ରାଉରକେଲା: କାଠ ବୋଝେଇ ଟ୍ରକ ଜବତ। ସୁନ୍ଦରଗଡ ଜିଲ୍ଲାର ହାତୀବାରି ଥାନା ଅଞ୍ଚଳରେ ପୋଲିସ ତଥା ବନ ବିଭାଗର ଚଢାଉରେ କାଠ ବୋଝେଇ ଟ୍ରକ ଜବତ କରାଯାଇଛି। ତେବେ ଏହି ଟ୍ରକରେ ୟୁପିର ନମ୍ବର ପ୍ଲେଟ ରହିଛି ।
ଭିଡିଓ ସୌଜନ୍ୟ: ସମ୍ବାଦଦାତା, ରାଉରକେଲା
ତେବେ କାଠ ବୋଝେଇ ଟ୍ରକଟିକୁ ଜବତ କରାଯାଇଥିଲେ ମଧ୍ୟ ଗାଡିର ଡ୍ରାଇଭର ସମେତ ଅନ୍ୟମାନେ ଫେରାର ହୋଇଛନ୍ତି । ଟ୍ରକଟି କାଠ ଧରି ଝାରଖଣ୍ଡ ଆଡ଼କୁ ଯାଉଥିବା ସୂଚନା ମିଳିଛି । ଏପଟେ ଜବତ ହୋଇଥିବା ଟ୍ରକରେ ଥିବା କାଠର ଗଣତି ଜାରି ରହିଛି । ଏଥିସହ ପୋଲିସ ତଥା ବନ ବିଭାଗ ଘଟଣାର ତଦନ୍ତ ଆରମ୍ଭ କରିଛି। ତେବେ ଟ୍ରକରେ ଥିବା କାଠର ମୂଲ୍ୟ 10 ଲକ୍ଷ ଟଙ୍କାରୁ ଉର୍ଦ୍ଧ ହେବା ନେଇ ଆକଳନ କରାଯାଉଛି ।
ରାଉରକେଲାରୁ ରାଜେନ୍ଦ୍ର ନାଥ ମିଶ୍ର, ଇଟିଭି ଭାରତ
