ଅନୁଗୋଳ: ସାଧାରଣ ବଚସାରୁ ତୁମୁଳକାଣ୍ଡ । ଗଣ୍ଡଗୋଳରୁ ଛୁରାମାଡ, ୩ ଆହତ । ଏଭଳି ଘଟଣା ଘଟିଛି ଅନୁଗୋଳ ଜିଲ୍ଲା କୁମଣ୍ଡ ଗାଁ ଚଣ୍ଡୀ ବଜାର ନିକଟରେ । ତେବେ ଆହତ ୩ ଜଣଙ୍କ ଅବସ୍ଥା ଗୁରୁତର ଥିବାରୁ ସେମାନଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିବା ସୂଚନା ମିଳିଛି । ୩ ଗୁରୁତର ହେଉଛନ୍ତି ରଞ୍ଜନ ବେହେରା, ସୁନୀଲ ବସାକ ଓ ରବି ଜେନା ।
ଗଣ୍ଡଗୋଳରୁ ଛୁରାମାଡ , ତିନି ଗୁରୁତର
ମିଳିଥିବା ସୂଚନା ଅନୁଯାୟୀ ଚଣ୍ଡୀ ବଜାରରେ ଥିବା ଏକ ଢ଼ାବାକୁ ଏହି ତିନି ଜଣଙ୍କ ସହ ଏସକେ ସାବୀ ଓ ଡିଲ ନାଏକ ଖାଇବାକୁ ଯାଇଥିଲେ । ସେଠାରେ ପୂର୍ବରୁ ଖାଉଥିବା ଅନ୍ୟ ଦୁଇଜଣ ଅପରିଚିତ ଲୋକଙ୍କ ସହ ବଚସା ଓ ପରେ ଗଣ୍ଡଗୋଳ ହୋଇଥିଲା । ଏହା ପରେ ଉକ୍ତ ୨ ଜଣ ଏକ ଛୁରୀରେ ରଞ୍ଜନ , ସୁନୀଲ ଓ ରବିଙ୍କୁ ଆକ୍ରମଣ କରିଥିଲେ । ଫଳରେ ତାଙ୍କ ପେଟରେ ଗଭୀର ଆଘାତ ଲାଗିଥିଲା ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
