ବ୍ରହ୍ମପୁର: ନିର୍ବାଚନକୁ ନେଇ ନେତାଙ୍କୁ, ସତ୍ତାକୁ ପ୍ରଶ୍ମ ପଚାରିବା ସମସ୍ତଙ୍କ ଅଧିକାର । ଏହି କ୍ରମରେ ଇଟିଭି ଭାରତ 'ପାଞ୍ଚଟି ପ୍ରଶ୍ନ ନେତାଙ୍କୁ' କାର୍ଯ୍ୟକ୍ରମରେ ରଣାଙ୍ଗନକୁ ଓହ୍ଲାଇଥିବା ପ୍ରାର୍ଥୀଙ୍କୁ ପ୍ରଶ୍ନ ପଚାରି ସେମାନଙ୍କ ମତ ମନ୍ତବ୍ୟକୁ ଲୋକମାନଙ୍କ ପାଖରେ ପହଞ୍ଚାଇବା ପାଇଁ ପ୍ରୟାସ ଜାରି ରଖିଛି । ଏହି କ୍ରମରେ ଗୋପାଳପୁର ବିଧାନସଭା ନିର୍ବାଚନୀ ମଣ୍ଡଳୀର ବିଜେପି ପ୍ରାର୍ଥୀ ବିଭୂତି ଜେନା ନିର୍ବାଚନ ଜିତିବା ପାଇଁ ଗୋପାଳପୁରର ଚୌକିଦାର ହେବା କଥା କହିଛନ୍ତି ।
ରାଜ୍ୟ ସରକାର ବଦଳିବା ଦରକାର, ଏଥର ବଦଳିବ ଗୋପାଳପୁର ନାରାକୁ ମନ୍ତ୍ର କରି ନିର୍ବାଚନରେ ଭୋଟରଙ୍କ ମନ ଜିଣିବା କଥା କହିଛନ୍ତି । ମୁଁ ନୁହେଁ, ଆମେ ଲଢିବା କଥା କହି ଅଞ୍ଚଳର ସର୍ବାଙ୍ଗୀନ ଉନ୍ନତି ପାଇଁ ଲଢେଇ କରିବା କଥା ସେ କହିଛନ୍ତି ।
ଅଧିକ ପଢନ୍ତୁ: ‘ନିଜ ଦୁର୍ବଳତାକୁ କେନ୍ଦ୍ର ସରକାରଙ୍କ ଅଣଦେଖା କହୁଛନ୍ତି ନବୀନ’
ଏଠାରେ ସୂଚନା ଯୋଗ୍ୟ ଯେ ଗୋପାଳପୁର ଆସନରୁ ବିଜେଡି ଦଳରୁ ସ୍ଥାନୀୟ ବିଧାୟକ ତଥା ପୂର୍ବତନ ମନ୍ତ୍ରୀ ପ୍ରଦୀପ ପାଣିଗ୍ରାହୀ , କ୍ଂଗ୍ରେସ ଦଳରୁ ଏସ୍.ଧର୍ମରାଜୁ ରେଡି, ବିଜେପିର ବିଭୂତି ଜେନାଙ୍କ ସମେତ ସ୍ବାଧୀନ ପ୍ରାର୍ଥୀଙ୍କୁ ମିଶାଇ ମୋଟ ୭ ଜଣ ପ୍ରାର୍ଥୀ ନିର୍ବାଚନ ମୈଦାନକୁ ଓଲ୍ଲାଇଛନ୍ତି ।
ବ୍ରହ୍ମପୁରରୁ ସମୀର ଆଚାର୍ଯ୍ୟ, ଇଟିଭି ଭାରତ
