ହାଇଦ୍ରାବାଦ: ୬୯ତମ ଜାତୀୟ ପୁରସ୍କାର ପାଇଁ ବଲିଉଡ ଅଭିନେତ୍ରୀ ଆଲିଆ ଭଟ୍ଟ ନୂଆ ଦିଲ୍ଲୀ ଅଭିମୁଖେ ଯାତ୍ରା କରିଛନ୍ତି । ଫିଲ୍ମ ଗଙ୍ଗୁବାଇ କାଠିଆୱାଡ଼ି ପାଇଁ ସେ ଶ୍ରେଷ୍ଠ ଅଭିନେତ୍ରୀ ଭାବେ ମନୋନୀତ ହୋଇଛନ୍ତି । ତେବେ ଏହି ସମୟରେ ତାଙ୍କ ସହ ସ୍ବାମୀ ତଥା ଅଭିନେତା ରଣବୀର କପୁରଙ୍କୁ ଦେଖିବାକୁ ମିଳିଛି । ଦିଲ୍ଲୀ ଅଭିମୁଖେ ଯାତ୍ରା କରୁଥିବା ବେଳେ ଏହି ଦମ୍ପତି ବିମାନବନ୍ଦରରେ ନଜର ଆସିଛନ୍ତି ।
ମଙ୍ଗଳବାର ଅର୍ଥାତ୍ ଆଜି ସକାଳ ସମୟରେ ଆଲିଆ ଭଟ୍ଟ ଏବଂ ରଣବୀର କପୁରଙ୍କୁ ମୁମ୍ବାଇ ଏୟାରପୋର୍ଟରେ ଦେଖିବାକୁ ମିଳିଛି । ଏକ ପାପାରାଜିଙ୍କ ଦ୍ବାରା ସେୟାର ହୋଇଥିବା ଇନ୍ଷ୍ଟାଗ୍ରାମ୍ ଆକାଉଣ୍ଟରେ ଆଲିଆ ବିମାନବନ୍ଦରରେ ପହଞ୍ଚିବା ପରେ କାରରୁ ବାହାରୁଥିବାର ଦେଖିବାକୁ ମିଳିଛି । ଏହି ସମୟରେ ଆଲିଆ ହ୍ବାଇଟ୍ ସାଲୱାର ସୁଟ୍ରେ ନଜର ଆସିଛନ୍ତି । ଅନ୍ୟପଟେ ରଣବୀର ବ୍ଲାକ୍ ଆଉଟ୍ଫିଟ୍ରେ ନଜର ଆସିଛନ୍ତି । ପରେ ଉଭୟ ପ୍ୟାପ୍ଙ୍କ ପାଇଁ ପୋଜ୍ ଦେଇଥିବା ନଜର ଆସିଛନ୍ତି ।
ସୂଚନା ଥାଉ କି, ଗତକାଲ ସାଉଥ ଅଭିନେତା ଅଲ୍ଲୁ ଅର୍ଜୁନ, ଫିଲ୍ମ ନିର୍ମାତା ଏସ୍ଏସ୍ ରାଜାମୌଲି ଏବଂ ସଙ୍ଗୀତ ରଚୟିତା ଏମ୍ ଏମ କେରେଭାନି ଦିଲ୍ଲୀରେ ପହଞ୍ଚିଛନ୍ତି । ତେବେ ଆଜି ଆଲିଆ ଦିଲ୍ଲୀ ଅଭିମୁଖେ ବାହାରିଥିବା ବେଳେ ଏହି 69 ତମ ଜାତୀୟ ଚଳଚ୍ଚିତ୍ର ପୁରସ୍କାର କାର୍ଯ୍ୟକ୍ରମରେ ଅନ୍ୟ ବିଜେତାମାନେ ବି ଯୋଗଦେବେ । ଏହି କାର୍ଯ୍ୟକ୍ରମ ଅକ୍ଟୋବର 17, 2023ରେ ନୂଆଦିଲ୍ଲୀର ବିଜ୍ଞାନ୍ ଭବନରେ ଆୟୋଜିତ ହେବ । ଏବଂ ସମସ୍ତ ବିଜେତାଙ୍କୁ ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କ ଦ୍ୱାରା ସମ୍ମାନିତ ହେବେ । ସୂଚନା ଏବଂ ପ୍ରସାରଣ ମନ୍ତ୍ରଣାଳୟ ଏକ ସାମ୍ବାଦିକ ସମ୍ମିଳନୀରେ 24 ଅଗଷ୍ଟ 2023ରେ 69ତମ ଜାତୀୟ ଚଳଚ୍ଚିତ୍ର ପୁରସ୍କାର ବିଜେତା ଘୋଷଣା ହୋଇଥିଲା । ଫିଲ୍ମ ପୁଷ୍ପା ପାଇଁ ଶ୍ରେଷ୍ଠ ଅଭିନେତା ଭାବେ ଅଲ୍ଲୁ ଅର୍ଜୁନଙ୍କ ନାଁ ମନୋନୀତ ହୋଇଥିଲା ।
ଏହା ମଧ୍ୟ ପଢନ୍ତୁ: ସ୍ତ୍ରୀଙ୍କ ସହ ଦିଲ୍ଲୀ ଅଭିମୁଖେ ଅଲ୍ଲୁ ଅର୍ଜୁନ, ଏୟାରପୋର୍ଟରେ ସ୍ପଟ ହେଲେ ରାଜାମୌଲି
ଶ୍ରେଷ୍ଠ ଅଭିେନତ୍ରୀ ଭାବେ ଆଲିଆଙ୍କ ନାଁ ଘୋଷଣା ପରେ ସେ ଏନେଇ ଶୁଭେଚ୍ଛା ବାର୍ତ୍ତା ଦେଇଥିଲେ । ସେ ଇନ୍ଷ୍ଟାଗ୍ରାମରେ ଗଙ୍ଗୁ ଷ୍ଟାଇଲ୍ରେ ନିଜର ଏକ ଫଟୋ ସହ ଏକ ନୋଟ୍ ସେୟାର କରିଥିଲେ । ସେ ଲେଖିଥିଲେ, "ସଞ୍ଜୟ ସାର୍ଙ୍କୁ ଏବଂ ସମଗ୍ର ଟିମ୍କୁ, ମୋ ପରିବାରକୁ, ମୋ ଟିମ୍କୁ ଏବଂ ଶେଷରେ ମୋର ଦର୍ଶକଙ୍କ ପାଇଁ ବହୁତ ଭଲପାଇବା । ଏହି ଜାତୀୟ ପୁରସ୍କାର ଆପଣଙ୍କର ଅଟେ । କାରଣ ଆପଣଙ୍କ ବିନା ଏହା ସମ୍ଭବପର ନୁହେଁ । ମୁଁ ଆପଣଙ୍କ ପାଖରେ ବହୁତ କୃତଜ୍ଞ । ମୁଁ ଏପରି ମୂହୁର୍ତ୍ତକୁ ହାଲୁକା ଭାବେ ଗ୍ରହଣ କରୁନାହିଁ । ମୁଁ ଆଶା କରେ ମୁଁ ଦୀର୍ଘ ସମୟ ପର୍ଯ୍ୟନ୍ତ ଆପଣଙ୍କ ଏପରି ମନୋରଞ୍ଜନ କରିବି ।"
