ରାଉରକେଲା: ପଣ୍ଡ ହେଲା ନକ୍ସଲଙ୍କ ଆତ୍ମଘାତୀ ଯୋଜନା । ରାଉରକେଲା ଲାଙ୍ଗଳକଟାରେ ଏକ ଲ୍ୟାଣ୍ଡମାଇନକୁ ସିଆରପିଏଫ ଟିମ୍ ଜବତ କରିଛି । ନକ୍ସଲଙ୍କ ବିରୋଧରେ ପାଟ୍ରୋଲିଂ ପାଇଁ ଯାଇଥିବାବେଳେ ସିଆରପିଏଫଙ୍କୁ ଏହି ସଫଳତା ମିଳିଛି ।
ସୂଚନା ଅନୁସାରେ, ଜବତ ହୋଇଥିବା ଲ୍ୟାଣ୍ଡମାଇନର ଓଜନ 15 କିଲୋଗ୍ରାମ ହେବ ବୋଲି ଅନୁମାନ କରାଯାଉଛି । ଯାହାକୁ ଜବତ କରିବା ପରେ ନିଷ୍କ୍ରିୟ କରାଯାଇଛି ।
ତେବେ ମାଓବାଦୀମାନେ ସୁରକ୍ଷାବଳକୁ କ୍ଷତି ପହଞ୍ଚାଇବା ପାଇଁ ଏହି ଯୋଜନା କରିଥିବାବେଳେ ଲ୍ୟାଣ୍ଡମାଇନକୁ ଜବତ କରାଯାଇଛି। ଫଳରେ ଏକ ବଡ ଧରଣର ଆତ୍ମଘାତୀ ବିସ୍ଫୋରଣକୁ ଏଡା ଯାଇପାରିଛି । ସୁରକ୍ଷା ବ୍ୟବସ୍ଥାକୁ ଆହୁରି କଡାକଡି କରାଯାଇଛି ।
ରାଉରକେଲାରୁ ରାଜେନ୍ଦ୍ରନାଥ ମିଶ୍ର, ଇଟିଭି ଭାରତ
