୀ ଫିଲ୍ମ ବିଷୟରେ କହିବାକୁ ଗଲେ, ଗୋଟିଏ କିମ୍ବା ଦୁଇଟି ନୁହେଁ ବରଂ ତାଙ୍କ ପାଖରେ 8ଟି ଚଳଚ୍ଚିତ୍ର ରହିଛି । ଯେପରିକି ସିଗନେଚର, ମେଟ୍ରୋ ଇନ ଡିନୋ, ଦି ଭ୍ୟାକ୍ସିନ୍ ୱାର୍, ଆଇବି 71, ନୌଟଙ୍କୀ, କୁଚ୍ ଖଟ୍ଟା ହୋ ଜାଏ, କାଜାଗ୍-2 ଏବଂ କଙ୍ଗନା ରାଣାୱତଙ୍କ ଅଭିନୀତ ଫିଲ୍ମ ଏମରଜେନ୍ସି । ବର୍ତ୍ତମାନ ଏହି ସମସ୍ତ ଚଳଚ୍ଚିତ୍ରର ସୁଟିଂ ଚାଲିଛି । ଅନୁପମ ଖେରଙ୍କୁ ନିକଟରେ ରିଲିଜ୍ ହୋଇଥିବା ଫିଲ୍ମ 'ଶିବ୍ ଶାସ୍ତ୍ରୀ ବାଲବୋଆ'ରେ ଦେଖିବାକୁ ମିଳିଥିଲା।
