ଫୁଲବାଣୀ: ସରକାରୀ ଚାକିରୀରୁ ଅବସର ନେବା ପରେ ରାଜନୀତିରେ ଯୋଗଦେଇଥିଲେ କିଶୋର କହଁର । କନ୍ଧମାଳ ଚକାପାଦ ବ୍ଲକ କୁସୁମେଣ୍ଡି ପଞ୍ଚାୟତରେ ସରପଞ୍ଚରୁ ଏବେ ଫୁଲବାଣୀ କଂଗ୍ରେସ ଆସନରୁ ବିଧାନସଭା ପ୍ରାର୍ଥୀ ହୋଇଛନ୍ତି କିଶୋର ।
ଭିଡିଓ ସୌଜନ୍ୟ: ସମ୍ବାଦଦାତା, କନ୍ଧମାଳ
ଆମ ସ୍ବତନ୍ତ୍ର କାର୍ଯ୍ୟକ୍ରମ 'ପାଞ୍ଚୋଟି ପ୍ରଶ୍ନ ନେତା'ଙ୍କୁରେ ଅତିଥି ହୋଇ ଆମ ସମସ୍ତ ପ୍ରଶ୍ନର ଉତ୍ତର ରଖିଛନ୍ତି କଂଗ୍ରେସ ପ୍ରାର୍ଥୀ କିଶୋର କହଁର । ତେବେ ଜିଲ୍ଲାରେ ଅବହେଳିତ ହୋଇ ରହିଥିବା ଶିକ୍ଷା ଓ ସ୍ବାସ୍ଥ୍ୟରେ ଉନ୍ନତି ହିଁ ମୋର ପ୍ରାଥମିକତା ବୋଲି କହିଛନ୍ତି କିଶୋର ।
ଦାଦନଙ୍କୁ ରୋଜଗାର ଓ ବାହାର ରାଜ୍ୟରୁ ନିଜ ରାଜ୍ୟକୁ ଫେରାଇ ଆଣିବା, ଶିକ୍ଷା ଓ ସ୍ବାସ୍ଥ୍ୟର ବିକାଶ ମୋର ଚଳିତ ନିର୍ବାଚନୀ ସ୍ଲୋଗାନ ରହିଥିବା ସେ କହିଛନ୍ତି । ତେବେ ବିଧାୟକ ପାଣ୍ଠିର ସୁବିନିଯୋଗ କରିବି ବୋଲି କହିଛନ୍ତି କଂଗ୍ରେସ ପ୍ରାର୍ଥୀ ।
କନ୍ଧମାଳରୁ ସଦାଶିବ ପାତ୍ର, ଇଟିଭି ଭାରତ
