ରାଉରକେଲା: ପ୍ଲାଜମା ଦାନ କରିଥିବା କୋରୋନା ସୁସ୍ଥଙ୍କ ଯୋଗୁଁ ବହୁତ ଲୋକଙ୍କ ଜୀବନ ରକ୍ଷା ହେଉଛି । ମଙ୍ଗଳବାର ପ୍ଲାଜମା ଦାନ କରିଥିବା ବ୍ୟକ୍ତିଙ୍କୁ ସମ୍ବର୍ଦ୍ଧନା ପାଇଁ ଆୟୋଜିତ କାର୍ଯ୍ୟକ୍ରମରେ ଜିଲ୍ଳାପାଳ ନିଖିଳ ପବନ କଲ୍ୟାଣ, ଡିଆଇଜି କବିତା ଜଳାନ, ଏଡିଏମ ଅବନୀ ସୁନୀଲ ନରବନେ ସହିତ ଜନପ୍ରତିନିଧିମାନେ ଭାଗ ନେଇଥିଲେ ।
ପ୍ଲାଜମା ଦାନ କରିଥିବା ବ୍ୟକ୍ତିଙ୍କୁ ସମ୍ବୋର୍ଦ୍ଧନା
ରାଉରକେଲା ଚାମ୍ବର ଅଫ କମର୍ଷ ଆଣ୍ଡ ଇଣ୍ଡଷ୍ଟ୍ରି ତଥା ଲାୟନ କ୍ଲବ ପକ୍ଷରୁ ଏହି ସମ୍ବର୍ଦ୍ଧନା କାର୍ଯ୍ୟକ୍ରମର ଆୟୋଜନ ଆଇଟିଡିଏ ସମ୍ମିଳନୀ କକ୍ଷରେ କରାଯାଇଥିଲା । ଏବଂ ଏଥିରେ ପ୍ଲାଜମା ଦାନ କରିଥିବା ଲୋକଙ୍କୁ ସମ୍ବର୍ଦ୍ଧିତ କରାଯାଇଥିଲା । କୋଭିଡ-19 ମୁକାବିଲାରେ ପ୍ଲାଜମାର ମହତ୍ଵ ଅଧିକାଂଶ ଲୋକେ ବୁଝିବା ଉଚିତ । ସେଥିପାଇଁ ଅଧିକ ଲୋକ ପ୍ଲାଜମା ଦାନ କଲେ ଲୋକେ କୋରୋନାରୁ ମୁକ୍ତ ହେବେ ବୋଲି ସେ କହିଥିଲେ ।
ରାଉରକେଲାରୁ ରାଜେନ୍ଦରନାଥ ମିଶ୍ର, ଇଟିଭି ଭାରତ
