ରାଉରକେଲା: ରାଉରକେଲା ପ୍ଲାଣ୍ଟସାଇଟ ଥାନା ଗୋପବନ୍ଧୁପାଲି ନାବାଳିକା ଦୁଷ୍କର୍ମ ଉଦ୍ୟମ ଘଟଣାରେ 2 ଗିରଫ । ନାବାଳିକାକୁ ଦୁଷ୍କର୍ମ କରିଥିବା ମଉସା ଓ ମାଉସୀଙ୍କୁ ଗିରଫ କରି କୋର୍ଟ ଚାଲାଣ କରିଛି ପୋଲିସ । ପୋଲିସ ପ୍ରଥମେ ଏହି ଘଟଣାରେ ମାଉସୀକୁ ଗିରଫ କରିଥିବା ଜଣାପଡିଛି । ଆଜି ଅଭିଯୁକ୍ତକୁ ଗିରଫ କରିଛି ।
ପୀଡିତା ସହିତ 2 ଭାଇ ତଥା ମାଉସର ଦୁଇ ପିଲାଙ୍କୁ ସୁରକ୍ଷା ପାଇଁ ସିଡବ୍ଲୁସିକୁ ଅନୁରୋଧ କରାଯାଇଛି । ମଉସା ଦ୍ବାରା ଦୁଷ୍କର୍ମ ଉଦ୍ୟମର ବିରୋଧ କରି ନାବାଳିକାଟି ଦୌଡ଼ି ପଳାଇ ଯିବାକୁ ଚେଷ୍ଟା କରିବା ବେଳେ ଏକ ଛୁରୀରେ ନାବାଳିକାକୁ ଏହି ଦମ୍ପତି ଆକ୍ରମଣ କରିଥିଲେ । ଫଳରେ ପୀଡିତାଙ୍କ ଆଖିପାଖରେ ଗଭୀର କ୍ଷତ ହୋଇଛି । ବୁଧବାର ଝିଅଟି ନ୍ୟାୟ ଲାଗି ପ୍ଲାଣ୍ଟସାଇଟ ଥାନାର ଦ୍ବାରସ୍ଥ ହୋଇଛି ।
ଏପରିକି ଉକ୍ତ ନାବଳିକାର କେତେକ ଆପତ୍ତିଜନକ ଫଟୋ ମଧ୍ୟ ମୋବାଇଲ ଫୋନରେ ଉଠାଇ ରଖିଛନ୍ତି ଅଭିଯୁକ୍ତ । ନାବାଳିକାର ମାଆଙ୍କ ମୃତ୍ୟୁ ପରେ ସେ ଅଜାଘରେ ବିହାରର ମସୁଡିରେ ରହୁଥିଲେ । ସେଠାରେ ପ୍ରଥମେ ତାଙ୍କର ଅଜା ଦୁଷ୍କର୍ମ ପାଇଁ ଉଦ୍ୟମ କରିଥିଲେ । ଫଳରେ ନାବାଳିକାଙ୍କ ମାଉସୀ ଅଜା ନାମରେ ଅଭିଯୋଗ ନକରିବା ପାଇଁ ଅନୁରୋଧ କରି ନାବାଳିକାକୁ ରାଉରକେଲା ଆଣିଥିଲା । ହେଲେ ପୁଣି ମଉସା ମଧ୍ୟ ଦୁଷ୍କର୍ମ ଉଦ୍ୟମ କରିଥିଲା । ଫଳରେ ସେ ଥାନାରେ ଅଭିଯୋଗ କରିବା ପରେ ଉଭୟ ଗିରଫ ହୋଇଛନ୍ତି ।
ରାଉରକେଲାରୁ ରାଜେନ୍ଦ୍ରନାଥ ମିଶ୍ର,ଇଟିଭି ଭାରତ
