ହାଇଦ୍ରାବାଦ: ବଲିଉଡ ଅଭିନେତା ରଣବୀର କପୁରଙ୍କ ବହୁ ପ୍ରତୀକ୍ଷିତ ଚଳଚ୍ଚିତ୍ର 'ଆନିମଲ'ର ପ୍ରି-ଟିଜର ରିଲିଜ ହୋଇଛି । ସୋସିଆଲ ମିଡିଆରେ ଆଜି ପ୍ରି-ଟିଜର ରିଲିଜ କରିଛନ୍ତି ନିର୍ମାତା । 'ଆନିମଲ'ରେ ରଣବୀର କପୁରଙ୍କ ସହ ସାଉଥ ଲୋକପ୍ରିୟ ଅଭିନେତ୍ରୀ ରଶ୍ମିକା ମନ୍ଦନା ଏବଂ ଅଭିନେତା ବବି ଦେଓଲ ନଜର ଆସିବେ । ତେବେ ରିଲିଜ ହୋଇଥିବା ଟିଜରରେ ରଣବୀର, ରଶ୍ମିକା ଏବଂ ବବିଙ୍କ ଲୁକ୍ ଫ୍ୟାନ୍ସଙ୍କୁ ବେଶ ପସନ୍ଦ ଆସିଛି ।
- " class="align-text-top noRightClick twitterSection" data="">
ରଣବୀର କପୁର ଏବଂ ରଶ୍ମିକା ମନ୍ଦନା-ଷ୍ଟାରର 'ଆନିମଲ' ରିଲିଜ ବିଳମ୍ବକୁ ନେଇ ଗୁଜବ ପ୍ରଚାରିତ ହେଉଥିଲା । ଏନେଇ ଗତକାଲି ସୋସିଆଲ ମିଡିଆରେ ଫିଲ୍ମର ନିର୍ଦ୍ଦେଶକ ସନ୍ଦୀପ ରେଡ୍ଡୀ ଭଙ୍ଗା ଫିଲ୍ମର ରିଲିଜ୍ ତାରିଖ ଉପରେ ଏକ ଅପଡେଟ୍ ସେୟାର କରିଥିଲେ । ଫିଲ୍ମର ରିଲିଜ ତାରିଖ ଘୁଞ୍ଚିନି । ଫିଲ୍ମ ଅଗଷ୍ଟ 11ରେ ହିଁ ରିଲିଜ ହେବ କହିବା ସହ ଚଳଚ୍ଚିତ୍ର ନିର୍ମାତା ଏକ ପୋଷ୍ଟର ସେୟାର କରି ପ୍ରି-ଟିଜର ରିଲିଜ୍ ତାରିଖ ଏବଂ ସମୟ ବିଷୟରେ ପ୍ରକାଶ କରିଥିଲେ । ପୋଷ୍ଟରରେ ଲେଖାଥିଲା ଆଜି ସକାଳ 11:11ରେ ରିଲିଜ ହେବ ପ୍ରି-ଟିଜର ।
ତେବେ ପ୍ରତିଶୃତି ଅନୁଯାୟୀ, ନିର୍ମାତା ଫିଲ୍ମର ପ୍ରି-ଟିଜର ରିଲିଜ କରିଛନ୍ତି । ଟିଜରରେ ରଣବୀର ଏକ ଦମଦାର ଲୁକରେ ନଜର ଆସିଛନ୍ତି। ତେବେ ଫିଲ୍ମ ଏକ ଗ୍ୟାଙ୍ଗଷ୍ଟର ଚଳଚ୍ଚିତ୍ର ଉପରେ ଆଧାରିତ, ଯାହା ହିଂସା ଏବଂ ଅତ୍ୟାଚାର ସହିତ ଜଡିତ ବୋଲି ଜଣାପଡୁଛି । ଏହି ଫିଲ୍ମରେ ରଣବୀର କପୁର ଏବଂ ରଶ୍ମିକା ମନ୍ଦନାଙ୍କ ସହ ଅନିଲ କପୁର, ବବି ଦେଓଲ ଏବଂ ତୃପ୍ତି ଡିମ୍ରି ପ୍ରମୁଖ ଭୂମିକାରେ ଅଭିନୟ କରିଛନ୍ତି । ତେବେ ଫିଲ୍ମର ଟିଜର ଲୋକଙ୍କୁ ବେଶ ପସନ୍ଦ ଆସିଥିବା ବେଳେ ଫିଲ୍ମଟି ମଧ୍ୟ ହିଟ ହେବ ବୋଲି ଆଶା କରାଯାଉଛି ।
'ଆନିମଲ' ଫିଲ୍ମଟି ଚଳିତବର୍ଷ ଅଗଷ୍ଟ 11ରେ ହିନ୍ଦୀ, ତେଲୁଗୁ, ତାମିଲ, କନ୍ନଡ, ମାଲାୟାଲମ୍ ଭଳି 5 ଟି ଭାଷାରେ ସିନେମାହଲରେ ରିଲିଜ ହେବ । 'ଆନିମଲ' ଭୂଷଣ କୁମାର ଏବଂ କୃଷ୍ଣ କୁମାରଙ୍କ ଟି-ସିରିଜ୍, ମୁରାଦ ଖେତାନୀଙ୍କ ସିନେ1 ଷ୍ଟୁଡିଓ ଏବଂ ପ୍ରଣୟ ରେଡ୍ଡୀ ଭଙ୍ଗାଙ୍କ ଭଦ୍ରକଲି ପିକଚର୍ସ ଦ୍ୱାରା ନିର୍ମିତ ହୋଇଛି ।
ସୂଚନା ଥାଉ କି, ଅଗଷ୍ଟ 11 ରେ ଫିଲ୍ମ ରିଲିଜ୍ ହେବାର ଦୁଇ ମାସ ପୂର୍ବରୁ 'ଆନିମଲ'ର ପ୍ରି-ଟିଜର ବାହାରକୁ ଯିବ । ତେବେ ଏହି ସମୟରେ, ରଣବୀରଙ୍କ ଏହି ଫିଲ୍ମଟି ସନ୍ନି ଦେଓଲଙ୍କ ଆଗାମୀ ଚଳଚ୍ଚିତ୍ର ଗଦର 2 ଏବଂ ଅକ୍ଷୟ କୁମାରଙ୍କ ପରବର୍ତ୍ତୀ ଫିଲ୍ମ OMG 2 ସହ ବକ୍ସ ଅଫିସରେ କଡା ଟକ୍କର ଦେବ । ଏଥିସହ ସାଉଥରେ ରଜନୀକାନ୍ତଙ୍କ ଜେଲର ସହ ମଧ୍ୟ ଟକ୍କର ଦେବ।
