ରାଉରକେଲା: ପବିତ୍ର ଘୋଷଯାତ୍ରାକୁ ମାତ୍ର ଆଉ ଦିନ କେଇଟା ବାକି। ସେଥିପାଇଁ ରାଉରକେଲାରେ ଚାଲିଛି ବ୍ୟାପକ ପ୍ରସ୍ତୁତି । ଏନେଇ ଜିଲ୍ଲା ପ୍ରଶାସନ ଏବଂ ପୋଲିସ ପ୍ରଶାସନ ପକ୍ଷରୁ ଏକ ରାଉରକେଲା ମହାନଗର ନିଗମ ସମ୍ମିଳନୀ କକ୍ଷରେ ଏକ ବୈଠକ ଅନୁଷ୍ଠିତ ହୋଇଯାଇଛି ।
ଭିଡିଓ ସୌଜନ୍ୟ: ସମ୍ବାଦଦାତା, ରାଉରକେଲା
ରାଉରକେଲା ଏସପି ସାର୍ଥକ ଷଢଙ୍ଗୀ ଅଧ୍ୟକ୍ଷତାରେ ଅନୁଷ୍ଠିତ ଏହି ବୈଠକରେ ବରିଷ୍ଠ ପୋଲିସ ଅଧିକାରୀ , ବିଭିନ୍ନ ବିଭାଗର ମୁଖ୍ୟ , ଇଣ୍ଟିଗ୍ରେସନ ଫୋରମର ସଦସ୍ୟମାନେ ଯୋଗ ଦେଇ ନିଜର ମତାମତ ରଖିଥିଲେ । ବିଶେଷକରି ରଥ ଯିବା ରାସ୍ତାର ମରାମତି, ଓହଳି ପଡିଥିବା ବିଦ୍ୟୁତ ତାରକୁ ଉପରକୁ ଉଠେଇବା ଆଦି ବିଷୟ ଉପରେ ଗୁରୁତ୍ୱ ଦେବାକୁ ପ୍ରଶାସନକୁ ନିବେଦନ ଵିଭିନ୍ନ ରଥଯାତ୍ରା କମିଟି ପକ୍ଷରୁ କରାଯାଇଥିଲା । ଭିଡକୁ ଦୃଷ୍ଟିରେ ରଖି ଟ୍ରାଫିକ ନିୟନ୍ତ୍ରଣ ପାଇଁ ପୋଲିସ ମୁତୟନ କରାଯିବ ବୋଲି ସୂଚନା ଦେଇଛନ୍ତି ଏସପି ।
ରାଉରକେଲାରୁ ରାଜେନ୍ଦ୍ର ନାଥ ମିଶ୍ର, ଇଟିଭି ଭାରତ
