ଜଗତସିଂହପୁର: ଜଗତସିଂହପୁର ଜିଲ୍ଲାରେ ପ୍ରଶାସନର ନିର୍ବାଚନ ପରିଚାଳନାକୁ ନେଇ ଦେଖାଦେଇଛି ଅସନ୍ତୋଷ । ପୋଲିଂ ପାର୍ଟି ପାନୀୟ ଜଳ ଓ ଖାଦ୍ୟ ଯୋଗାଣକୁ ନେଇ ଅସନ୍ତୋଷ ପ୍ରକାଶ କରିଥିବା ବେଳେ ଏବେ ଗାଡି ରିକ୍ୟୁଏସନ୍କୁ ନେଇ ଗାଡି ମାଲିକ ଓ ଡ୍ରାଇଭରଙ୍କ ମଧ୍ୟରେ ଅସନ୍ତୋଷ ଦେଖାଯାଇଛି।
ଭିଡିଓ ସୌଜନ୍ଯ: ସମ୍ବାଦଦାତା, ଜଗସିଂହପୁର
ଗାଡି ମାଲିକମାନଙ୍କ ଅଭିଯୋଗ ଅନୁଯାୟୀ, ଜିଲ୍ଲା ପରିବହନ ଅଧିକାରୀ ପୋଲିସ୍ ସହାୟତାରେ ୨ଦିନ ପୁର୍ବରୁ ଗାଡିଗୁଡିକୁ କଲେଜ ପଡିଆକୁ ଆଣି ରଖିବା ସହ ଡ୍ରାଇଭରଙ୍କ ଲାଇସେନସକୁ ନେଇଯାଇଥିଲେ। ଏଥିସହ ସେମାନେ ଦିର୍ଘ ୨ ଦିନ ହେବ ଅଖିଆ ଅପିଆରେ ପଡିଥିଲେ ମଧ୍ୟ କେହି ସୁଣୁ ନଥିବା ଅଭିଯୋଗ କରିଛନ୍ତି।
ଏହାଛଡା ଜିଲ୍ଲା ପରିବହନ ଅଧିକାରୀ କେତେକ ଘରୋଇ ପ୍ରେଟୋଲ ଗାଡିକୁ ଜୋର କରି ରିକ୍ୟୁଏସନ୍ କରିଥିବା ଆଭିଯୋଗ କରିଛନ୍ତି। ଏ ନେଇ ‘ଇଟିଭି ଭାରତ’ ପ୍ରତିନିଧି ଜିଲାପାଳ ଓ ଆରଟିଓଙ୍କୁ ଯୋଗାଯୋଗ କରିଥିଲେ ମଧ୍ୟ ଯୋଗାଯୋଗ ସମ୍ଭବ ହୋଇପାରି ନାହିଁ।
ଜଗତସିଂହପୁରରୁ ସୁଶାନ୍ତ ପାତ୍ର, ଇଟିଭି ଭାରତ
