ମୁମ୍ବାଇ: ପ୍ରସିଦ୍ଧ ବିଜନେସ୍ମ୍ୟାନ ତଥା ବ୍ୟବସାୟୀ ମୁକେଶ ଅମ୍ବାନୀଙ୍କ ପୁଅ ଅନନ୍ତ ଅମ୍ବାନୀ ଏବଂ ରାଧିକା ମର୍ଚାଣ୍ଟ ଖୁବ୍ ଶୀଘ୍ର ବିବାହ ବନ୍ଧନରେ ଆବଦ୍ଧ ହେବେ । ଗତକାଲି ଅମ୍ବାନୀ ପରିବାର ପାଇଁ ବହୁତ ଖୁସିର ଦିନ ଥିଲା । ରାଜସ୍ଥାନର ନାଥବାଦା ସ୍ଥିତ ଶ୍ରୀନାଥଜୀ ମନ୍ଦିରରେ ଅନନ୍ତ ଅମ୍ବାନୀ ଏବଂ ରାଧିକା ମର୍ଚାଣ୍ଟଙ୍କ ନିର୍ବନ୍ଧ ଶେଷ ହୋଇଛି । ନିର୍ବନ୍ଧ ପରେ ମୁମ୍ବାଇରେ ଦୁହିଁଙ୍କୁ ଧୁମ୍ଧାମର ସହ ସ୍ବାଗତ କରାଯାଇଥିଲା । ଏହି ସମୟରେ ଆଣ୍ଟିଲିଆ ହାଉସରେ ତାରକାମାନଙ୍କ ପାଇଁ ଏକ କାର୍ଯ୍ୟକ୍ରମର ଆୟୋଜନ ହୋଇଥିଲା । ମିକା ସିଂ ମଧ୍ୟ ନୂଆ ଦମ୍ପତିଙ୍କୁ ସ୍ୱାଗତ କରିବା ପାଇଁ ଅମ୍ବାନୀ ହାଉସରେ ପହଞ୍ଚିଥିଲେ । କୁହାଯାଉଛି ଯେ ଏହି ସମୟରେ ମିକା ସିଂ ଏକ ପରଫମାନ୍ସ ପାଇଁ କୋଟି କୋଟି ଟଙ୍କା ଆଦାୟ କରିଛନ୍ତି ।
- " class="align-text-top noRightClick twitterSection" data="
">
ଯେତେବେଳେ ଅନନ୍ତ ଅମ୍ବାନୀ ଏବଂ ରାଧିକା ମର୍ଚାଣ୍ଟ ନିର୍ବନ୍ଧ ପରେ ଆଣ୍ଟିଲିଆ ହାଉସରେ ପହଞ୍ଚିଥିଲେ, ସେତେବେଳେ ଉଭୟଙ୍କୁ ଧୁମ୍ଧାମର ସହ ସ୍ବାଗତ କରାଯାଇଥିଲା । ଏହି ସମୟରେ ସେଲିବ୍ରିଟିଙ୍କ ସମେତ ମିକା ସିଂ ସାମିଲ ଥିଲେ । ମିଡିଆ ରିପୋର୍ଟ ଅନୁଯାୟୀ, ଏହି ସମୟରେ ମିକା ସିଂ 10 ମିନିଟ୍ ପାଇଁ ପରଫମାନ୍ସ କରିଥିଲେ । ଖବର ଅନୁଯାୟୀ, ଏହି ପରଫମାନ୍ସ ପାଇଁ ମିକା ସିଂ 1.5 କୋଟି ଟଙ୍କା ଆଦାୟ କରିଛନ୍ତି । ବର୍ତ୍ତମାନ ମିକା ସିଂଙ୍କ ଏହି ଭିଡିଓ ସୋସିଆଲ ମିଡିଆରେ ଦିନକୁ ଦିନ ଭାଇରାଲ ହେବାରେ ଲାଗିଛି।
ସୂଟନାଯୋଗ୍ୟ ଯେ, ଗୁରୁବାର (ଡିସେମ୍ବର 29) ରାଜସ୍ଥାନରେ ଅନନ୍ତ ଅମ୍ବାନୀଙ୍କର ରାଧିକା ମର୍ଚାଣ୍ଟଙ୍କ ସହ ନିର୍ବନ୍ଧ ସରିଛି । ଏହା ପରେ ମୁମ୍ବାଇରେ ତାଙ୍କ ଘରେ ଏକ ଗ୍ରାଣ୍ଡ ପାର୍ଟିର ଆୟୋଜନ କରାଯାଇଥିଲା। ଏହି ପାର୍ଟିରେ ରଣବୀର କପୁର, ଆଲିଆ ଭଟ୍ଟ, ରଣଭୀର ସିଂ, ଜାହ୍ନବୀ କପୁର, ଶାହାରୁଖ ଖାନ, ସଲମାନ ଖାନଙ୍କ ସମେତ ଅନେକ ତାରକା ଉପସ୍ଥିତ ଥିଲେ ।
ଏହା ବି ପଢନ୍ତୁ: ପ୍ରଥମ ଥର ପୁଅର ଝଲକ ଦେଖାଇଲେ ଧୀରଜ ଧୂପର, ସାନ୍ତା ଲୁକ୍ରେ ଦେଖାଯାଉଛନ୍ତି କ୍ୟୁଟ୍
ତେବେ ଅନନ୍ତ ଏବଂ ରାଧିକା କେବେ ବିବାହ କରିବେ ସେ ସମ୍ପର୍କରେ କୌଣସି ସୂଚନା ପ୍ରକାଶ ପାଇନାହିଁ । ଅନନ୍ତ ଏବଂ ରାଧିକା ପରସ୍ପରକୁ ଦୀର୍ଘ ଦିନରୁ ଜାଣିଛନ୍ତି । ୨୦୧୮ ମସିହାରେ, ଉଭୟଙ୍କ ଏକ ଫଟୋ ସୋସିଆଲ ମିଡିଆରେ ଭାଇରାଲ ହୋଇଥିଲା । ଏହି ଫଟୋରେ ତାଙ୍କୁ ସବୁଜ ପୋଷାକରେ ଦେଖିବାକୁ ମିଳିଥିଲା । ରାଧିକାଙ୍କୁ ଅମ୍ବାନୀ ପରିବାରର ପ୍ରତ୍ୟେକ ପାରିବାରିକ କାର୍ଯ୍ୟରେ ଦେଖିବାକୁ ମିଳେ । ତେବେ ଖୁବ୍ ଶୀଘ୍ର ରାଧିକା ଅମ୍ବାନୀ ପରିବାରର ସାନ ବୋହୂ ହେବେ ।
ରାଧିକା ମର୍ଚାଣ୍ଟ କିଏ ?
ରାଧିକା (Radhika Merchant), ବିରେନ ମର୍ଚାଣ୍ଟ ଓ ଶୈଳା ମର୍ଚାଣ୍ଟଙ୍କ ଏକମାତ୍ରା ଝିଅ । ବିରେନ ଓ ଶୈଳା ଏନକୋର ହେଲଥ କେୟାର ସିଇଓ ଅଛନ୍ତି । ରାଧିକାଙ୍କ ପିତା ବିରେନ ଭାରତର ଧନୀ ବ୍ୟକ୍ତିତ୍ୱମାନଙ୍କ ମଧ୍ୟରେ ଗଣିତ । ରାଧିକା ମୁମ୍ବାଇରେ ତାଙ୍କର ପାଠପଢା କରିଥିଲେ । ଏହା ପରେ ସେ ଅଧ୍ୟୟନ ପାଇଁ ନ୍ୟୁୟର୍କ ଯାଇଥିଲେ । ସେଠାରେ ସେ ରାଜନୀତି-ଇକୋନେମିସିରେ ଗ୍ରାଜୁଏସନ ଶେଷ କରିଥିଲେ । ଗ୍ରାଜୁଏସନ ସମାପ୍ତ ପରେ, ସେ 2017 ରେ ଇସ୍ପ୍ରଭା ଦଳରେ ଏକ ସେଲସ-ଏକ୍ଜୁକ୍ୟଟିଭ ଭାବରେ ଯୋଗ ଦେଇଥିଲେ । ସେ ପଢିବା, ଟ୍ରାକିଂ ଏବଂ ପହଁରିବାକୁ ପସନ୍ଦ କରନ୍ତି ।
