ସମ୍ବଲପୁର: ପୂଜା ଇଣ୍ଡଷ୍ଟ୍ରିରେ ସିଟି ଜିଏସଟି ଚଢ଼ାଉ । ସମ୍ବଲପୁର ସହର କ୍ଷେତରାଜପୁର ଅଞ୍ଚଳର କ୍ରୀଷ୍ଣାନଗର ଓ ନକ୍ସାପାଲି ସ୍ଥିତ କୁଲର ଏବଂ ଆଲମିରା କାରଖାନା 'ପୂଜା ଇଣ୍ଡଷ୍ଟ୍ରି' ରେ ଏହି ଚଢ଼ାଉ ହୋଇଛି । ଏହାର ମାଲିକ ପ୍ରେମା ଦେବୀ ଅଗ୍ରୱାଲଙ୍କ ବାସଭବନରେ ମଧ୍ୟ ରାଜ୍ୟ ସରକାରଙ୍କ ସିଟି ଜିଏସଟିର ପ୍ରବର୍ତ୍ତନ ବିଭାଗ ପକ୍ଷରୁ ଚଢ଼ାଉ ହୋଇଛି । ଟିକସ ଫାଙ୍କୁଥିବା ଅଭିଯୋଗରେ ଏହି ଚଢ଼ାଉ ହୋଇଥିବା ଜଣାଯାଇଛି ।
ଡେପୁଟି କମିଶନର ସୁବୋଧ କୁମାର ପଣ୍ଡାଙ୍କ ନେତୃତ୍ବରେ ହୋଇଥିବା ଏହି ଚଢାଉରେ ୨୦ ଜଣ ଅଧିକାରୀ ସାମିଲ ରହିଛନ୍ତି । କିଛି ଗୁରୁତ୍ବପୂର୍ଣ୍ଣ କାଗଜ ପତ୍ର ଯାଞ୍ଚକରି ତଦନ୍ତ ଜାରି ରହିଥିବା ସିଟି ଏବଂ ଜିଏସଟି ପ୍ରବର୍ତ୍ତନ ବିଭାଗର ଯାଞ୍ଚ ଅଧିକାରୀ ସୁରଞ୍ଜନ ସାଗର ପ୍ରକାଶ କରିଛନ୍ତି ।
ସମ୍ବଲପୁରରୁ ବାଦଶାହ ଜୁସ୍ମନ ରଣା, ଇଟିଭି ଭାରତ
