ହାଇଦ୍ରାବାଦ: 68 ତମ ଜାତୀୟ ଚଳଚ୍ଚିତ୍ର ପୁରସ୍କାର (68th National Film Awards)ରେ ବଲିଉଡ ଅଭିନେତା ଅଜୟ ଦେବଗନ ଏବଂ ଦକ୍ଷିଣ ଅଭିନେତା ସୁରିଆଙ୍କୁ ମିଳିତ ଭାବେ ଶ୍ରେଷ୍ଠ ଅଭିନେତା ସମ୍ମାନ ପ୍ରଦାନ କରାଯାଇଥିଲା। ଅଜୟ ଫିଲ୍ମ 'ତାନାଜୀ: ଦ ଅନ୍ସଙ୍ଗ ୱାରିଅର୍' (2020) ପାଇଁ ଏହା ପାଇଥିଲେ । ଅଜୟ ଦେବଗନ୍ ତୃତୀୟ ଥର ପାଇଁ ଜାତୀୟ ପୁରସ୍କାର ହାସଲ କରିଛନ୍ତି। ଏହା ପୂର୍ବରୁ ମଧ୍ୟ ସେ 2000 ଏବଂ 2003 ମସିହାରେ ଏହି ସମ୍ମାନ ପାଇଛନ୍ତି । ଅଜୟ ନିଜେ ସୋସିଆଲ ମିଡିଆରେ ଏହାର ଝଲକ ସେୟାର କରିଛନ୍ତି। ଜାତୀୟ ପୁରସ୍କାର ପାଇବା ପରେ ଅଜୟ ଏକ ଭାବପ୍ରବଣ ପୋଷ୍ଟ ସେୟାର କରିଛନ୍ତି।
- " class="align-text-top noRightClick twitterSection" data="
">
ଅଜୟଙ୍କ ଭାବପ୍ରବଣ ପୋଷ୍ଟ
ଅଜୟ ତାଙ୍କ ଇନଷ୍ଟାଗ୍ରାମ ଆକାଉଣ୍ଟରେ ଏକ ଭିଡିଓ ସେୟାର କରି କ୍ୟାପସନରେ ଲେଖିଛନ୍ତି, "ବିଜୟ କିମ୍ବା ଆଶୀର୍ବାଦର କୌଣସି ଗଣନା ନାହିଁ, କେବଳ ଏଥିପାଇଁ କୃତଜ୍ଞତା ଅନୁଭବ କରୁଛି, ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଉଛି ଆପଣଙ୍କ ଭଲ ପାଇବା, ମୁଁ ଏହି ବିଜୟକୁ ଆପଣ ସମସ୍ତଙ୍କ ସହ ସେୟାର କରୁଛି। ଦେଶର ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କ ଠାରୁ ଏହି ପୁରସ୍କାର ପାଇ ନିଜକୁ ଧନ୍ୟ ମନେ କରୁଛି। "
- " class="align-text-top noRightClick twitterSection" data="
">
ଏଥି ସହିତ ସାଉଥ ଷ୍ଟାର ସୁରିଆ ମଧ୍ୟ ପୁରସ୍କାର ପାଇବା ପାଇଁ ଦିଲ୍ଲୀରେ ପହଞ୍ଚିଥିଲେ। ଫିଲ୍ମ 'ସୋରାରାଇ ପୋଟରୁ' ପାଇଁ ସୁରିଆଙ୍କୁ ଶ୍ରେଷ୍ଠ ଅଭିନେତା ଭାବରେ ଜାତୀୟ ପୁରସ୍କାର ପ୍ରଦାନ କରାଯାଇଛି। ଏହି ଅବସରରେ ଅଜୟ ଦେବଗନ୍ ଏବଂ ସୁରିଆଙ୍କ ମଧ୍ୟରେ ଅନେକ ବନ୍ଧୁତା ଦେଖିବାକୁ ମିଳିଥିଲା | ଅଜୟ ଦେବଗନ୍ ତାଙ୍କ ଇନଷ୍ଟାଗ୍ରାମ କାହାଣୀରେ ତାଙ୍କ ବିଷୟରେ ଉଲ୍ଲେଖ କରି ଲେଖିଛନ୍ତି, "ଏହା ଏକ ଅଦ୍ଭୁତ ସମୟ ଥିଲା ଯେତେବେଳେ ବହୁତ ଖାସ୍ ତଥା ଶ୍ରେଷ୍ଠ ଅଭିନେତା ବିଜେତା ସୁରିଆଙ୍କ ସହ ବିଶେଷ ମୁହୂର୍ତ୍ତକୁ ବିତାଇବାର ସୁଯୋଗ ପାଇଥିଲି, ମୁଁ ତାଙ୍କ ପ୍ରତିଭାକୁ ବହୁତ ସମ୍ମାନ କରେ, ମୁଁ ତାଙ୍କ ଚଳଚ୍ଚିତ୍ରକୁ ଭଲ ପାଏ ।"
ସ୍ମୃତି ସେୟାର କଲେ ଅଜୟ ଦେବଗନ
ଅଜୟ ସେୟାର କରିଥିବା ଭିଡିଓରେ ତାଙ୍କ ଫିଲ୍ମ 'ଜଖମ'ର ଏକ ଦୃଶ୍ୟ ରହିଛି। ଚଳଚ୍ଚିତ୍ର 'The Legend of Bhagat ' (2002) ଏବଂ ବର୍ତ୍ତମାନ 'Tanhaji' (2020) ଏହି ଚଳଚ୍ଚିତ୍ରରେ ଅନ୍ତର୍ଭୁକ୍ତ ହୋଇଛି । କହିବାକୁ ଗଲେ ଅଜୟ ଦେବଗନଙ୍କୁ ଏହି ତିନୋଟି ଚଳଚ୍ଚିତ୍ର ପାଇଁ ଶ୍ରେଷ୍ଠ ଅଭିନେତା ଭାବରେ ଜାତୀୟ ପୁରସ୍କାର ପ୍ରଦାନ କରାଯାଇଛି ।
ୱାର୍କ ଫ୍ରଣ୍ଟ ବିଷୟରେ କହିବା ତ, ଅଜୟ ଦେବଗନଙ୍କ 'ଦୃଶ୍ୟମ୍ 2' ଟିଜର ରିଲିଜ୍ ହୋଇଛି । ଏହି ଫିଲ୍ମ ଚଳିତ ବର୍ଷ ନଭେମ୍ବର 18 ରେ ରିଲିଜ ହେବାକୁ ଯାଉଛି। ଏହା ବ୍ୟତୀତ ଅଜୟଙ୍କ ଫିଲ୍ମ 'ଥ୍ୟାଙ୍କ ଗଡ୍' ଅକ୍ଟୋବର 24 ରେ ପ୍ରେକ୍ଷାଳୟରେ ମୁକ୍ତିଲାଭ କରିବ। ଅଜୟଙ୍କ ଆଗାମୀ ଚଳଚ୍ଚିତ୍ରଗୁଡ଼ିକ ହେଉଛି ଭୋଲା ଏବଂ ସିଂଘମ୍ 3 ।
