ମୁମ୍ବାଇ: ସୋସିଆଲ ମିଡିଆରେ ବଲିଉଡ ମେଗାଷ୍ଟାର ଅମିତାଭ ବଚ୍ଚନ ନିଜ ମଜାଳିଆ ପୋଷ୍ଟକୁ ନେଇ ସବୁବେଳେ ଚର୍ଚ୍ଚାରେ ଥାନ୍ତି । ଫ୍ୟାନ୍ସକୁ କେବେ ଚକିତ କରିଥାନ୍ତି ତ ଆଉ କେବେ ଖୁବ ମନୋରଞ୍ଜନ କରି ଫ୍ୟାନ୍ସଙ୍କ ମନ ଜିତିଥାନ୍ତି । ଏହାରି ମଧ୍ୟରେ ବର୍ତ୍ତମାନ ବିଗ ବିଙ୍କ ଏକ ପୋଷ୍ଟ ସାମ୍ନାକୁ ଆସିଛି । ଯେଉଁଥିରେ ପୋଲିସ କାର ସହ ତାଙ୍କର ଏକ ଫଟୋ ସେୟାର କରି ଗିରଫ ବୋଲି ଲେଖିଛନ୍ତି । ଏହି ପୋଷ୍ଟ ସେୟାର ହେବା ମାତ୍ର ଫ୍ୟାନ୍ସ ମଧ୍ୟ କମେଣ୍ଟ ବର୍ଷା କରିଛନ୍ତି ।
- " class="align-text-top noRightClick twitterSection" data="
">
ବିଗ୍ ବି ଇନଷ୍ଟାଗ୍ରାମରେ ନିଜର ଏକ ଫଟୋ ସେୟାର କରିଛନ୍ତି, ଯେଉଁଥିରେ ସେ ପୋଲିସ୍ କାର୍ ନିକଟରେ ଚିନ୍ତାରେ ଠିଆ ହୋଇଥିବାର ନଜର ଆସିଛନ୍ତି । ଏହାସହ କ୍ୟାପସନରେ ବିଗ୍ ବି 'ଗିରଫ' ଲେଖିଛନ୍ତି । ତେବେ ତାଙ୍କର ଏହି ପୋଷ୍ଟ ଏବେ ବେଶ ଭାଇରାଲ ହେଉଛି । ଫ୍ୟାନ୍ସ ଏନେଇ ତାଙ୍କୁ କମେଣ୍ଟ କରିଥିବା ଦେଖିବାକୁ ମିଳିଛି । ତେବେ ଏହା ତାଙ୍କ ଆଗାମୀ ଫିଲ୍ମର ଲୁକ୍ ବୋଲି କୁହାଯାଉଛି ।
- " class="align-text-top noRightClick twitterSection" data="
">
ବର୍ତ୍ତମାନ ବିଗ୍ ବିଙ୍କ ଏହି ଫଟୋ ଉପରେ ତାଙ୍କ ପ୍ରଶଂସକଙ୍କ ପ୍ରତିକ୍ରିୟା ଦେଇ ଜଣେ ଲେଖିଛନ୍ତି, 'ଆରେ ତୁମେ ହାତକଡିର ଚାବି କେଉଁ ଠାରେ ରଖିଲ'। ଅନ୍ୟଜଣେ ଲେଖିଛନ୍ତି, ବୃଦ୍ଧାବସ୍ଥାରେ ଗିରଫ ହେବା ଆଶ୍ଚର୍ଯ୍ୟଜନକ ଅଟେ । ଆଉ ଜଣେ ଲେଖିଛନ୍ତି, 'ତୁମେ ମଦ୍ୟପାନ କରୁଛ' । ଅନ୍ୟ ଜଣେ ଲେଖିଛନ୍ତି, ଶେଷରେ ମୁମ୍ବାଇ ପୋଲିସ ଏହି ଡନ୍କୁ ଧରିଛି।
ସୂଚନା ଥାଉ କି, ନିକଟରେ ବିଗ୍ ବି ସୁଟିଂରେ ଥିବା ସ୍ଥାନକୁ ଯିବା ପାଇଁ ଜଣେ ଅଜଣା ବାଇକ ଆରୋହୀଙ୍କ ଠାରୁ ଲିଫ୍ଟ ନେଇ ଲାଇମ୍ ଲାଇଟରେ ଆସିଥିଲେ । ବିନା ହେଲମେଟରେ ବାଇକ୍ ଯାତ୍ରା ପାଇଁ ବିଗ୍ ବି ଟ୍ରୋଲ କରାଯାଇଥିଲା ଏବଂ ମୁମ୍ବାଇ ଟ୍ରାଫିକ୍ ପୋଲିସ୍ ମଧ୍ୟ ପଦକ୍ଷେପ ନେବାକୁ କହିଥିଲେ । ସେହିପରି ଅଭିନେତ୍ରୀ ଅନୁଷ୍କା ଶର୍ମା ମଧ୍ୟ ତାଙ୍କ ଅଙ୍ଗରକ୍ଷୀଙ୍କ ସହ ବିନା ହେଲମେଟରେ ବାଇକ୍ ଯାତ୍ରା କରିଥିଲେ । ତେବେ ଉଭୟ ଘଟଣାରେ ପୋଲିସ କାର୍ଯ୍ୟାନୁଷ୍ଠାନ ଗ୍ରହଣ କରିଛି । ନିୟମ ଉଲ୍ଲଙ୍ଘନ ଅଭିଯୋଗରେ 2 ବାଇକ ଆରୋହୀଙ୍କ ଜରିଆରେ ବିଗ ବି ଏବଂ ଅନୁଷ୍କାଙ୍କ ଉପରେ 10 ହଜାର 500ଟଙ୍କା ଜରିମାନା ଲଗାଇଛି ।
ଅମିତାଭଙ୍କ ୱାର୍କ ଫ୍ରଣ୍ଟ କଥା କହିବାକୁ ଗଲେ, ଅମିତାଭ ନାଗ ଅଶ୍ୱିନଙ୍କ ପ୍ରୋଜେକ୍ଟ କେରେ ନଜର ଆସିବେ । ସେ ଫିଲ୍ମ ପାଇଁ ମଧ୍ୟ ସୁଟିଂ ଜାରି ରଖିଛନ୍ତି । ଏଥିରେ ଅମିତାଭଙ୍କ ସମେତ ସାଉଥ ଅଭିନେତା ପ୍ରଭାସ, ଅଭିନେତ୍ରୀ ଦୀପିକା ପାଦୁକୋନ ଏବଂ ଦିଶା ପାଟାନୀ ମୁଖ୍ୟ ଭୂମିକାରେ ଅଭିନୟ କରିଛନ୍ତି । ଏଥିସହ ଫିଲ୍ମର ସୁଟିଂ ହିନ୍ଦୀ ସହ ତେଲୁଗୁରେ କରାଯାଉଛି । ଫିଲ୍ମ 2024 ଜାନୁଆରୀ 12ରେ ସିନେମା ହଲରେ ରିଲିଜ ହେବ । ବିଗ୍ ବିଙ୍କୁ ରିଭୂ ଦାସଗୁପ୍ତଙ୍କ ପରବର୍ତ୍ତୀ କୋର୍ଟ ରୁମ୍ ଡ୍ରାମା ଫିଲ୍ମ ସେକ୍ସନ୍ 84ରେ ମଧ୍ୟ ଦେଖିବାକୁ ମିଳିବ ।
