ଯାଜପୁର: ବଡଚଣା ନିର୍ବାଚନ ମଣ୍ଡଳୀ ବିଜୁ ଜନତା ଦଳ ପକ୍ଷରୁ ଆଉ ଏକ ମିଶ୍ରଣ ପର୍ବ ଅନୁଷ୍ଠିତ ହୋଇଯାଇଛି । ବଡଚଣାରେ ମଧ୍ୟ ବିଜେଡି ପ୍ରାର୍ଥୀ ଅମର ପ୍ରସାଦ ଶତପଥୀଙ୍କ ଦ୍ବାରା ଅସନ୍ତୁଷ୍ଟଙ୍କୁ ଏକାଠି କରିବା ପ୍ରକ୍ରିୟା ଆରମ୍ଭ ହୋଇଯାଇଛି ।
ବଡଚଣାର ଅନ୍ୟତମ ଅସନ୍ତୁଷ୍ଟ ବିଜେଡି ନେତା ପହଲି ନନ୍ଦ ବିଧାୟକ ଅମର ପ୍ରସାଦ ଶତପଥୀଙ୍କ ନେତୃତ୍ବରେ ପୁନର୍ବାର ବିଜେଡିରେ ସାମିଲ ହୋଇଛନ୍ତି । ଚଣ୍ଡିଖୋଲସ୍ଥିତ ବଡଚଣା ବିଜେଡି କାର୍ଯ୍ୟାଳୟରେ ବିଧାୟକ ତଥା ସରକାରୀ ମୁଖ୍ୟ ସଚେତକ ଅମର ପ୍ରସାଦ ଶତପଥୀଙ୍କ ସମେତ ବହୁ ନେତା ଓ କର୍ମୀ ତାଙ୍କୁ ସ୍ବାଗତ ଜଣାଇଛନ୍ତି ।
ଭିଡିଓ ସୌଜନ୍ୟ: ସମ୍ବାଦଦାତା, ଯାଜପୁର
ଫଳରେ ବଡଚଣା ବିଜେଡି ସଂଗଠନ ଅଧିକ ମଜବୁତ ହେବ ବୋଲି ଅମର କହିଛନ୍ତି । ନିକଟରେ ଯୁବନେତା ଜନ୍ମେଜୟ ଲେଙ୍କା ମଧ୍ୟ ଅମରଙ୍କ ନେତୃତ୍ବରେ ବିଜେଡିରେ ସାମିଲ ହୋଇଥିଲେ। ଯଦ୍ବାରା ଧିରେ ଧିରେ ପୁଣି ବିଜେଡି ସଂଗଠନ ବଡଚଣାରେ ବିଜୟର ବାନା ଉଡାଇବ ବୋଲି ଆଶାବାଦୀ ଅଛନ୍ତି ଉଭୟ କର୍ମୀ ଓ ନେତା ।
ଯାଜପୁରରୁ ଜ୍ଞାନରଞ୍ଜନ ଓଝା, ଇଟିଭି ଭାରତ
