ଆସନ୍ତା 21ରେ ଆରପିଡିଏସି ବୈଠକ

ଉତ୍ତରାଞ୍ଚଳ ଆରଡିସିଙ୍କ ନିର୍ଦ୍ଦେଶକ୍ରମେ ଆସନ୍ତା 21ରେ ବସିବ ଆରପିଡିଏସି ବୈଠକ । ରାଉରକେଲା ଇସ୍ପାତ କାରଖାନାକୁ ନେଇ ଏହା 6ତମ ଆଲୋଚନା ।

ରାଉରକେଲା: ଆସନ୍ତା 21ରେ ଇସ୍ପାତ କାରଖାନାକୁ ନେଇ 6ତମ ଆରପିଡିଏସି ବୈଠକ । ରାଉରକେଲା ଆଇଟିଡିଏ ହଲରେ ବୈଠକ ଡାକିଲେ ଉତ୍ତରାଞ୍ଚଳ ଆରଡିସି । ସାଂସଦ ଜୁଏଲ ଓରାମ, ବିଧାୟକ ଶାରଦା ପ୍ରସାଦ ନାୟକ, ସୁବ୍ରତ ତରାଇଙ୍କ ସହ ସମସ୍ତ ସରକାରୀ ଅଧିକାରୀ ଓ କାରଖାନାର ସିଇଓ ଏହି ବୈଠକରେ ଉପସ୍ଥିତ ରହିବେ ।

ବିସ୍ଥାପିତମାନଙ୍କ ସମସ୍ୟା ଦିନକୁ ଦିନ ମୁଣ୍ଡ ଟେକୁ ଥିବାବେଳେ ଏହା ଏକ ବଡ଼ ଫୋରମ । ପୂର୍ବରୁ ଏହି ଫୋରମରେ ନିଆଯାଇ ଥିବା ନିଷ୍ପତ୍ତି ବର୍ତ୍ତମାନ ଯାଏଁ କାର୍ଯ୍ୟକାରୀ ହୋଇନାହିଁ । ଏହି ପରିସ୍ଥିତିରେ ବୈଠକଟି ସରଗରମ ରହିପାରେ ।

ରାଉରକେଲାରୁ ରାଜେନ୍ଦ୍ରନାଥ ମିଶ୍ର, ଇଟିଭି ଭାରତ