ହାଇଦ୍ରାବାଦ: ଆଲିଆ ଭଟ୍ଟ କେବଳ ଜଣେ ଅଭିନେତ୍ରୀ ନୁହଁନ୍ତି ବଂର ଜଣେ ଦକ୍ଷ ନିର୍ମାତା ମଧ୍ୟ ହୋଇପାରିଛନ୍ତି। 'ଡାର୍ଲିଙ୍ଗ୍ସ'ର ସଫଳତା ପରେ ବର୍ତ୍ତମାନ ଆଲିଆ ଭଟ୍ଟ ଆଉ ଏକ ଦମଦାର ଚଳଚ୍ଚିତ୍ର ଆଣିବାକୁ ଯାଉଛନ୍ତି, ଯାହା ଅଭିନେତ୍ରୀ ଘୋଷଣା କରିଛନ୍ତି । ଏଥର ଫିଲ୍ମଟି OTT ପ୍ଲାଟଫର୍ମରେ ନୁହେଁ, ବରଂ ସିନେମାଘରେ ଧମାଲ ମଚାଇବ ।
ଆଲିଆ ଭଟ୍ଟ କରଣ ଜୋହରଙ୍କ ସହ ହାତ ମିଳାଇଛନ୍ତି
26 ସେପ୍ଟେମ୍ବର 2023 ରେ ଆଲିଆ ଭଟ୍ଟ ତାଙ୍କର ଆଗାମୀ ଚଳଚ୍ଚିତ୍ର 'ଜିଗ୍ରା' ଘୋଷଣା କରିଛନ୍ତି । ଏହି ଚଳଚ୍ଚିତ୍ର ମାଧ୍ୟମରେ ଆଲିଆ ଭଟ୍ଟ ପ୍ରଥମ ଥର ପାଇଁ ନିର୍ମାତା ଭାବରେ କରଣ ଜୋହରଙ୍କ ସହ ହାତ ମିଳାଇଛନ୍ତି । ଏହି ଚଳଚ୍ଚିତ୍ରଟି ଧର୍ମା ପ୍ରଡକ୍ସନ୍ସ ଏବଂ ଆଲିଆଙ୍କ ଇଣ୍ଟରନାଲ ସନ୍ସାଇନ ପ୍ରଡକ୍ସନ୍ ହାଉସ୍ ଦ୍ୱାରା ନିର୍ମିତ । ଆଲିଆ ଭଟ୍ଟ କେବଳ 'ଜିଗ୍ରା' ପ୍ରଡ୍ୟୁସ୍ କରୁନାହାଁନ୍ତି, ବରଂ ତାଙ୍କୁ ଏହି ଫିଲ୍ମରେ ଏକ ଗୁରୁତ୍ୱପୂର୍ଣ୍ଣ ଭୂମିକାରେ ମଧ୍ୟ ଦେଖିବାକୁ ମିଳିବ। ଆଲିଆ ପ୍ରଥମ ଝଲକ ଦେଖାଇ 'ଜିଗ୍ରା'ର ରିଲିଜ୍ ତାରିଖ ଘୋଷଣା କରିଛନ୍ତି।
- " class="align-text-top noRightClick twitterSection" data="">
‘ଜିଗ୍ରା’ର ମୋସନ ପୋଷ୍ଟର ରିଲିଜ୍
ଆଲିଆ ଭଟ୍ଟ ତାଙ୍କ ଇନଷ୍ଟାଗ୍ରାମ ଆକାଉଣ୍ଟରେ 'ଜିଗ୍ରା'ର ଆନିମେଟେଡ୍ ମୋସନ୍ ପୋଷ୍ଟର ରିଲିଜ୍ କରିଛନ୍ତି, ଯାହା ମାଧ୍ୟମରେ ଅଭିନେତ୍ରୀଙ୍କ ପ୍ରଥମ ଲୁକ୍ ପ୍ରକାଶ ପାଇଛି। ଭିଡିଓରେ, ଆଲିଆ ରାସ୍ତାର ମଝିରେ ସାର୍ଟ-ପ୍ୟାଣ୍ଟ ଏବଂ ସ୍ନେକର୍ ଏକ ବ୍ୟାଗ୍ ଧରି ଠିଆ ହୋଇଛନ୍ତି ଏବଂ ବହୁତ ଦୁଃଖୀ ଲାଗୁଛନ୍ତି । ମୋସନ ପୋଷ୍ଟରରେ ଅଭିନେତ୍ରୀ କହିଛନ୍ତି, ‘‘ଦେଖ...ଦେଖ ମୋତେ। ମୋ ରାଖୀ ପିନ୍ଧିଛୁ ନା ତୁ। ତୁ ମୋ ପ୍ରୋଟେକ୍ସନରେ ଅଛୁ । ମୁଁ ତୋ ସହିତ କିଛି ଘଟିବାକୁ ଦେବି ନାହିଁ ।’’
ଏହା ମଧ୍ୟ ପଢନ୍ତୁ: Dadasaheb Phalke Award: ସମ୍ମାନିତ ହେବେ ଭେଟେରାନ ଅଭିନେତ୍ରୀ ୱାହିଦା ରେହମାନ
କରଣ ଜୋହରଙ୍କ ସହ କାମ କରିବା ପରେ ଭାବପ୍ରବଣ ହେଲେ ଆଲିଆ
ମୋସନ ପୋଷ୍ଟର ସେୟାର କରିବାବେଳେ ଆଲିଆ ଭଟ୍ଟ କରଣ ଜୋହରଙ୍କ ସହ ନିର୍ମାତା ଭାବରେ କାମ କରିବା ଉପରେ ନିଜର ଭାବନା ସେୟାର କରିଛନ୍ତି। ଆଲିଆ କ୍ୟାପସନରେ ଲେଖିଛନ୍ତି, ଧର୍ମା ପ୍ରଡକ୍ସନ୍ସରେ ଡେବ୍ୟୁ କରିବା ଠାରୁ ଆରମ୍ଭ କରି ସେମାନଙ୍କ ସହ ଏକ ଫିଲ୍ମ ପ୍ରଡ୍ୟୁସ୍ କରିବା ପର୍ଯ୍ୟନ୍ତ ମୋତେ ଲାଗୁଛି ଯେ ମୁଁ ଯେଉଁଠାରୁ ଆରମ୍ଭ କରିଥିଲି ସେଠାରୁ ପୂରା ଚକ୍କର ଲଗାଉଛି। ଆଲିଆ ଭଟ୍ଟ ଆହୁରି ମଧ୍ୟ କହିଛନ୍ତି, “ପ୍ରତ୍ୟେକ ଦିନ ଅଲଗା ହୋଇଥାଏ… ରୋମାଞ୍ଚକର, ଚ୍ୟାଲେଞ୍ଜିଂ (ଆଉ ଟିକେ ଭୟଭୀତ)… କେବଳ ଜଣେ କଳାକାର ଭାବରେ ନୁହେଁ, ବରଂ ନିର୍ମାତା ଭାବରେ ଆମେ ଏହି ଚଳଚ୍ଚିତ୍ରକୁ ଜୀବନ୍ତ କରିଥାଉ। ମୁଁ ଏ ବିଷୟରେ ଆହୁରି ଅଧିକ ସେୟାର କରିବାକୁ ବହୁତ ଉତ୍ସାହିତ ଅଛି। "
ଆଲିଆ ଭଟ୍ଟଙ୍କ ଜିଗ୍ରା କେବେ ରିଲିଜ ହେବ?
27 ସେପ୍ଟେମ୍ବର 2024 ରେ 'ଜିଗ୍ରା' ପ୍ରେକ୍ଷାଳୟରେ ମୁକ୍ତିଲାଭ କରିବ । ଏହି ଚଳଚ୍ଚିତ୍ରର ନିର୍ଦ୍ଦେଶନା ଦେଇଛନ୍ତି ଭସନ ବାଲା। ବର୍ତ୍ତମାନ ପର୍ଯ୍ୟନ୍ତ କେବଳ ଆଲିଆଙ୍କ ଲୁକ୍ ଉନ୍ମୋଚିତ ହୋଇଛି। ବାକି ଷ୍ଟାର କାଷ୍ଟର ନାମକୁ ଅପେକ୍ଷା କରାଯାଇଛି ।
