ରାଇରଙ୍ଗପୁର: ଯୁବକଙ୍କୁ କୁରାଢିରେ ହାଣି ଯୁବକଙ୍କୁ ନିର୍ମମ ହତ୍ୟା । ରାସ୍ତା ମଝିରେ ପଡି ରହିଛି ମୃତଦେହ । ବାଦାମପାହାଡ ଥାନା କୁସୁମୀ ଗ୍ରାମରେ ଗତ ରାତିରେ ଏହି ହତ୍ୟାକାଣ୍ଡ ଘଟିଥିବା ବେଳେ ମୃତକ ଜଣଙ୍କ କୁସୁମୀ ଗ୍ରାମ ମାଝୀ ସାହିର ନାଥ ନାଏକ ବୋଲି ଜଣାପଡିଛି ।
ଯୁବକଙ୍କୁ କୁରାଢିରେ ହାଣି ବିଭତ୍ସ ହତ୍ୟା
ସୂଚନା ଅନୁଯାୟୀ, ଗତକାଲି ମାଝୀ ସାହି ରାସ୍ତାରେ ନାଥ ନାଏକଙ୍କ ରକ୍ତାକ୍ତ ମୃତଦେହ ପଡ଼ିଥିବା ଦେଖିବାକୁ ମିଳିଥିଲା । ଏନେଇ ଖବର ପାଇ ବାଦାମପାହାଡ ପୋଲିସ ଓ ସାଇଣ୍ଟିଫିକ ଟିମ୍ ଘଟଣାସ୍ଥଳରେ ପହଞ୍ଚି ଛାନଭିନ ଜାରି ରଖିଛନ୍ତି । ମୃତଦେହ ନିକଟରେ ଏକ ରକ୍ତ ଲଗା କୁରାଢିକୁ ଜବତ କରିଛି ପୋଲିସ । ତେବେ କିଏ କେଉଁ କାରଣରୁ ଯୁବକଙ୍କୁ ହତ୍ୟା କଲା ସେନେଇ ପୋଲିସ ତଦନ୍ତ ଜାରି ରଖିଛି ।
ଇଟିଭି ଭାରତ, ରାଇରଙ୍ଗପୁର
