କଟକ: ମାହାଙ୍ଗା ଥାନା ଅଞ୍ଚଳରେ ଲଜ୍ଜା । ବିବାହର ପ୍ରଲୋଭନ ଦେଖାଇ ନାବାଳିକାକୁ ଦୁଷ୍କର୍ମ । ଥାନାରେ ଅଭିଯୋଗ ପରେ ଅଭିଯୁକ୍ତକୁ ଗିରଫ କଲା ମାହାଙ୍ଗା ପୋଲିସ । ଅଭିଯୁକ୍ତ ଜଣଙ୍କ ହେଉଛନ୍ତି ତ୍ରିଲୋଚନ ମଲ୍ଲିକ । ସୂଚନା ଅନୁଯାୟୀ ଅଭିଯୁକ୍ତ ନିଜ ଗ୍ରାମର ଜଣେ ନାବାଳିକାକୁ ବିବାହର ପ୍ରଲୋଭନ ଦେଖାଇ ବାରମ୍ବାର ଦୁଷ୍କର୍ମ କରିଆସୁଥିଲା । ନାବାଳିକା ବିବାହ ପାଇଁ ପଚାରିବାରୁ ଅଭିଯୁକ୍ତ ବାରମ୍ବାର ଏଡାଇ ଆସୁଥିଲା । ଶେଷରେ ନାବାଳିକା ଜଣଙ୍କ ପରିବାର ସହିତ ଆସି ଥାନାର ଦ୍ୱାରସ୍ଥ ହୋଇଥିଲେ ।
ବିବାହର ପ୍ରଲୋଭନ ଦେଖାଇ ନାବାଳିକାକୁ ଦୁଷ୍କର୍ମ, ଜଣେ ଗିରଫ
ଏନେଇ ମାହାଙ୍ଗା ପୋଲିସ କେସ୍ ନଂ ୧୧୪/୨୨ରେ ଏକ ମାମଲା ରୁଜୁ କରିଛି ଓ ଅଭିଯୁକ୍ତ ତ୍ରିଲୋଚନକୁ ଗିରଫ କରି କୋର୍ଟ ଚାଲାଣ କରିଛି । ଅନ୍ୟପଟେ ପୀଡିତାଙ୍କୁ ବୟାନ ରେକର୍ଡ କରିବା ପାଇଁ କଟକ ପୋକ୍ସୋ କୋର୍ଟକୁ ନିଆଯାଇଛି ।
କଟକରୁ ନାରାୟଣ ସାହୁ, ଇଟିଭି ଭାରତ
