ସମ୍ବଲପୁର: ବୁର୍ଲା ଭୀମସାର ମେଡିକାଲର ଦାନ୍ତ ବିଭାଗର ଡାକ୍ତର ପ୍ରଶାନ୍ତ କୁମାର ସ୍ବାଇଁ ଏଡସ ରୋଗୀଙ୍କ ଅସ୍ତ୍ରୋପଚାର କରିବା ଘଟଣା ପ୍ରଘଟ ହେବା ପରେ ଏନେଇ ପ୍ରତିକ୍ରିୟା ରଖିଛନ୍ତି ଅଧୀକ୍ଷକ ଲାଲ ମୋହନ ନାଏକ । ସେ କହିଛନ୍ତି ଏଡସ ରୋଗୀଙ୍କ ଅସ୍ତ୍ରୋପଚାର ପରେ ଅନ୍ୟ ରୋଗୀଙ୍କୁ ଅସ୍ତ୍ରୋପଚାର କରିବା ପୂର୍ବରୁ ଉପଯୁକ୍ତ ସତର୍କତା ମୂଳକ ପଦକ୍ଷେପ ନିଆଯାଇଛି । ସେଥିପାଇଁ ଅନ୍ୟ ରୋଗୀଙ୍କୁ କୌଣସି ବିପଦ ନାହିଁ ବୋଲି କହିଛନ୍ତି ଅଧୀକ୍ଷକ।
ଏନେଇ ଆଜି ଅଧୀକ୍ଷକ କହିଛନ୍ତି ଯେ, ‘ଏହା ଆମ ନିଜ ୱାର୍ଡ ଭିତର କଥା, ସେଥିପାଇଁ କୌଣସି ତଦନ୍ତ ହେବନାହିଁ। ଏଥିରେ ରୋଗୀମାନେ ବିପଦମୁକ୍ତ ଓ ଅନ୍ୟ ରୋଗୀଙ୍କୁ ଅସ୍ତ୍ରୋପଚାର ପୂର୍ବରୁ ଭିନ୍ନ ଉପକରଣରେ ଅସ୍ତ୍ରୋପଚାର କରାଯାଇଛି।’ ତେବେ ଏଡସ ରୋଗୀଙ୍କ ଅସ୍ତ୍ରୋପଚାର ପରେ ଆଉ କେତେ ଲୋକଙ୍କ ଅସ୍ତ୍ରୋପଚାର କରାଯାଇଛି, ତାର ଯାଞ୍ଚ ହେବ ବୋଲି ଅଧୀକ୍ଷକ କହିଛନ୍ତି ।
ସେପଟେ ଏହି ଘଟଣାରେ ପ୍ରତିକ୍ରିୟା ରଖିଛନ୍ତି ବିଭାଗୀୟ ମୁଖ୍ୟ ଅନୁପ ଶତପଥୀ । ସେ କହିଛନ୍ତି ଯେ, ‘ଏହା ଅତ୍ୟନ୍ତ ସମ୍ବେଦନଶୀଳ ଘଟଣା । ଏଠାରେ ଅପେରସନ କରିଥିବା ଡାକ୍ତର ନିଜର କର୍ତ୍ତବ୍ୟ ନୁହେଁ ଦାୟିତ୍ବହୀନତା ଦେଖାଇଛନ୍ତି ।’
ସମ୍ବଲପୁରରୁ ବାଦଶାହା ଜୁସ୍ମନ ରଣା ଓ ଭୁବନେଶ୍ବରରୁ ଲକ୍ଷ୍ନୀକାନ୍ତ ଦାସ, ଇଟିଭି ଭାରତ
