ବାଲେଶ୍ବର: ଚତୁର୍ଥ ପର୍ଯ୍ୟାୟରେ ବାଲେଶ୍ବରରେ ନିର୍ବାଚନ ହେବାକୁ ଥିବାବେଳେ ଜୋରସୋରରେ ଚାଲିଛି ପ୍ରଚାର । ବିଭିନ୍ନ ଦଳର ନେତୃବୃନ୍ଦ ଏଠାରେ ନିଜ ନିଜ ଦଳୀୟ ପ୍ରାର୍ଥୀଙ୍କୁ ଜିତାଇବା ଲାଗି ଅଣ୍ଟା ଭିଡିଛନ୍ତି ।
ବାଲେଶ୍ବର ଉପରେ ସମସ୍ତଙ୍କ ନଜର ଥିବାବେଳେ ଆଜି (ଗୁରୁବାର) ବିଜେପି ପାଇଁ ରୋଡ ଶୋ କରିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ପ୍ରଥମେ ଧର୍ମେନ୍ଦ୍ର ସିନେମା ଛକରେ ଥିବା ମହାତ୍ମା ଗାନ୍ଧୀଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣ କରି ପ୍ରଚାର ଆରମ୍ଭ କରିଥିଲେ ।
ପ୍ରଚାର ସମୟରେ ବାଲେଶ୍ୱରରେ ଥିବା ସମସ୍ତ ନିର୍ବାଚନ ମଣ୍ଡଳୀରେ ବିଜେପି ପ୍ରାର୍ଥୀଙ୍କ ସପକ୍ଷରେ ମତଦାନ କରିବା ପାଇଁ ନିବେଦନ କରିଥିଲେ । ତାଙ୍କ ସହ ବାଲେଶ୍ୱର ବିଜେପି ସାଂସଦ ପ୍ରାର୍ଥୀ ପ୍ରତାପ ଚନ୍ଦ୍ର ଷଡଙ୍ଗୀ ଓ ବିଧାୟକ ପ୍ରାର୍ଥୀ ମଦନ ମୋହନ ଦତ୍ତ ସାମିଲ ହୋଇଥିଲେ । ତେବେ ଏହି ପ୍ରଚାର ସିନେମା ଛକରୁ ଆରମ୍ଭ ହୋଇ ବାରବାଟୀରେ ଥିବା ସହିଦ ବାଘାଯତୀନଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣ କରି ଧର୍ମେନ୍ଦ୍ର ଶେଷ କରିଥିଲେ ।
ବାଲେଶ୍ବରରୁ ଜୀବନଜ୍ୟୋତି ନାୟକ, ଇଟିଭି ଭାରତ
