ରାଉରକେଲା: ସାରା ବିଶ୍ୱରେ କୋରୋନା ଆତଙ୍କ । କୋରୋନାର ମୁକାବିଲା ପାଇଁ ରାଜ୍ୟ ସରକାର ମଧ୍ୟ ପଦକ୍ଷେପ ନେଇଛନ୍ତି । କୋରୋନା ପ୍ରତି ସଚେତନତା ପାଇଁ ଜିଲ୍ଲା ପ୍ରଶାସନ ସହିତ ରେଳବିଭାଗ ମଧ୍ୟ ଅଣ୍ଟା ଭିଡ଼ିଛନ୍ତି । କିନ୍ତୁ ଆଶ୍ଚର୍ଯ୍ୟର କଥା ହେଉଛି ରାଉରକେଲା ରେଳଷ୍ଟେସନରେ କୌଣସି ମେଡିକାଲ ଟିମ ନାହିଁ ।
ରେଳଷ୍ଟେସନକୁ ସଫା ରଖା ଯିବା ସହିତ କରୋନାକୁ ନେଇ ସଚେତନ କରାଯାଉଛି । ରାଞ୍ଚି, କୋଲକତାରୁ ବିଭିନ୍ନ ଟ୍ରେନ ଯୋଗେ ଯାତ୍ରୀ ରାଉରକେଲା ଆସିଥାନ୍ତି । ଏହିଭଳି ପରିସ୍ଥିତିରେ କୋରୋନା ଆକ୍ରାନ୍ତ ମାନଙ୍କ ଆସିବାର ସମ୍ଭାବନା ରହିଛି । ରେଳ ଷ୍ଟେସନରେ ଡାକ୍ତରୀ ଦଳ ଓ ଯାତ୍ରୀଙ୍କୁ ସ୍କ୍ରିନିଂ କରିବା ବ୍ୟବସ୍ଥାରେ ଆବଶ୍ୟକତା ରହିଛି । କିନ୍ତୁ ବର୍ତ୍ତମାନ ପର୍ଯ୍ୟନ୍ତ ସ୍କ୍ରିନିଂର ବ୍ୟବସ୍ଥା କରାଯାଇନାହିଁ ।
ତେବେ ଏଠାରେ ଅଧିକାଂଶ ଯାତ୍ରୀ ନିଜେ ସଚେତନ ହେବା ସହିତ ମାସ୍କ ବ୍ୟବହାର କରୁଛନ୍ତି । ରେଳଷ୍ଟେସନରେ ସ୍କ୍ରିନିଂ ପାଇଁ ଡାକ୍ତର ମାନଙ୍କ ଟିମ ରହିବା ଦରକାର । ଯାତ୍ରୀଙ୍କୁ ସ୍କ୍ରିନିଂ ଦ୍ବାରା ସନ୍ଦିଗ୍ଧଙ୍କୁ ସଠିକ ଭାବରେ ଚିହ୍ନଟ କରି ମହାମାରୀ କୋରୋନାର ସଂକ୍ରମଣ ରୋକିବାରେ ସହାୟକ ହେବ ।
ରାଉରକେଲାରୁ ରାଜେନ୍ଦ୍ରନାଥ ମିଶ୍ର, ଇଟିଭି ଭାରତ
