ସମ୍ବଲପୁର: ହୀରାକୁଦ ସ୍ଥିତ ହିଣ୍ଡାଲକୋ ସ୍ମେଲଟର କମ୍ପାନୀରେ ଦୁର୍ଘଟଣା ଘଟି କାର୍ଯ୍ୟରତ ଠିକା ଶ୍ରମିକଙ୍କ ମୃତ୍ୟୁ । କମ୍ପାନୀରେ ଆଲୁମିନିୟମ ବାଥ୍ ପଡି ଠିକା ଶ୍ରମିକଙ୍କ ମୃତ୍ୟୁ ହୋଇଥିବା ଜଣାପଡିଛି । ମୃତକ ଜଣଙ୍କ ହେଉଛନ୍ତି ମଣ୍ଟୁ ଖମାରୀ । କମ୍ପାନୀ କର୍ତ୍ତୃପକ୍ଷ ଅବହେଳା ଯୋଗୁ ଏହି ଦୁର୍ଘଟଣା ଘଟିଥିବା ଅଭିଯୋଗ କରି ଧାରଣାରେ ବସିଛନ୍ତି ମୄତକଙ୍କ ପରିବାର ଲୋକେ ।
ସୂଚନାଅନୁଯାୟୀ ମଣ୍ଟୁ ଖମାରୀ ସମ୍ବଲପୁର ହୀରାକୁଦ ସ୍ଥିତ ହିଣ୍ଡାଲକୋ କମ୍ପାନୀରେ ଜଣେ ଠିକା ଶ୍ରମିକ ଭାବେ କାର୍ଯ୍ୟ କରୁଥିବା ବେଳେ ଆଲୁମିନିୟମ ବାଥ୍ ପଡି ତାଙ୍କର ମୃତ୍ୟୁ ହୋଇଥିଲା |ଏହାପରେ ମଣ୍ଟୁଙ୍କ ମୃତ୍ୟୁ ପାଇଁ କମ୍ପାମୀ କର୍ତ୍ତୃପକ୍ଷଙ୍କୁ ଦାୟୀ କରିବା ସହ କ୍ଷତିପୂରଣ ଦାବି କରି କମ୍ପାନୀ ସମ୍ମୁଖରେ ଧାରଣାରେ ବସିଥିଲେ ପରିବାର ଲୋକେ । ମୃତକଙ୍କ ପରିବାର ଲୋକଙ୍କୁ ୧୫ ଲକ୍ଷ ଟଙ୍କା ଆର୍ଥିକ କ୍ଷତିପୂରଣ, ପରିବାରର ଜଣଙ୍କୁ ଚାକିରି ଓ ମୃତ ମଣ୍ଟୁଙ୍କ ଶିଶୁଙ୍କ ଶିକ୍ଷାଦାନ ପାଇଁ ବ୍ୟବସ୍ଥା କରିବା ଦାବି କରିଛନ୍ତି ପରିବାର ଲୋକେ ।
ସମ୍ବଲପୁରରୁ ବାଦସାହା ଜୁସ୍ମନ ରଣା, ଇଟିଭି ଭାରତ
