ସମ୍ବଲପୁର: ସ୍ବାମୀର ବାହାଘର ବେଳେ ସ୍ତ୍ରୀର ହାଇଭୋଲଟେଜ ଡ୍ରାମା । ସ୍ବାମୀ ବେଦୀରେ ବସିଥିବା ବେଳେ ନିଜ ୨ ପିଲା ସହ ପହଞ୍ଚି ବାହାଘର ବନ୍ଦ କଲା ସ୍ତ୍ରୀ । ଏଭଳି ଘଟଣା ଘଟିଛି ସମ୍ବଲପୁର ଟାଉନ ଥାନା ଅନ୍ତର୍ଗତ ବସୁନ୍ଧରା ନର୍ସିଂହୋମ ଗଳିରେ ଘଟିଛି । ପୂର୍ବତନ ପତ୍ନୀଙ୍କ ଏଭଳି ଅଭିଯୋଗ ପରେ ସମ୍ବଲପୁର ଗୋବିନ୍ଦତୋଳାର ଯୁବକ ସୁଜିତ ବାଗଙ୍କୁ ବେଦୀରୁ ଉଠାଇ ଥାନାକୁ ନେଲା ପୋଲିସ ।
ସୂଚନାଅନୁଯାୟୀ, ଗତକାଲି ଅପରାହ୍ନ ୩ଟା ସମୟରେ ବିବାହ ପାଇଁ ବେଦୀରେ ବସିଥିଲେ ସୁଜିତ ବାଗ । ତେବେ କନ୍ୟା ଆସିବା ପୂର୍ବରୁ ପହଞ୍ଚିଥିଲେ ପୂର୍ବତନ ପତ୍ନୀ ଯଶୋଦାଙ୍କ ସହ ତାଙ୍କ ଦୁଇ ପିଲା । ଘଟଣାସ୍ଥଳରେ ଉତ୍ତେଜନା ପ୍ରକାଶ ପାଇବାରୁ ପୋଲିସ ପହଞ୍ଚି ବରକୁ ଥାନାକୁ ନେଇଥିଲା । ତେବେ ଯଶୋଦାଙ୍କ ଅଭିଯୋଗ କରିଥିଲେ ଯେ ଗତ ମାର୍ଚ୍ଚ 9,2014ରେ ସେ ସୁଜିତକୁ ବିବାହ କରିଥିଲେ । ତାଙ୍କର 2ଟି ପିଲା ହେବା ପରେ ସୁଜିତ ତାଙ୍କୁ ଛାଡି ଅନ୍ୟ ଝିଅ ସହ ସମ୍ପର୍କ ରଖୁଥିଲେ ।
ଅନ୍ୟପଟେ ସୁଜିତ କହିଛନ୍ତି ଯେ ତାଙ୍କର ପୂର୍ବତନ ପତ୍ନୀଙ୍କ ଅନ୍ୟ ଯୁବକ ସହିତ ଅନୈତିକ ସମ୍ପର୍କ ଥିଲା ତେଣୁ ସେ ଛାଡପତ୍ର ପାଇଁ ପରିବାର ଅଦାଲତର ଆଶ୍ରୟ ନେଇଥିଲେ ଓ ତାଙ୍କର ଛାଡପତ୍ର ହୋଇସାରିଛି । ତେଣୁ ସେ ଦ୍ଵିତୀୟ ବିବାହ କରୁଛନ୍ତି ବୋଲି ପୋଲିସକୁ କହିଥିଲେ । ଏହାପରେ କୋର୍ଟର କାଗଜପତ୍ର ଦେଖିବା ପରେ ସୁଜିତଙ୍କୁ ପୋଲିସ ଛାଡି ଦେଇଥିଲା ଓ ସେ ଘରକୁ ଯାଇ ପୁଣି ବିବାହ କରିଥିଲେ ।
ସମ୍ବଲପୁରରୁ ବାଦଶାହା ଜୁସ୍ମନ ରଣା, ଇଟିଭି ଭାରତ
