ହାଇଦ୍ରାବାଦ: ସନ୍ନି ଦେଓଲ ଏବଂ ଅମିଷା ପଟେଲଙ୍କ ଅଭିନୀତ ‘ଗଦର 2’ ଏବଂ ଅକ୍ଷୟ କୁମାର, ପଙ୍କଜ ତ୍ରିପାଠୀ ଏବଂ ୟାମି ଗୌତମଙ୍କ ଅଭିନୀତ ଚଳଚ୍ଚିତ୍ର ‘OMG 2’ ଭାରତୀୟ ବକ୍ସ ଅଫିସରେ ଧମାଲ ମଚାଉଛି । ଉଭୟ ଚଳଚ୍ଚିତ୍ରକୁ ଦର୍ଶକ ଖୁବ୍ ପସନ୍ଦ କରିଛନ୍ତି । ଅନ୍ୟପକ୍ଷରେ, ସନ୍ନି ଦେଓଲଙ୍କ ଫିଲ୍ମ ‘ଗଦର ୨’ ଓପନିଂ ଡେ’ରେ ଜବରଦସ୍ତ କଲେକ୍ସନ କରି ସମସ୍ତଙ୍କୁ ଆଶ୍ଚର୍ଯ୍ୟ କରିଛି । ଏଠାରେ ସଲମାନ ଖାନ ମଧ୍ୟ ଗଦର 2ର ଓପନିଂ ଡେ’ର କଲେକ୍ସନ ଦେଖି ଆଶ୍ଚର୍ଯ୍ୟ ହୋଇଯାଇଛନ୍ତି । ସଲମାନ ଖାନ ସୋସିଆଲ ମିଡିଆରେ ଏକ ପୋଷ୍ଟ ସେୟାର କରିିଥିଲେ ।
ସଲମାନ ଖାନ ଗଦର 2ର ପୋଷ୍ଟର ସେୟାର କରି ଲେଖିଥିଲେ, ‘ଢାଇ କିଲୋ କା ହାଥ ଚାଲିସ କରୋଡ କି ଓପନିଂ, ସନି ପାଜି ଇଜ୍ କିଲିଂ ଇଟ୍...’ ଏହା ସହିତ ସଲମାନ ଗଦର 2ର ସମସ୍ତ ଟିମ୍କୁ ଅଭିନନ୍ଦନ ଜଣାଇଛନ୍ତି । ଉଲ୍ଲେଖନୀୟ ଯେ, ଅନିଲ ଶର୍ମାଙ୍କ ନିର୍ଦ୍ଦେଶିତ ଫିଲ୍ମ ଗଦର ୨ ବକ୍ସ ଅଫିସରେ ବହୁତ ରୋଜଗାର କରିଛି । ପ୍ରଥମ ଦିନରେ, ଗଦର 2 ବିଷୟରେ କଳ୍ପନା କରାଯାଉଥିଲା ଯେ ଏହି ଫିଲ୍ମ 35 ରୁ 40 କୋଟି କଲେକ୍ସନ କରିବ, କିନ୍ତୁ ଗଦର 2 ପ୍ରଥମ ଦିନରେ 40 କୋଟିରୁ ଅଧିକ କଲେକ୍ସନ କରି ସମସ୍ତଙ୍କୁ ଆଶ୍ଚର୍ଯ୍ୟ କରିଥିଲା ।
ବଲିଉଡର ପଙ୍ଗା କୁଇନ୍ କଙ୍ଗନା ରଣାୱତ ମଧ୍ୟ ସଲମାନଙ୍କ ପୋଷ୍ଟ ସେୟାର କରି ଫିଲ୍ମ ଗଦର ୨ର ପ୍ରଶଂସା କରିଛନ୍ତି । କଙ୍ଗନା ଇନ୍ଷ୍ଟା ଷ୍ଟୋରୀରେ ସଲମାନଙ୍କ ପୋଷ୍ଟ ସେୟାର କରିଛନ୍ତି । ଏହି ଏଥିସହିତ କୁହାଯାଉଛି ଯେ ଯଦି ଗଦର ୨ ସହିତ ଅକ୍ଷୟ କୁମାରଙ୍କ OMG 2 ରିଲିଜ ହୋଇନଥାନ୍ତା ତେବେ ଫିଲ୍ମ ବକ୍ସ ଅଫିସରେ ବଡ ଇତିହାସ ସୃଷ୍ଟି କରିଥାନ୍ତା । କାରଣ OMG 2 ସହିତ ରିଲିଜ୍ ହେତୁ ଗଦର 2କୁ କମ୍ ସ୍କ୍ରିନ୍ ମିଳିଛି ଏବଂ ପ୍ରେକ୍ଷାଳୟରେ ଦର୍ଶକଙ୍କ ପାଇଁ ସିଟ୍ ମଧ୍ୟ କମ୍ ପଡିଗଲା । ସୂଚନାଯୋଗ୍ୟ ଯେ, ଅକ୍ଷୟ କୁମାରଙ୍କ ‘OMG 2’ 7 କୋଟି କଲେକ୍ସନ କରିଛି ।
ଏହା ମଧ୍ୟ ପଢନ୍ତୁ: OMG 2 Gadar 2 Box Office: ପରଦାରେ ସନ୍ନି ଦେଓଲ-ଅକ୍ଷୟ କୁମାରଙ୍କ ଲଢେଇ, କିଏ ମାରିବ ବାଜି ?
ଗଦର ୨ ସହ 22ବର୍ଷ ପରେ ସନ୍ନି ଦେଓଲ୍ ପୁଣି ଥରେ ବକ୍ସ ଅଫିସରେ ପାଦ ଦେଇଛନ୍ତି । 2001ରେ ରିଲିଜ ହୋଇଥିବା ଫିଲ୍ମ ଗଦର ଏକ ପ୍ରେମ କଥା ବ୍ଲକବ୍ଲଷ୍ଟର ଫିଲ୍ମ ଭାବେ ପ୍ରମାଣିତ ହୋଇଥିଲା । ଏଥିରେ ଅମୀଷା ପଟେଲ ଏବଂ ସନ୍ନିଙ୍କ ଯୋଡି ଅର୍ଥାତ ତାରା ସିଂ ଏବଂ ସାକିନାଙ୍କ ଲଭ କେମେଷ୍ଟ୍ରି ଦର୍ଶକ ବେଶ ପସନ୍ଦ କରିଥିଲେ । ତେବେ ପୁଣି ଥରେ ଏହି ଯୋଡି ଗଦର 2 ସହ ଏକାଠି ଧମାକା କରିଛନ୍ତି । ଫିଲ୍ମର ଆଡଭାନ୍ସ ବୁକିଂ ଦମଦାର ରହିଥିଲା । ଏହି ଫିଲ୍ମର ପ୍ରଥମ ଦିନର ପ୍ରଥମ ଶୋ' ପାଇଁ 2ଲକ୍ଷରୁ ଅଧିକ ଟିକେଟ ବିକ୍ରି ହୋଇଥିଲା । ଗଦର 2ରେ ସନ୍ନି ଦେଓଲ ଏବଂ ଅମୀଷା ପଟେଲଙ୍କ ବ୍ୟତୀତ ଗୌରବ ଚୋପ୍ରା, ଉତ୍କର୍ଷ ଶର୍ମା ଏବଂ ଲଭ୍ ସିହ୍ନା ନଜର ଆସିଛନ୍ତି ।
