କେନ୍ଦ୍ରାପଡା: ଚାଲିଛି ଚତୁର୍ଥ ପର୍ଯ୍ୟାୟ ମତଦାନ । ଏହି ପର୍ଯ୍ୟାୟରେ ରାଜ୍ୟର 6ଟି ଲୋକସଭା ଏବଂ 41ଟି ବିଧାନସଭା ଆସନରେ ଭୋଟ ଦେଉଛନ୍ତି ଭୋଟର । ତେବେ କେନ୍ଦ୍ରାପଡା ଲୋକସଭା ନିର୍ବାଚନ ମଣ୍ଡଳୀର କଂଗ୍ରେସ ପ୍ରାର୍ଥୀ ଧରଣୀଧର ନାୟକ ମତାଧିକାର ସାବ୍ୟସ୍ତ କରିଛନ୍ତି । ଧରଣୀଧର କଂଗ୍ରେସ ଦଳର ସାଂସଦ ପ୍ରାର୍ଥୀ । ଆଜି ସକାଳ 9ଟାରେ ନିଜ ପତ୍ନୀଙ୍କ ସହ ଆସି ନିଜ ଗ୍ରାମ ରାଜକନିକା ବ୍ଲକ କଣ୍ଟାପଡା ସ୍ଥିତ କେଶବାନନ୍ଦ ବିଦ୍ୟାଳୟରେ ମତଦାନ କରିଥିଲେ ।
ଯେଉଁ ବୁଥରେ ସେ ମତଦାନ କରିଛନ୍ତି ପୂର୍ବରୁ ସେହି ସ୍କୁଲରେ ପାଠ ପଢିଥିବାରୁ ବେଶ ଖୁସି ଥିବା କହିଛନ୍ତି । ତେବେ ଚଳିତ ନିର୍ବାଚନରେ ଧରଣୀଧର ବିଜୟୀ ହେବା ନେଇ ଆଶା ବ୍ୟକ୍ତ କରିଥିବା ବେଳେ ଏଥର ମାଟିପୁଅକୁ ହିଁ ସମର୍ଥନ ମିଳିବ ବୋଲି କହିଛନ୍ତି । କଂଗ୍ରେସ ପ୍ରତି ଲୋକଙ୍କ ସମର୍ଥନ ରହିଛି । ଯାହା ସେମାନେ ନିଜ ମତଦାନରେ ସ୍ପଷ୍ଟ କରିବେ । ତେବେ ଆଇନଜୀବୀରୁ ରାଜନୀତିରେ କ୍ଷେତ୍ରରେ ଧରଣୀଧର କେତେ ସଫଳ ହେବେ ତାହା ଫଳାଫଳ ବାହାରିବା ପରେ ଜଣାପଡିବ ।
କେନ୍ଦ୍ରାପଡାରୁ ରାଧାକାନ୍ତ ମହାନ୍ତି, ଇଟିଭି ଭାରତ
