ହାଇଦ୍ରାବାଦ: ଅପେକ୍ଷାର ଅନ୍ତ ଘଟିଲା । ରଣବୀର କପୁର ଏବଂ ଆଲିଆ ଭଟ୍ଟ ପ୍ରଶଂସକଙ୍କୁ ଦେଇଛନ୍ତି ଏକ ଖୁସି ଖବର। ରଣବୀର-ଆଲିଆ ଏହି ମାସରେ ବିବାହ କରିବାକୁ ଯାଉଛନ୍ତି। ପ୍ରଶଂସକମାନେ ଏହି ଦମ୍ପତିଙ୍କ ବିବାହକୁ ଉତ୍ସାହର ସହିତ ଅପେକ୍ଷା କରିଥିଲେ । ବର୍ତ୍ତମାନ ଲାଗୁଛି ଯେ, ଏହି ଲଭ୍ବାର୍ଡ ସବୁଦିନ ପାଇଁ ପରସ୍ପରର ହେବାକୁ ଯାଉଛନ୍ତି ।
ଅନେକ ତାରକା ଚଳିତ ବର୍ଷ ବିବାହ କରିବାକୁ ଯାଉଛନ୍ତି, ଯେଉଁଥିରେ ରଣବୀର-ଆଲିଆଙ୍କ ନାମ ଶୀର୍ଷରେ ଅଛି । ତିନି ବର୍ଷରୁ ଅଧିକ ସମୟ ଧରି ଏହି ଦମ୍ପତି ପରସ୍ପରକୁ ଡେଟ୍ କରୁଛନ୍ତି । ମିଡିଆ ରିପୋର୍ଟ ଅନୁଯାୟୀ, ରଣବୀର-ଆଲିଆ 2022 ଏପ୍ରିଲ 17 ରେ ସାତ ଫେରା ନେଇପାରନ୍ତି। ସୁତ୍ରରୁ ପ୍ରକାଶ ଯେ, ରଣବୀର-ଆଲିଆ ରାଜସ୍ଥାନର ରଣଥାମ୍ବୋରରେ ବିବାହ କରିବେ।
ମିଡିଆ ରିପୋର୍ଟ ଅନୁଯାୟୀ, ଏହି ଦମ୍ପତି ମୁମ୍ବାଇରେ ବିବାହ କରିବେ। ଏହା ମଧ୍ୟ କୁହାଯାଉଛି ଯେ ଦମ୍ପତି ଏକ ବଡ ବିବାହ ପରିବର୍ତ୍ତେ ଏକ ବ୍ୟକ୍ତିଗତ ସମାରୋହରେ ବିବାହ ବନ୍ଧନରେ ବାନ୍ଧି ହେବେ । ବିବାହ ଉତ୍ସବରେ କେବଳ ପରିବାର ଏବଂ ଘନିଷ୍ଠ ସମ୍ପର୍କୀୟଙ୍କୁ ନିମନ୍ତ୍ରଣ କରିଯିବ।
ରଣବୀର କପୁର 2017 ମସିହାରୁ ଗର୍ଲଫ୍ରେଣ୍ଡ ଆଲିଆଙ୍କୁ ଡେଟ୍ କରୁଛନ୍ତି । ରଣବୀର ଏକ ସାକ୍ଷାତକାରରେ ମଧ୍ୟ କହିଥିଲେ ଯେ କରୋନା ଯୋଗୁଁ ବିବାହ କରିବାରେ ବିଳମ୍ବ ହୋଇଛି। ଆଲିଆ ଏବଂ ରଣବୀର ଚଳିତ ବର୍ଷ ସେପ୍ଟେମ୍ବର 9 ରେ ଅୟାନ ମୁଖାର୍ଜୀଙ୍କ ନିର୍ଦ୍ଦେଶିତ ଫିଲ୍ମ 'ବ୍ରହ୍ମାସ୍ତ୍ର'ରେ ନଜର ଆସିବେ। ଆଲିଆ ଏବଂ ରଣବୀର ଏହା ପ୍ରଥମ ଚଳଚ୍ଚିତ୍ର ହେବ, ଯେଉଁଥିରେ ଦୁହେଁ ଏକାଠି ନଜର ଆସିବେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
