ଫୁଲବାଣୀ: ସରିଛି ନିର୍ବାଚନ, ବାହାରି ସାରିଛି ଫଳ । ଏବେ ବିଜୟୀ ପ୍ରାର୍ଥୀ ବିଜୟ ଉତ୍ସବ ପାଳନ କରୁଥିବା ବେଳେ ପରାଜିତ ପ୍ରାର୍ଥୀ ନିଜ ଭୁଲ ଖୋଜୁଛନ୍ତି । ସେହି କ୍ରମରେ କନ୍ଧମାଳ ଲୋକସଭା ଆସନ ଅନ୍ତର୍ଗତ ସମସ୍ତ ବିଧାନସଭା ଓ ଲୋକସଭାକୁ ବିଜେଡି ଅକ୍ତିଆର କରିନେଇଛି । ଏହାସହ ଦୀର୍ଘ ପନ୍ଦର ବର୍ଷ ପରେ ବିଜେଡି ଘୁ. ଉଦୟଗିରି ବିଧାନସଭା ଆସନ ମଧ୍ୟ ଦଖଲ କରିଛି ।
2008 ଦଙ୍ଗା ପରବର୍ତ୍ତୀ ନିର୍ବାଚନ ପରେ ବାଲିଗୁଡା ଓ ଘୁ.ଉଦୟଗିରି ବିଧାନସଭା ଆସନକୁ ଅକ୍ତିକାର କରିଥିଲା ବିଜେପି। ତେବେ 2014ରେ କଂଗ୍ରେସ ହାତକୁ ଯାଇଥିଲା ଘୁ.ଉଦୟଗିରି ଆସନ । କନ୍ଧମାଳ ଏକ ପ୍ରକାର ବିଜେପି ଓ କଂଗ୍ରେସର ଗଡ ହୋଇ ରହିଥିଲା ।
କିନ୍ତୁ ଚଳିତ ନିର୍ବାଚନରେ ବିଜେପି, କଂଗ୍ରେସ ଗଡ ଭାଙ୍ଗି ବିଜେଡି ଏଠି ଉଡାଇଛି ସବୁଜ ବାନା । ଲୋକସଭା ଆସନ ସହ ସମସ୍ତ 7ଟି ବିଧାନସଭା ଆସନକୁ ନିଜ ଦଖଲକୁ ନେଇଛି ବିଜେଡି ।
କନ୍ଧମାଳରୁ ସଦାଶିବ ପାତ୍ର, ଇଟିଭି ଭାରତ
