କେନ୍ଦ୍ରାପଡା: କଂଗ୍ରେସ ରାଜନଗର ବିଧାୟକ ପ୍ରାର୍ଥୀଙ୍କ ନାମରେ ଗୁରୁତର ଅଭିଯୋଗ ଆଣିଛନ୍ତି ବିଜେଡି ବିଧାୟକ ପ୍ରାର୍ଥୀ ଧୃବ ସାହୁ । ପ୍ରାର୍ଥୀପତ୍ର ନାକଚ ପାଇଁ ନିର୍ବାଚନ କମିଶନଙ୍କ ଦୃଷ୍ଟି ଆକର୍ଷଣ କରିଛନ୍ତି ହୋଇଛନ୍ତି ଧୃବ । ପ୍ରାର୍ଥୀ ପତ୍ରରେ ତଥ୍ୟ ଲୁଚାଇଥିବା ଭଳି ସାଙ୍ଘାତିକ ଅଭିଯୋଗ ଆଣିଛନ୍ତି ଧୃବ ।
ଏଠାରେ ସୂଚନାଯୋଗ୍ୟ ଯେ ରାଜନଗରର ବିଜେଡି ବିଧାୟକ ପ୍ରାର୍ଥୀ ଧୃବ ସାହୁ ରାଜନଗର କଂଗ୍ରେସ ବିଧାୟକ ପ୍ରାର୍ଥୀ ଅଂଶୁମାନ ମହାନ୍ତିଙ୍କ ନାମରେ ପ୍ରାର୍ଥୀ ପତ୍ରରେ ତଥ୍ୟ ଲୁଚାଇଥିବା ଅଭିଯୋଗ ଆଣିଛନ୍ତି । ଧୃବ କହିଛନ୍ତି ଯେ ଗତ ୨୦୧୮ ମସିହା ସେପ୍ଟେମ୍ବର 4ତାରିଖରେ ଅଂଶୁମାନଙ୍କ ନାମରେ ସର୍ବେଶ୍ବର ସାମଲ ରାଜନଗର ଥାନାରେ ଏକ ଲିଖିତ ଅଭିଯୋଗ କରିଥିଲେ । ଏହି ଅଭିଯୋଗକୁ ଅଧାର କରି ରାଜନଗର ପୋଲିସ ଅଂଶୁମାନଙ୍କ ନାମରେ ଏକ ମାମଲା ରୁଜୁ କରିଥିଲା । ତାଙ୍କ ବିରୋଧରେ ଭାରତୀୟ ପିଙ୍ଗଳ କୋର୍ଟ ଦଫା ୩୪୧,୩୨୩,୨୯୪,୫୦୬,୩୫୪(ସି),୧୦୯,୩୪ ସହ ସୂଚନା ଓ ପ୍ରଯୁକ୍ତି ବିଦ୍ୟା ଆକ୍ଟ ୨୦୦୦ ମସିହା ୬୬(ଇ) ଭଳି ସଙ୍ଗୀନ ଦଫାରେ କେସ ଚାଲୁ ରହିଛି । ମାତ୍ର ଅଂଶୁମାନ ଦାଖଲ କରିଥିବା ନୋଟାରୀ ଆଫିଡେଭିଟ ଫର୍ମରେ ୨୬ ସେକ୍ସନ ରୁଲ ୪(ଏ)ରେ ଏଗୁଡିକ ଉଲ୍ଲେଖ କରିନଥିବା ରିଟର୍ଣ୍ଣିଂ ଅଫିସର ଅତିରିକ୍ତ ଜିଲ୍ଲାପାଳ ବସନ୍ତ ରାଉତଙ୍କ ନିକଟରେ ଅଭିଯୋଗ କରିଛନ୍ତି ଧୃବ ।
ଏହାସହ ଅଂଶୁମାନଙ୍କ ପ୍ରାର୍ଥୀ ପତ୍ରକୁ ନାକଚ କରିବା ପାଇଁ ମଧ୍ୟ ଅଭିଯୋଗ କରିଛନ୍ତି । ଯଦି ରିଟର୍ଣ୍ଣିଂ ଅଫିସର ଏହି ଅଭିଯୋଗକୁ ଗମ୍ଭୀରତାର ସହ ବିଚାର ନକରନ୍ତି, ତେବେ ଏହି ମାମଲାକୁ ନେଇ ବିଜେଡି ସାଧାରଣ ଲୋକଙ୍କ ପାଖକୁ ଯିବ ବୋଲି ଅଶୁଂମାନ କହିଛନ୍ତି । ତତ୍ସହିତ କୋର୍ଟ ଅଫ 'ଲ' ଆଶ୍ରୟ ନେବ ବୋଲି କହିଛନ୍ତି ଧୃବ ସାହୁ । ଅଭିଯୋଗ ପାଇବା ପରେ ଅତିରିକ୍ତ ଜିଲ୍ଲାପାଳ ବସନ୍ତ ରାଉତ ଏହି ଘଟଣାରେ କୌଣସି ଭୂମିକା ନାହିଁ ବୋଲି କହିଛନ୍ତି ରିଟର୍ଣ୍ଣିଂ ଅଫିସର ।
କେନ୍ଦ୍ରାପଡାରୁ ରାଧାକାନ୍ତ ମହାନ୍ତି, ଇଟିଭି ଭାରତ
