ଝାରସୁଗୁଡା: ପ୍ରଥମ ପର୍ଯ୍ୟାୟ ନିର୍ବାଚନ ସରିଥିବା ବେଳେ ଏବେ ଫୋକସରେ ଦ୍ଵିତୀୟ ପର୍ଯ୍ୟାୟ ନିର୍ବାଚନ। ତେବେ ଏହା ମଧ୍ୟରେ ବିଜେଡିର ଟାଣୁଆ ନେତା ତଥା ଝାରସୁଗୁଡା ବିଧାନସଭା ପ୍ରାର୍ଥୀ ନବ ଦାସ ଷ୍ଟାର ପ୍ରଚାରକଙ୍କୁ ମଇଦାନକୁ ଓହ୍ଲାଇଛି। ଝାରସୁଗୁଡ଼ା ବିଧାନସଭା ନିର୍ବାଚନ ମଣ୍ଡଳୀରେ ବିଜେଡ଼ି ପ୍ରାର୍ଥୀ ନବ କିଶୋର ଦାସ ଓ ବରଗଡ଼ ଲୋକସଭା ନିର୍ବାଚନ ମଣ୍ଡଳୀର ପ୍ରାର୍ଥୀ ପ୍ରସନ୍ନ ଆଚାର୍ଯ୍ୟଙ୍କ ପାଇଁ ଶୁକ୍ରବାର ବଲିଉଡ଼ର ଅଭିନେତା ସୁନୀଲ ସେଠୀ ଏବଂ ଅଭିନେତ୍ରୀ ମହିମା ଚୌଧୁରୀ ପ୍ରଚାର କରୁଛନ୍ତି ।
ଭିଡଓ ସୌଜନ୍ୟ: ପ୍ରତିନିଧି, ଝାରସୁଗୁଡ଼ା
ଏହି ବଲିଉଡ୍ ଷ୍ଟାରମାନେ ଏହି ନିର୍ବାଚନ ମଣ୍ଡଳୀ ଅନ୍ତର୍ଗତ କଟାପାଲି, ସହରର ବମ୍ବେ ଛକ ଓ ଝଣ୍ଡା ଛକରେ ଦୁଇ ପ୍ରାର୍ଥୀଙ୍କ ପାଇଁ ଭୋଟ ଭିକ୍ଷା କରିଛନ୍ତି । ଏଥିସହ ଝାରସୁଗୁଡା ସହରର ବିଭିନ୍ନ ସ୍ଥାନରେ ବଲିଉଡ ତାରକା ରୋଡ ଶୋ କରିଛନ୍ତି ।
ଝାରସୁଗୁଡାରୁ ରବି ନାରାୟଣ ସାହୁ, ଇଟିଭି ଭାରତ
