ହାଇଦ୍ରାବାଦ: ବଲିଉଡ ଅଭିନେତା ଅକ୍ଷୟ କୁମାର ଅଭିନୟ ବ୍ୟତୀତ ନିଜର ଫିଟନେସ ଏବଂ ସମାୟାନୁବର୍ତ୍ତିତା ପାଇଁ ବେଶ୍ ଜଣାଶୁଣା । ବର୍ତ୍ତମାନ ଅଭିନେତା ନିଜ ଆଗାମୀ ଫିଲ୍ମ ଗୁଡିକୁ ନେଇ ଶିରୋନାମାରେ ରହିଛନ୍ତି । ଏହାରି ମଧ୍ୟରେ ଅଭିନେତାଙ୍କ ଏକ ଭିଡିଓ ସାମ୍ନାକୁ ଆସିଛି । ଯେଉଁଥିରେ ଅକ୍ଷୟ କୁମାର ମୁମ୍ବାଇ ମେଟ୍ରୋରେ ଯାତ୍ରା କରୁଥିବା ନଜର ଆସିଛନ୍ତି । ଖିଲାଡି କୁମାରଙ୍କ ଏହି ଯାତ୍ରାର ଭିଡିଓ ଏବେ ସୋସିଆଲ ମିଡିଆରେ ବେଶ୍ ଭାଇରାଲ ହେବାରେ ଲାଗିଛି ।
ଅକ୍ଷୟ କୁମାରଙ୍କ ଜଣେ ଫ୍ୟାନ୍ ଅଭିନେତାଙ୍କ ମେଟ୍ରୋ ଟ୍ରେନ ଯାତ୍ରାର ଭିଡିଓ ଏକ୍ସରେ ସେୟାର କରିଛନ୍ତି । ଭିଡିଓରେ ଅକ୍ଷୟ ବ୍ଲାକ୍ ଆଉଟଫିଟ୍ ନଜର ଆସିଥିବା ବେଳେ ବ୍ଲାକ କ୍ୟାପ ଏବଂ ହ୍ବାଇଟ ମାସ୍କରେ ମୁହଁ ଲୁଚାଇଥିବାର ଦେଖିବାକୁ ମିଳିଛି । ଏହି ସମୟରେ ମେଟ୍ରୋରେ ଉପସ୍ଥିତ ଲୋକେ ମଧ୍ୟ ତାଙ୍କୁ ଚିହ୍ନିପାରିନଥିଲେ । ତେବେ ଏହି ସମୟରେ ସେ ଏକୁଟିଆ ମେଟ୍ରୋ ଯାତ୍ରା କରୁ ନଥିଲେ । ତାଙ୍କ ସହ ନିର୍ମାତା ଦୀନେଶ ଭାଇଜାନ ମଧ୍ୟ ଯାତ୍ରା କରିଥିଲେ । ଉଭୟ ମେଟ୍ରୋରେ ଏକାଠି ବସି କଥାବାର୍ତ୍ତା କରୁଥିବାର ଦେଖିବାକୁ ମିଳିଛି । କେହି ଜଣେ ଫ୍ୟାନ ଲୁଚି ଏହି ଭିଡିଓ ନିଜ କ୍ୟାମେରାରେ କଏଦ କରିଥିବା ବେଳେ ଏବେ ଏହା ଖୁବ ଭାଇରାଲ ହେଉଛି । ଏଥିସହ ନିର୍ମାତା ଦୀନେଶଙ୍କ ସହ ଅକ୍ଷୟଙ୍କୁ ଦେଖି ମଧ୍ୟ ଉଭୟ ଆଗାମୀ ଫିଲ୍ମରେ ଏକାଠି କାମ କରିବେ ବୋଲି ମଧ୍ୟ ଚର୍ଚ୍ଚା ଜୋର ଧରିଛି ।
ସୂଚନା ଥାଉ କି, ଏହା ପ୍ରଥମ ଥର ନୁହେଁ, ଅକ୍ଷୟ କୁମାର ପୂର୍ବରୁ ମଧ୍ୟ ମେଟ୍ରୋର ଯାତ୍ରା କରୁଥିବା ଦେଖିବାକୁ ମିଳିଥିଲା । ଗତବର୍ଷ (୨୦୨୩) ଫେବୃଆରୀରେ ସେ ଅଭିନେତା ଇମ୍ରାନ ହାଶମୀଙ୍କ ସହ ମେଟ୍ରୋରେ ଯାତ୍ରା କରିଥିଲେ । ଏହି ସମୟରେ ସେ ତାଙ୍କ ଫିଲ୍ମ 'ସେଲଫି'ର ପ୍ରମୋସନ କରିବା ପାଇଁ ଏଥିରେ ଯାତ୍ରା କରୁଥିବାର ଦେଖିବାକୁ ମିଳିଥିଲା । ଉଭୟ ତାରକା ଏହି ସମୟରେ କଡା ସୁରକ୍ଷା ମଧ୍ୟରେ ମୁମ୍ବାଇ ମେଟ୍ରୋ ଷ୍ଟେସନରେ ପହଞ୍ଚିଥିଲେ । ଯାହାର ଭିଡିଓ ମଧ୍ୟ ବେଶ ଭାଇରାଲ ହୋଇଥିଲା ।
ଏହା ମଧ୍ୟ ପଢନ୍ତୁ: ମେଟ୍ରୋରେ ସୁଟିଂସେଟକୁ ଗଲେ ଅକ୍ଷୟ, ଭାଇରାଲ ଭିଡିଓ
ୱାର୍କପ୍ରଣ୍ଟ କଥା କହିବାକୁ ଗଲେ, ଅକ୍ଷୟ କୁମାରଙ୍କୁ ଅଲି ଅବ୍ବାସ ଜାଫରଙ୍କ 'ବଡେ ମିୟାଁ ଛୋଟେ ମିୟାଁ'ରେ ଦେଖିବାକୁ ମିଳିବ । ଯାହା ଏପ୍ରିଲରେ ଇହ ଅବସରରେ ମୁକ୍ତିଲାଭ କରିବ । ଏହି ଫିଲ୍ମରେ ସେ ଟାଇଗର ଶ୍ରଫ୍ ନଜର ଆସିବେ । ଏଥିସହ ଅକ୍ଷୟ ପରବର୍ତ୍ତୀ ସମୟରେ ରୋହିତ ଶେଟ୍ଟୀଙ୍କ 'ସିଙ୍ଘମ ଏଗେନ'ରେ ନଜର ଆସିବେ । ଏହି ଫିଲ୍ମରେ ମଲ୍ଟି ଷ୍ଟାର ନଜର ଆସିବେ । ଏଥିରେ ଅଜୟ ଦେବଗନ, ରଣଭୀର ସିଂ, ଦୀପିକା ପାଦୁକୋନ, କରୀନା କପୁର, ଟାଇଗର ଶ୍ରଫଙ୍କୁ ଦେଖିବାକୁ ମିଳିବ । ଏହା ବ୍ୟତୀତ ହାଉସଫୁଲ 5 ଫିଲ୍ମ ବର୍ତ୍ତମାନ 6 ଜୁନ୍ 2025ରେ ମୁକ୍ତିଲାଭ କରିବ । ସାଜିଦ ନାଦିଆଡୱାଲାଙ୍କ ଦ୍ୱାରା ହାଉସଫୁଲ୍ ୫ ନିର୍ମିତ ହେଉଥିବା ବେଳେ ତରୁଣ ମନସୁଖାନି ଏହି ଚଳଚ୍ଚିତ୍ରର ନିର୍ଦ୍ଦେଶନା ଦେବେ ।
