ହାଇଦ୍ରାବାଦ: ବଲିଉଡ ଲୋକପ୍ରିୟ ଅଭିନେତ୍ରୀ ସୋନମ କପୁର ତାଙ୍କ ପୁଅ ବାୟୁ ଆହୁଜାଙ୍କ ପ୍ରଥମ ଜନ୍ମଦିନ ଅଗଷ୍ଟ 20ରେ ପାଳନ କରିଥିଲେ । ଅଭିନେତ୍ରୀ ଉତ୍ସବର ଫଟୋ ସୋସିଆଲ ମିଡିଆରେ ସେୟାର କରିଛନ୍ତି । ବାୟୁଙ୍କ ପ୍ରଥମ ଜନ୍ମଦିନରେ ଉଭୟ ଆହୁଜା ଏବଂ କପୁର ପରିବାର ଏକାଠି ନଜର ଆସିଥିଲେ । ସେଠାରେ ଥିବାବେଳେ ଅନିଲ କପୁର ତାଙ୍କ ନାତି ଏବଂ ଝିଅ ସୋନମଙ୍କ ସହ ଏକ ଫଟୋ ସେୟାର କରିଛନ୍ତି ଏବଂ ଏହି ଫଟୋ ସହିତ ଏକ ହୃଦୟସ୍ପର୍ଶୀ ବାର୍ତ୍ତା ଲେଖିଛନ୍ତି ।
ଏହା ମଧ୍ୟ ପଢନ୍ତୁ: 13 ବର୍ଷ ପରେ ପୁଣି ବଡ ପରଦାକୁ ଫେରିବେ ଫରଦ୍ଦିନ ଖାନ୍, ନିଜେ କଲେ ଖୁଲାସା
ଗତ ବର୍ଷ ଅନିଲ କପୁର ଅଜା ହୋଇଥିଲେ । ଅଜା ହେବା ପରେ ସେ ବହୁତ ଖୁସି ଅଛନ୍ତି । ଅଗଷ୍ଟ 25ରେ ଅଭିନେତା ତାଙ୍କ ଇନଷ୍ଟାଗ୍ରାମରେ ଏକ ସୁନ୍ଦର ଫଟୋ ସେୟାର କରିଥିଲେ, ଯେଉଁଥିରେ ତାଙ୍କ ଝିଅ ସୋନମ କପୁର ଏବଂ ନାତି ବାୟୁ ଆହୁଜା ନଜର ଆସିଛନ୍ତି । ଫଟୋରେ ସୋନମ ବାୟୁଙ୍କୁ ଧରିଛନ୍ତି । ଫଟୋ ସହିତ ଅନିଲ କପୁର ଏକ ସୁନ୍ଦର କ୍ୟାପସନ ଲେଖିଛନ୍ତି, "ମୁଁ ମୋର ଶିଶୁ କନ୍ୟାକୁ ମୋ ଶିଶୁ ପୁତ୍ରକୁ କୋଳରେ ଧରିଥିବାର ଦେଖି କଦାପି ଥକି ପାରିବି ନାହିଁ ... ସୋନମ କପୁର ।"
ସୋନମ କପୁର ଗତ କିଛି ଦିନ ହେବ ଭାରତରେ ରହୁଥିଲେ । ଏଭଳି ସ୍ଥିତିରେ ସେ ତାଙ୍କର ଲାଡଲା ବାୟୁଙ୍କ ପ୍ରଥମ ଜନ୍ମଦିନ ମଧ୍ୟ ଏଠାରେ ପାଳନ କରିଥିଲେ । ପୁଅର ଜନ୍ମଦିନ ଅବସରରେ ଅଭିନେତ୍ରୀ ଘରେ ଏକ ସ୍ୱତନ୍ତ୍ର ପୂଜା ଆୟୋଜନ କରିଥିଲେ, ଯେଉଁଥିରେ ତାଙ୍କ ଶାଶୁ ଏବଂ ପିତାମାତା ଉପସ୍ଥିତ ଥିଲେ । ଏହାସହିତ ସେ ପାରିବାରିକ ମଧ୍ୟାହ୍ନ ଭୋଜନ ମଧ୍ୟ କରିଥିଲେ । ଫଟୋ ସେୟାର କରି ସୋନମ ଲେଖିଛନ୍ତି, "ଗତକାଲି ଆମ ବାୟୁକୁ ୧ ବର୍ଷ ହୋଇଗଲା । ମୁଁ ପରିବାର ସହିତ ଏକ ସୁନ୍ଦର ପୂଜା ଏବଂ ମଧ୍ୟାହ୍ନ ଭୋଜନ କଲି । ଆମକୁ ଆଶୀର୍ବାଦ ଦେଇଥିବାରୁ ବ୍ରହ୍ମାଣ୍ଡକୁ ବହୁତ ବହୁତ ଧନ୍ୟବାଦ ।"
ସୋନମ କପୁର ଆଗାମୀ ଚଳଚ୍ଚିତ୍ର
ସୋନମ କପୁରଙ୍କ କାମ ବିଷୟରେ କହିବାକୁ ଗଲେ ଅଭିନେତ୍ରୀଙ୍କ ଫିଲ୍ମ 'ବ୍ଲାଇଣ୍ଡ' ଜିଓ ସିନେମାରେ ମୁକ୍ତିଲାଭ କରିଛି । ଏହି ଚଳଚ୍ଚିତ୍ରରେ ସୋନମ ଜଣେ ପୋଲିସ ଅଫିସର ଭୂମିକାରେ ନଜର ଆସିଛନ୍ତି, ଯିଏ ଦେଖି ପାରୁନାହାଁନ୍ତି । ଏହା ବ୍ୟତୀତ ଖୁବଶୀଘ୍ର ଅଭିନେତ୍ରୀ 'ଭିରେ ଦି ୱେଡିଂ ୨'ରେ ନଜର ଆସିବେ ।
