ହାଇଦ୍ରାବାଦ: ସାଉଥ ସୁପରଷ୍ଟାର ଅଲୁ ଅର୍ଜୁନ ଏବଂ ବଲିଉଡ ଅଭିନେତ୍ରୀ କ୍ରିତି ସାନନ 69 ତମ ଜାତୀୟ ପୁରସ୍କାରରେ ଶ୍ରେଷ୍ଠ ଅଭିନେତା ଏବଂ ଶ୍ରେଷ୍ଠ ଅଭିନେତ୍ରୀ ପୁରସ୍କାର ପାଇଛନ୍ତି । ଉଭୟ ଷ୍ଟାର ନିଜ ନିଜ ଫିଲ୍ମରେ ଦମଦାର ଅଭିନୟ ପାଇଁ ଏହି ପୁରସ୍କାର ହସଲ କରିଛନ୍ତି । ତେବେ ଏହି ଖବର କ୍ରିତି ଏବଂ ଅଲ୍ଲୁଙ୍କ ଫ୍ୟାନ୍ସଙ୍କ ପାଇଁ ବେଶ ଖୁସିର କଥା ହୋଇଥିବା ବେଳେ ବର୍ତ୍ତମାନ ଖବର ଆସିଛି ଯେ, ଏହି ଉଭୟ ତାରକା ଏକାଠି ଏକ ଫିଲ୍ମ ପାଇଁ କାମ କରିବାକୁ ଯାଉଛନ୍ତି ।
ପୁରସ୍କାର ଜିତିବା ପରେ ଅଲ୍ଲୁ ଅର୍ଜୁନ ଏବଂ କ୍ରିତି ସାନନ୍ ପରସ୍ପର ସହ ଏକ ଫ୍ୟାନ୍ସ ମୁହୂର୍ତ୍ତ ସେୟାର କରିଥିଲେ । ଦୁହେଁ ଦିଲ୍ଲୀର ବିଜ୍ଞାନ ଭବନରେ ଆୟୋଜିତ ୬୯ତମ ଜାତୀୟ ଚଳଚ୍ଚିତ୍ର ପୁରସ୍କାର ସମାରୋହରେ ଏକାଠି ନଜର ଆସିଥିଲେ । ଏହି ସମୟରେ 'ପୁଷ୍ପା' ଶୈଳୀରେ ଉଭୟ ସେଲଫି ନେଇଥିଲେ । ଏହା ପ୍ରଥମ ଥର ଥିଲା ଯେ ଦୁହେଁ ପରସ୍ପର ସହ ଏକ ଫଟୋ କ୍ଲିକ୍ କରିଥିଲେ । ବର୍ତ୍ତମାନ ଇନଷ୍ଟାଗ୍ରାମରେ 'ମିମି' ଅଭିନେତ୍ରୀଙ୍କ ସହ ଏକ ଫଟୋ ସେୟାର କରି ଅଲ୍ଲୁ କ୍ରିତିଙ୍କ ପ୍ରଶଂସା କରିଛନ୍ତି । ଏହା ସହିତ ଅଲ୍ଲୁ କ୍ରିତିଙ୍କ ସହ ଏକ ଫିଲ୍ମ କରିବା ବିଷୟରେ ମଧ୍ୟ କହିଛନ୍ତି । ଏଥିସହ ଅଲ୍ଲୁ ୱାହିଦା ରେହମାନ ଏବଂ ଆଲିଆଙ୍କୁ ମଧ୍ୟ ଶୁଭେଚ୍ଛା ଜଣାଇଛନ୍ତି ।
ଅଲ୍ଲୁ ୩ଟି ଫଟୋ ସେୟାର କରିଛନ୍ତି । ପ୍ରଥମ ଫଟୋରେ ଅଲ୍ଲୁଙ୍କୁ ୱାହିଦା ରେହମାନଙ୍କ ସହ ପୋଜ ଦେଉଥିବା ଦେଖିବାକୁ ମିଳିଥିବା ବେଳେ ୨ୟ ଫଟୋରେ କ୍ରିତି, ଆଲିଆଙ୍କ ସହ ଅଲ୍ଲୁଙ୍କ ଦେଖିବାକୁ ମିଳିଛି । ଏବଂ ୩ୟ ଫଟୋରେ ଅଲ୍ଲୁ କ୍ରିତିଙ୍କ ସହ ସେଲ୍ଫି ନେଇଥିବା ନଜର ଆସିଛନ୍ତି । କ୍ରିତିଙ୍କ ବିଷୟରେ ଅଲ୍ଲୁ ଲେଖିଛନ୍ତି, କ୍ରିତିଙ୍କ କମ୍ପାନୀ ବହୁତ ଭଲ ଥିଲା । ଭଲ ପ୍ରଦର୍ଶନ ପାଇଁ ସେ ଏହି ପୁରସ୍କାରର ଯୋଗ୍ୟ । ଆପଣଙ୍କ ଆଗାମୀ ଯାତ୍ରା ଭଲ ହେଉ । ଏବଂ ଆଶା କରୁଛୁ ଆମେ ଏକାଠି ଏକ ଫିଲ୍ମ କରିବା । କ୍ରିତି ଅର୍ଜୁନଙ୍କ ପୋଷ୍ଟରେ କ୍ରିତି ପ୍ରତିକ୍ରିୟା ପ୍ରକାଶ କରିଛନ୍ତି । ଅଭିନେତ୍ରୀ ନିଜ ଇନଷ୍ଟାଷ୍ଟୋରୀରେ ଅଲ୍ଲୁଙ୍କ ସହ ସେଲ୍ଫି ଫଟୋ ସେୟାର କରି ଲେଖିଛନ୍ତି, 'ପ୍ରିୟ ପୁଷ୍ପା '(ବନି), ମୋର ଅଭିଜ୍ଞତା ଠିକ୍ ସମାନ ଥିଲା, ଆମ ମଧ୍ୟରେ ହୋଇଥିବା ବାର୍ତ୍ତାଳାପ ଆହୁରି ସ୍ବତନ୍ତ୍ର ଥିଲା । ମୁଁ ବି ଆଶା କରୁଛି ଆଗାମୀ ଦିନରେ ଆମେ ଏକାଠି ଏକ ଫିଲ୍ମ ପାଇଁ କାମ କରିବା ।''
ଏହା ମଧ୍ୟ ପଢନ୍ତୁ: National Film Awards ସମାରୋହରେ ସ୍ବାମୀଙ୍କ ସହ ସେଲ୍ଫି ନେଇ ଟ୍ରୋଲ ହେଲେ ଆଲିଆ
ସେହିପରି ୱାହିଦା ରେହମାନ ଏବଂ ଆଲିଆଙ୍କ ପାଇଁ ଅଲ୍ଲୁ ଲେଖିଛନ୍ତି, 'ୱାହିଦା ରେହମାନଙ୍କୁ ଦାଦାସାହେବ ଫାଲକେ ପୁରସ୍କାର ମିଳୁଥିବା ଦେଖିବା ଲାଇମଟାଇମ ଅନୁଭୂତି ଥିଲା । ଛଅ ଦଶନ୍ଧିରୁ ଅଧିକ ସମୟ ଧରି ଚଳଚ୍ଚିତ୍ର ଜଗତରେ ତାଙ୍କର ଯାତ୍ରା ରହିଆସିଛି । ଏବଂ ଆଲିଆ ଭଟ୍ଟ ପୁରସ୍କାର ଜିତିବା ଦେଖି ଏହା ବହୁତ ଭଲ ଅନୁଭବ ହେଉଥିଲା । ଏକ ଆଇକନିକ୍ ଚଳଚ୍ଚିତ୍ର ପାଇଁ ଆଇକନିକ୍ ପ୍ରଦର୍ଶନ ।
