ସମ୍ବଲପୁର: ସମ୍ବଲପୁର ଗଣଦୁଷ୍କର୍ମ ମାମଲାରେ ଆଉ 2 ନାବାଳକ ଗିରଫ । ପୂର୍ବରୁ ଏହି ଘଟଣାରେ 4 ଜଣକୁ ଗିରଫ କରିଥିଲା ଅଇଁଠାପାଲି ପୋଲିସ । ଗତକାଲି ଘଟଣାର ତଦନ୍ତ ଲାଗି ପୀଡିତାଙ୍କୁ ବୁର୍ଲା ମେଡିକାଲରେ ଭେଟିଥିଲେ ମହିଳା କମିଶନର ଅଧ୍ୟକ୍ଷା ମୀନତି ବେହେରା । ଏହାପରେ ସେ, ଅଇଁଠାପାଲି ଥାନାକୁ ଯାଇ ଏସପିଙ୍କ ସହ ଘଟଣା ବିଷୟରେ ଆଲୋଚନା କରିଥିଲେ ।
ସେପଟେ, ଅଇଁଠାପାଲି ପୋଲିସ ମଧ୍ୟ ଘଟଣାକୁ ଗୁରୁତର ସହ ନେବା ସହ 20 ଦିନ ଭିତରେ ଚାର୍ଜସିଟ ଦାଖଲ କରିବ ବୋଲି ସୂଚନା ଦେଇଛି । ସୂଚନାଯୋଗ୍ୟ, ଗତ ଶନିବାର ରାତିରେ ମହିଳାଙ୍କୁ ଗଣଦୁଷ୍କର୍ମ ହୋଇଥିବାବେଳେ ରବିବାର ତାଙ୍କୁ ମୁମୂର୍ଷୁ ଅବସ୍ଥାରେ ଉଦ୍ଧାର କରାଯାଇଥିଲା । ତେବେ ବର୍ତ୍ତମାନ ମହିଳା ଜଣକ ବୁର୍ଲା ମେଡିକାଲରେ ଚିକିତ୍ସିତ ହେଉଥିବାବେଳେ ତାଙ୍କ ମୁଣ୍ଡରେ ଆଘାତ ଲାଗିଥିବା ଜଣାପଡିଛି ।
ସମ୍ବଲପୁରରୁ ବାଦଶାହ ଜୁସ୍ମନ ରଣା, ଇଟିଭି ଭାରତ
