ରାଉରକେଲା: ମାଲଗାଡି ନେଇ ବ୍ରଜରାଜନଗରରେ ପହଞ୍ଚିବା ପରେ ନିଖୋଜ ହୋଇଛନ୍ତି ଜଣେ ଲୋକୋ ପାଇଲଟ ବା ଟ୍ରେନ ଚାଳକ । ତାଙ୍କ ନାଁ ଶିବଶକ୍ତି । ସୂଚନା ମୁତାବକ ଗତ 4 ତାରିଖରେ ସେ ରାଉରକେଲା ରେଳ ଷ୍ଟେସନରୁ ମାଲଗାଡି ନେଇ ବ୍ରଜରାଜନଗର ଯାଇଥିଲେ । ହେଲେ ସେଠାରୁ ଶିବ ହଠାତ୍ ନିଖୋଜ ହୋଇଯାଇଛନ୍ତି । ଏନେଇ ଗତ 6 ତାରିଖରେ ରାଉରକେଲା ରେଳ ପୋଲିସ ଏକ ନିଖୋଜ ମାମଲା ରୁଜୁ କରି ତଦନ୍ତ ଆରମ୍ଭ କରିଥିବ ଜଣା ପଡିଛି ।
ଶିବଶକ୍ତିଙ୍କ ସ୍ତ୍ରୀଙ୍କ କହିବା ମୁତାବକ, ତାଙ୍କ ଫୋନ ନମ୍ବର ବନ୍ଦ ରହିଛି ତଥାପି ଶନିବାର ରାତି 10ଟା 15 ପର୍ଯ୍ୟନ୍ତ ସେ ମୋବାଇଲ ହ୍ବାଟ୍ସଆପ୍ରେ କଥା ହୋଇଥିଲେ । ଏହାପର ଠାରୁ ତାଙ୍କ ସହ କୌଣସି ଯୋଗାଯୋଗ ହୋଇପାରୁନଥିବାରୁ ସ୍ତ୍ରୀଙ୍କ ସହ ଚିନ୍ତା ପ୍ରକାଶ କରିଛି ରେଳ ବିଭାଗ । ଅନ୍ୟପଟେ ନିଖୋଜ ଦିନ ଟ୍ରେନ ଚାଳକଙ୍କ ସାଥୀରେ ଥିବା ଅନ୍ୟ ସାଥୀ ମଧ୍ୟ ହଠାତ୍ ଛୁଟିରେ ଯିବା ସନ୍ଦେହ ସୃଷ୍ଟି କରୁଛି ।
ରାଉରକେଲାରୁ ରାଜେନ୍ଦ୍ର ନାଥ ମିଶ୍ର, ଇଟିଭି ଭାରତ
