ନୂଆଦିଲ୍ଲୀ: ଅଭିନେତାରୁ ନେତା ହୋଇଥିବା ପ୍ରକାଶ ରାଜ ଆମ ଆଦମୀ ପାର୍ଟି ପାଇଁ ପ୍ରଚାର କରିବେ ବୋଲି ଶନିବାର ଘୋଷଣା କରିଛନ୍ତି ।
ଅନ୍ୟ ଦଳ ତୁଳନାରେ କେଜ୍ରିଓ୍ବାଲଙ୍କ ପାର୍ଟି ପରିବର୍ତ୍ତନ ପାଇଁ ଅଧିକ ଲଢେଇ କରୁଥିବାରୁ ପ୍ରକାଶ ରାଜ ଏଭଳି ଦଳ ଓ ଦଳର ପ୍ରାର୍ଥୀଙ୍କୁ ସମର୍ଥନ କରିବେ ବୋଲି ଦିଲ୍ଲୀରେ ଏକ ସାମ୍ବାଦିକ ସମ୍ମିଳନୀରେ କହିଛନ୍ତି ।
ବେଙ୍ଗାଲୁରୁରୁ ନିର୍ଦଳୀୟ ପ୍ରାର୍ଥୀ ଭାବେ ନିର୍ବାଚନ ଲଢୁଥିବା ପ୍ରକଶ ନିଜକୁ ଆମ ଆମ ଆଦମୀ କହିଥିବା ବେଳେ ଆପର ବିଚାରଧାରା ଓ କାର୍ଯ୍ୟ ଦେଖି ଦଳକୁ ସମର୍ଥନ କରିଥିବା ନେଇ କହିଛନ୍ତି ।
ପ୍ରକାଶ ଗୋଟିଏ ସପ୍ତାହ ଆପ ସମର୍ଥନରେ ପ୍ରଚାର କରିବା ସହ ଦଳର ପ୍ରାର୍ଥୀ ଦିଲୀପ ପାଣ୍ଡେଙ୍କ ପାଇଁ ଦିଲ୍ଲୀର ଉତ୍ତର-ପୂର୍ବ ଲୋକସଭା ଆସନରୁ ପ୍ରଥମେ ପ୍ରଚାର ଆରମ୍ଭ କରିବେ । ସେହିପରି ବ୍ରିଜେଶ ଗୋୟଲ ଓ ଅତିଶିଙ୍କ ପାଇଁ ପ୍ରକାଶ ରବିବାର ପୂର୍ବ ଦିଲ୍ଲୀରୁ ପ୍ରଚାର କରୁଥିବା ନଜର ଆସିବେ ।
